skol
Kigali
startimes

Abavuye mu Rwanda n’u Burundi nabo babujijwe kujya muri UK kubera Covid-19

Amakuru   Yanditswe na: Dusingizimana Remy 29 January 2021 Yasuwe: 4513

U Burundi, u Rwanda na Leta zunze ubumwe z’Abarabu nabyo byongewe ku rutonde "rutukura" rw’ibihugu aho abagenzi babivuyemo cyangwa babiciyemo batemerewe kujya mu Bwongereza.


Iki cyemezo kigamije guhagarika ikwirakwira ry’ubwoko bwa coronavirus bwabonetse bwa mbere muri Africa y’Epfo, kirashyirwa mu bikorwa kuva uyu munsi kuwa gatanu saa cyenda ku isaha yo mu Burundi no mu Rwanda.

Ubutegetsi bw’u Rwanda n’u Burundi ntacyo buratangaza ku mwanzuro w’Ubwongereza, ndetse mu makuru butanga ntiburemeza niba ubu bwoko bw’iki cyorezo bwarahageze.

Minisitiri ushinzwe ubwikorezi mu Bwongereza Grant Shapps yatangaje kuri Twitter ko abaturage b’Ubwongereza batashye ari bo bemerewe kuhagera bafite icyemezo ko batanduye kandi nabwo bakabanza kujya mu kato mu minsi 10.

Ubwongereza ntibusobanura niba muri ibi bihugu bitatu harageze ubwo bwoko bushya bwa coronavirus, muri aka karere bumaze kuboneka muri Kenya kugeza ubu.

Mu Rwanda, kuwa kabiri uraha nibwo hazashira ibyumweru bibiri umurwa mukuru Kigali uri mu bihe bidasanzwe bya ’guma mu rugo’, mu gushaka guhangana n’inkubiri ya kabiri ya coronavirus.

Muri uku kwezi kwa mbere gusa, coronavirus yishe hafi ya kimwe cya kabiri cy’abo imaze kwica bose 186 kuva yagera mu Rwanda mu kwezi kwa gatatu umwaka ushize.

Kugeza ubu kandi hejuru ya kimwe cya gatatu cy’abanduye bose hamwe 14,529 nabo babonetse muri uku kwezi.

U Rwanda rushyirwa na bimwe mu bigo by’ubushakashatsi mu bihugu bihagaze neza mu kurwanya coronavirus.

Mu ntangiriro z’uku kwezi, u Burundi bwatangaje ingamba zo gufunga imipaka yo kubutaka no ku mazi mu kwirinda ikwirakwira ry’iki cyorezo, mu Burundi hamaze kuboneka abayanduye barenga gato 1,000.

Mu Burundi muri uku kwezi nibwo abantu bategetswe kwambara udupfukamunwa mu gihe bari bagiye gutega imodoka rusange.

Muri aka karere, u Rwanda n’u Burundi byiyongereye kuri Tanzania na DR Congo nabyo Ubwongereza bwafatiwe ingingo nk’iyi muri uku kwezi.

Ubwongereza ni igihugu cya gatanu ku isi kizahajwe n’iki cyorezo aho kimaze kwica abantu barenga 100,000 n’abacyanduye barenga miliyoni eshatu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Ntukanyagwe

    URWANDA ruri kumwanya wa 6 mubihugu ijana bihagaze neza mukurwanya coronavirus.None ubwo ibyo nibiki Ubwongereza burukoreye?Ubu koko icyi cyemezo Ubwongereza burufatiye sicyo kwamaganwa?Ndumiwe koko!

    1 month ago

Inzindi nkuru

Amerika irateganya gufatira ibihano Uburusiya kubera kuroga utavuga rumwe...

Leta z’unze ubumwe z’Amerika irateganya gufatira ibihano Uburusiya kuri uyu...
2 March 2021 Yasuwe: 3228 0

Myanmar: Perezida Suu Kyi wakuwe ku butegetsi agahita afungwa yerekanwe ku...

Muri Myanmar, umukuru w’igihugu, Aung San Suu Kyi, wahiritswe ku butegetsi...
1 March 2021 Yasuwe: 4691 0

Donald Trump yashinje Joe Biden umaze ukwezi kumwe ku butegetsi gusubiza...

Donald Trump yatangaje ko nta migambi afite yo gushinga ishyaka ryishya...
1 March 2021 Yasuwe: 4090 0

Imwe mu myanzuro yafatiwe mu nama ya 21 yahuje abakuru b’ibihugu bya...

Kuri uyu wa Gatandatu tariki ya 27 Gashyantare 2021 nibwo habaye inama ya...
27 February 2021 Yasuwe: 5403 0

US yemeje ko Mohammed bin Salman wa Saudi Arabia ari we watanze uruhushya...

Raporo y’ubutasi bw’Amerika yasanze igikomangoma Mohammed bin Salman wa Saudi...
27 February 2021 Yasuwe: 3615 0

Inama y’abakuru b’ibihugu ya EAC igiye guterana ku nshuro ya 21 yiga ku...

Kuri uyu wa Gatandatu tariki ya 27 Gashyantare 2021 hazaba inama izahuza...
26 February 2021 Yasuwe: 3442 0