skol
Kigali
startimes

Amatora muri US: Urukiko rwatesheje agaciro ibyifuzo bya Trump muri Pennsylvania

Amakuru   Yanditswe na: Dusingizimana Remy 22 November 2020 Yasuwe: 1230

Umucamanza muri leta ya Pennsylvania yanze ibirego byari byatanzwe n’abashinzwe amatora ku ruhande rwa Perezida Donald Trump bashaka ko amamiliyoni y’amajwi y’abatoye bakoresheje uburyo bw’iposita muri iyo leta yarwanirwaga cyane aba impfabusa.


Umucamanza Matthew Brann avuga ko ibirego bivuga ko amatora yabayemo utunenge muri iyo ntara "nta shingiro bifise".

Iyi ngingo yahaye uburenganzira Pennsylvania bwo kwemeza intsinzi ya Joe Biden mu cyumweru gitaha kuko arusha Trump amajwi arenga 80.000.

Bimwe mu biri mu ngingo yasohoye, umucamanza Brann yanditse ko abashinzwe amatora ya Trump bari bagerageje "kwaka uburenganzira bwo gutora abantu hafi miliyoni zirindwi zose".

Avuga ko "urukiko ayoboye rwahawe ibirego bidafite ishingiro kandi bidafite ibihamya".

Iki n’igihombo gikomeye cyane kuri Donald Trump mu rugamba arimo rwo kugerageza guhindura ibyavuye mu matora y’umukuru w’igihugu yo ku wa 03 z’uku kwezi aho yatsinzwe na mukeba we Joe Biden.

Kugeza ubu, ntaremera ko yatsinzwe kandi akomeje kuvuga ko amatora yabayemo ubujura ariko ntiyerekane ibihamya.

Uku kutemera gutsindwa kuri gukerereza ibikorwa biteganyijwe nyuma y’amatora muri Amerika.

Bwana Biden yatsinze nyuma yo kubona intumwa z’itora 306 kuri 232 za Perezida Trump, mu gihe hari hakenewe 270 kugira ngo atsinde.

Abashinzwe amatora bo ku ruhande rwa Trump bamaze igihe batsindwa mu manza zo kwamagana ibyavuye mu matora.

Mu zindi leta zirwanirwa bimeze gute?

Ku wa gatanu, Georgia nayo yakuriye inzira ku murima Perezida Trump mu kwemeza intsinzi ya Biden,nyuma yo gusubiramo ibarura hakoreshejwe intoki.

Trump n’abantu be bafite iminsi ibiri yo gusaba ko bongera bagasubiramo ibarura.

Mu zindi leta Biden yatsindiye, abategetsi bakomoka mu ishyaka ry’aba Repubulika bandikiye komisiyo ishinzwe amatora bayisaba ko baba baretse kwemeza ibyavuye mu matora mu byumweru 2.

Basaba ko babanza bagasubiramo ibyavuye mu matora y’umukuru w’igihugu mu karere ka Detroit nyuma y’aho abashinzwe amatora ba Trump bamaganye ibyavuye muri ayo matora.

Ubunyamabanga bwa leta ya Michigan buramenyesha ko ibyo bitemewe n’amategeko.

Muri Wisconsin, abashinzwe amatora bashinja indorerezi za Trump ko zagerageje kubangamira ibikorwa byo kubarura amajwi bushya, kugira ngo umwanya ube ugenda.

Ibi babikoze kuko bazi ko mu gihe ibikorwa byo kubarura bushya amajwi bitaba birangiye kuwa 01 Ukuboza,itariki ntarengwa Wisconsin igomba kwemerezaho ibyavuye mu matora - amayira azaba yuguruye kugira ngo Trump n’abe bitabaze ubutabera.

Kubera iki icyemezo cy’ibyavuye mu matora ari ngombwa?

Mu bisanzwe iyo Abanyamerika batora umukuru w’igihugu, batora ku rwego rwa Leta (intara), ntibatora ku rwego rw’igihugu.

Batora intumwa z’itora ziserukira iyo leta, izi ntumwa nazo zigatora umukuru w’igihugu.

Mu gutora rero, izi ntumwa zitegetswe gutora uwo abatoye mu ntara runaka bashaka.Nk’urugero,muri Michigan, intumwa zose zategetswe gutora Joe Biden kubera ari we watsinze muri iyo leta.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble kalisa

    Ariko ubutegetsi buraryoha koko, uyu numva ngo ni umukire w’akataraboneka! Ubu se arimo arahirimbanira gukunda igihugu ra?!!!! Ntibakadusekere ubusa.

    1 week ago

Inzindi nkuru

Burundi: Umunsi Nkurunziza yatabarukiyeho wagizwe umunsi mukuru mu...

Leta y’u Burundi yatangaje ko tariki ya 08 Kamena nyakwigendera Pierre...
28 November 2020 Yasuwe: 1815 0

Amerika yagarutse kandi yiteguye kuyobora isi-Joe Biden

Joe Biden watorewe kuba Perezida w’Amerika yatangaje abategetsi batandatu...
25 November 2020 Yasuwe: 2414 0

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1863 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1630 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 1066 0

Amatora muri US: Urukiko rwatesheje agaciro ibyifuzo bya Trump muri...

Umucamanza muri leta ya Pennsylvania yanze ibirego byari byatanzwe...
22 November 2020 Yasuwe: 1230 1