skol
Kigali
startimes

Abaturage bo mu Burundi batashywe n’ubwoba nyuma y’imbunda zahawe Imbonerakure

Amakuru   Yanditswe na: Martin Munezero 17 October 2020 Yasuwe: 5249

Mu Ntara ya Cibitoke iri mu majyaruguru ashyira Uburengerazuba bw’u Burundi, abaturage baravuga ko bafite ubwoba bwinshi nyuma y’uko leta y’u Burundi ihaye Imbonerakure imbunda.


Imbonerakure ni umutwe w’urubyiruko rwo mu ishyaka CNDD-FDD riri ku butegetsi mu Burundi.

Imbunda urwo rubyiruko ruheruka guhabwa zahawe abayobozi barwo mu makomini agize Intara ya Cibitoke, zitanzwe n’umunyamabanga w’Ishyaka CNDD-FDD ku rwego rw’intara, na bo bazikwirakwiza mu bo bayobora.

Abaturage bo muri Komini ya Mabayi bavuganye na kimwe mu bitangazamakuru cy’i Burundi, bavuze ko ku wa Kabiri w’iki cyumweru mu masaa mbiri z’ijoro, babonye imodoka y’umuyobozi wa CNDD-FDD ku rwego rw’intara ku kibuga cyo muri kariya gace, wari wazaniye imbunda abayobozi n’Imbonerakure ku rwego rwa Komini.

Umwe mu Mbonerakure wo muri Komini yavuze ko muri Komini Mabayi bahawe imbunda 10 bagahabwa n’amabwiriza y’ibyo zigomba gukoreshwa n’uwari uhagarariye CNDD-FDD. Amabwiriza yatanzwe avuga ko:

Izi mbunda zizifashishwa mu kwirinda imitwe yitwaje intwaro iri hano mu gihugu cyacu, mu gihe cy’ibitero.

Ku wa Gatatu tariki ya 14 Ukwakira ngo imbunda zatanzwe mu makomini ya Buganda, Rugombo na Murwi, uwari uhagarariye CNDD-FDD na bwo amabwiriza yo kuzikoresha. Yagize ati:

Twasabwe kudahohotera abaturage twifashishije izi ntwaro. Itegeko ni uko zigomba gukoreshwa mu bikorwa by’imitwe yitwaje intwaro mu rwego rwo gufasha Polisi.

Abaturage bo mu Cibitoke bavuga ko batizera amagambo y’Imbonerakure, bakavuga ko izi mbunda zatanzwe mu rwego rwo gutera ubwoba abatavuga rumwe n’ubutegetsi no kubica mu gihe ari ngombwa.

Umunyamabanga wa mbere w’Ishyaka CNDD-FDD muri Cibitoke, Albert Nsekambabaye, yabwiye SOS Media Burundi ko ibyo abaturage bavuga atari ukuri, yunganirwa na Guverineri w’iyi Ntara, Carême Bizoza wavuze ko iby’izi mbunda ari “ibinyoma bigamije guca igikuba mu baturage.”

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Joe Biden yinjiye bwa mbere muri White House ahita akora impinduka...

Nyuma y’amasaha make Joe Biden arahiye,Joe Biden yahise yerekeza muri White...
21 January 2021 Yasuwe: 5964 1

Joe Biden yarahiye ku mugaragaro aba Perezida wa 46 wa US

Joe Biden amaze kurahirira kuba Perezida wa 46 wa Leta Zunze Ubumwe za...
20 January 2021 Yasuwe: 4394 0

Donald Trump yivuze ibigwi karahava ubwo yasezeraga Abanyamerika

Perezida wa Amerika Donald Trump yavuze ijambo rye ryo gusezera mbere yo...
20 January 2021 Yasuwe: 4669 0

Bizagenda bite ubwo Joe Biden na Kamala Harris bazaba barahira?

Perezida watowe Joe Biden ku munsi w’irahira rye azahita ajya muri White...
19 January 2021 Yasuwe: 4325 0

Bobi Wine yahishuye ko ubuzima bwe buri mu kaga

Bobi Wine watsinzwe amatora y’umukuru w’igihugu muri Uganda, afite ubwoba ko...
17 January 2021 Yasuwe: 5149 0

Bidasubirwaho Perezida Museveni yatorewe kuyobora Uganda ku nshuro ya...

Komisiyo ishinzwe gutegura amatora muri Uganda yemeje ko Perezida Yoweri...
16 January 2021 Yasuwe: 6060 0