Kigali

Bidasubirwaho uwahoze ari Minisitiri w’Ingabo niwe wabaye Perezida wa Angola

Amakuru   Yanditwe na: Iyamuremye Janvier 7 September 2017 Yasuwe: 1036 0

Komisiyo y’amatora mu gihugu cya Angola yemeje bidasubirwaho kuri uyu wa Gatatu tariki ya 06 Nzeri ko umutwe wa Politiki umaze imyaka 42 ku butegetsi ariwo watsinze amatora y’umukuru w’Igihugu n’ay’abagize inteko inshingamategeko.

Ishyaka riyobora Angola kuva yabona ubwigenge, MPLA, ryegukanye umwanya w’umukuru w’Igihugu ku majwi 61,07% hamwe n’ay’abagize inteko inshingamategeko 150 kuri 220, nkuko byatangajwe n’umukuru wa Komisiyo y’amatora muri iki gihugu, Andre da Silva Neto.

Joao Lourenço wahoze ari Minisitiri w’ingabo ariwe ugomba kuyobora igihugu azahirira iyi mirimo ashinzwe ku wa 25 Nzeri uyu mwaka.Asimbuye ku butegetsi José Eduado dos Santos uvuye ku butegetsi nyuma y’imyaka 37 n’iminsi 347 akaba agiye mu kiruhuko kizabukuru.

Ishyaka, UNITA ryari rihatanye muri aya matora ryatangeje ko ritemeranya n’ ibyavuye mu matora ahubwo ko rigiye kwitabaza urukiko.

Aya matora yabaye ku itariki ya 23 z’ukwezi kwa munani, umwaka w’2017.

João Manuel Gonçalves Lourenço w’imyaka 63 y’amavuko yabaye Minisitiri w’ingabo guhera muri Mata 2014, ndetse aza kuba Visi Perezida w’ishyaka riri ku butegetsi guhera mu 2016.

Dos Santos w’imyaka 74 wasimbuwe ku buyobozi bw’iki gihugu yayoboraga igihugu gikungahaye cyane ku mabuye y’agaciro muri Afurika, arushwa ukwezi kumwe na Teodoro Obiang Nguema uyobora Guinée Équatoriale kuva mu myaka 38 ishize.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

J.Kagame yagarutse ku ihungabana rikomeye bamwe mu banyarwanda bahuye naryo...

Kuri uyu wa 18 Nzeri 2017 Madame Jeannette Kagame yatanze ikiganiro mu...
18 September 2017 Yasuwe: 675 0

New York: Inteko rusange ya LONI igiye kuvugurura imikorere y’uyu...

Inteko rusange y’umuryango w’abibumbye irateganya gutangira imirimo yayo kuri...
18 September 2017 Yasuwe: 225 0

Odinga yasabye ihindurwa ry’abagize komisiyo y’amatora mbere y’uko...

Umukuru w’abatavugarumwe n’ubutegetsi muri Kenya, Raila Odinga kuri iki...
18 September 2017 Yasuwe: 291 0

Perezida Macron yababariye gafotozi wamuhohoteye

Perezida w’Ubufaransa Emmanuel Macron w’imyaka 39 y’amavuko ukomoka mu ishyaka...
16 September 2017 Yasuwe: 1632 0

Icyo Janet n’imfura ye bavuga kuri Perezida Museveni wizihiza isabukuru...

Perezida wa Uganda, Yoweli Museveni arizihiza isabukuru ye y’amavuko kuri...
16 September 2017 Yasuwe: 3725 0

Ikibuga cy’indege Mpuzamahanga cya Harare kigiye kwitirirwa Perezida...

Minisitiri ushinzwe ubwikorezi muri Zimbabwe, yamaze gutangaza ko...
16 September 2017 Yasuwe: 333 0