skol
fortebet

Bobi Wine yahagaritse kwiyamamaza kubera akaga yahuye nako

Yanditswe: Wednesday 02, Dec 2020

Sponsored Ad

Umukandida ku mwanya w’umukuru w’igihugu muri Uganda, Robert Kyagulanyi, uzwi kw’izina rya Bobi Wine, yahagaritse gahunda ye yo kwiyamamaza nyuma y’aho abamufasha muri icyo gikorwa bakomerekejwe n’imodoka ye ikangizwa.
Uyu mugabo utavuga rumwe na leta yavuze ko harashwe amasasu ku modoka ye, amapine aratoboka, bituma adashobora kwiyamamaza.
Yagize ati "Ubuzima bwacu buri mu kaga.Nyuma yo guhagarika kwiyamamaza kwacu I Kayunga, turi mu nzira yerekeza I Jinja,abapolisi n’abasirikare bafunze (...)

Sponsored Ad

Umukandida ku mwanya w’umukuru w’igihugu muri Uganda, Robert Kyagulanyi, uzwi kw’izina rya Bobi Wine, yahagaritse gahunda ye yo kwiyamamaza nyuma y’aho abamufasha muri icyo gikorwa bakomerekejwe n’imodoka ye ikangizwa.

Uyu mugabo utavuga rumwe na leta yavuze ko harashwe amasasu ku modoka ye, amapine aratoboka, bituma adashobora kwiyamamaza.

Yagize ati "Ubuzima bwacu buri mu kaga.Nyuma yo guhagarika kwiyamamaza kwacu I Kayunga, turi mu nzira yerekeza I Jinja,abapolisi n’abasirikare bafunze umuhanda rusange nk’ibisanzwe,baducisha mu nzira itari nyabagendwa.

Bari bafite gahunda yo kutujyana aho kutwicira.Ubwo bakekaga ko ntawe uri kureba,abasirikare n’abapolisi barashe amapine y’imodoka yanjye bahita barasa mu kirahuri cy’imbere bahusha Hon Zaake n’umushoferi wanjye."

Ama videwo yashyizwe ku mbuga nkoranyambaga n’abamufasha mu kwiyamamaza kwe, yerekanye ikintu kitamenyekanye icyo ari cyo, cyaturikiye kuri metero nke z’aho yari kwiyamamariza.

Mbere y’aho, mu karere ka Kayunga, mu majyepfo ya Kampala, hakoreshejwe ibyuka biryana mu maso mu gutatanya abayoboke be.

Abamufasha mu kwiyamamaza kwe bane bakomeretse. Umwe uzwi nka ’producer Dan Magic’, yakomerekejwe mu maso.

Umwe mu bapolisi bacungira umutekano abarimo kwiyamamaza batanzwe n’akanama gashinzwe gutegura amatora na we yakomerekejwe.

Ibi bibaye nyuma y’ibyumweru 2 abantu bagera kuri 54 bapfiriye mu myigaragambyo yadutse nyuma y’aho uyu muririmbyi w’umunyapolitike afunzwe n’igipolisi, maze abarwanashyaka be batangira kwigaragambya basaba ko arekurwa.

Bobi Wine yaje kurekurwa ariko yashinjwe ko yishe amabwirizwa yashyizweho na komisiyo ishinzwe amatora yo kurwanya ikwirakwira rya Covid-19.

Perezida Yoweri Museveni aheruka gushinja abanyapolitike bahanganye nawe ko bayobya urubyiruko bakarushora mu myigaragambyo.

Mu ijambo rye ku cyumweru, Perezida Museveni yavuze ko iby’uko Bobi Wine afunzwe hakaduka imyigaragambyo bikwiye guhagarara.

Ati: "Nta munyapolitike n’umwe uri ntakorwako".

Yanashinje abanyapolitike bamwe na bamwe guha amafaranga abaturage bagateza imyigaragambyo mu duce tumwe na tumwe tw’umurwa mukuru Kampala, bakarwanya abapolisi bari ku irondo.

Museveni avuga ko ibi bitazigera byongera kubaho kuko ababikoze "bahuye n’ingaruka zo gukina n’umuriro".

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa