startimes
Kigali
startimes

Burundi: Abayobozi ba mbere bagize Guverinoma ya Evariste Ndayishimiye bamaze gutangazwa

Amakuru   Yanditswe na: Dusingizimana Remy 23 June 2020 Yasuwe: 3152

Inteko ishinga amategeko mu Burundi yamaze kwemezwa Alain-Guillaume Bunyoni nka Minisitiri w’Intebe ndetse Prosper Bazombanza agirwa Visi Perezida w’u Burundi.


Sponsored Ad


Nyuma y’imyaka 22 umwanya wa Minisitiri w’Intebe waravuyeho wasubijweho kuri uyu wa Kabiri tariki ya 23 Kamena 2020 ubwo Inteko Ishinga amategeko y’ u Burundi yemezaga ko Alain-Guillaume Bunyoni ariwe ubaye Minisitiri w’Intebe.

Abo bayobozi bombi bemerejwe mu nama idasanzwe y’inteko ishinga amategeko yo kuri uyu wa kabiri nyuma y’aho perezida Evariste Ndayishimiye yaraye yandikiye Inteko Ishinga amategeko ayisaba kwemeza abo bategetsi kuri iyo myanya.

Abagize inteko ishinga amategeko bakomoka mu ihuriro Amizero y’Abarundi bari mu Ishyaka CNL ntibitabiriye icyo gikorwa, bavuga ko bakimenyeshejwe ku munota wanyuma mu gihe ngo ari igikorwa gihambaye cyane.

Na Agathon Rwasa, Visi Perezida wa Mbere w’inteko ishinga amategeko akaba ari nawe muyobozi w’ishyaka CNL ntiyitabiriye icyo gikorwa.

Prosper Bazombanza yemejwe n’abadepite 91 kuri 94 bari bitabirye ibyo bikorwa, babiri bakaba batamwemeje naho umwe akaba yifashe.

Alain-Guillaume Bunyoni nawe yemejwe n’abadepite 92 kuri 94. Biteganyijwe ko ikizakurikiraho ari ugutangaza abazaba bagize guverinoma yose.

Umwanya wa Minisitiri w’Intebe waherukaga mu Burundi 1998, Pascal Ndimira Firmin akaba ari we Minisitiri w’Intebe uheruka ku butegetsi bwa kabiri bwa Petero Buyoya.

Alain-Guillaume Bunyoni ni nde?

Alain-Guillaume Bunyoni yari asanzwe ari Minisitiri w’umutekano kuva mu 2015.Yavutse mu mwaka wa 1972 avukira muri komine Kanyosha mu mujyi wa Bujumbura.

Yize muri kaminuza y’u Burundi mu 1994 ariko akaba atarayirangije kuko yahise yinjira mu barwanyi ba FDD mu 1994 mu ntambara yadutse mu Burundi nyuma y’iyicwa rya Perezida Melchior Ndadaye kugeza ishyaka CNDD-FDD ryemeye amasezerano ya Arusha yo guhagarika intambara mu 2003.

Bwana Bunyoni yahawe imyanya itandukanye CNDD-FDD imaze kwinjira muri leta,nyuma igatsinda amatora yo mu 2005.

2004-2005, yahawe inshingano zo kuba umuyobozi w’ibiro bikuru by’igipolisi gishya cyari kimaze gushingwa gisimbuye urwego rw’ikijandarume.

Kuva mu 2005 kugeza 2007 yahawe kuba umukuru wa polisi y’u Burundi.

Kuva 2011 kugeza 2014, Alain-Guillaume Bunyoni yagizwe umukuru w’ibiro bishinzwe ibibazo bya gisivire (cabinet civil) mu biro by’umukuru w’igihugu.

Bwana Bunyoni yashinzwe imirimo itandukanye mu byerekeye umutekano ku rwego mpuzamahanga,aho mu 2007 yari mu ntumwa za leta mu ishyirahamwe rya ONU zari zishinzwe kwimakaza amahoro n’umutekano.

Muri icyo gihe yari akuriye komite y’abakuru b’inzego z’igipolisi muri Afrika y’Amajyepfo (OCCPAE) mu rwego rw’igipolisi mpuzamahanga ( Interpol).

Yabaye Minisitiri w’umutekano incuro ebyiri, ubwa mbere kuva mu 2007 kugeza 2011 no kuva mu 2015 kugeza ubu.

Bwana Bunyoni n’umwe mu bategetsi bakomeye muri CNDD-FDD, ushinjwa kugira uruhare mu kwica uburenganzira bw’ikiremwamuntu mu midugararo ya politike yadutse mu 2015.

Ari mu bafatiwe ibihano na Amerika bijyanye n’ibyo ubutegetsi bwa Pierre Nkurunziza bushinjwa bwo kwica uburenganzira bw’ikiremwamuntu.

Mu 2017 leta y’u Burundi yikuye mu rukiko mpuzamahanga mpanabyaha nyuma y’aho rutangije amaperereza ku byaha byakorewe ikiremwa muntu mu Burundi kuva mu 2015.

Prosper Bazombanza wabaye Visi perezida we n’umurwanashyaka wa UPRONA, akaba avuka muri komine Rusaka y’intara ya Mwaro mu 1960.

Yakoze imirimo myinshi mu Burundi nyuma yo kurangiza muri kaminuza y’Uburundi mu bijyanye n’ amashanyarazi (Génie Electromécanique).

Aje ubwa kabiri ku mwanya wa Visi perezida gusa ubushize yari visi perezida wa Nkurunziza atakarizwa icyizere nyuma y’umwaka umwe gusa n’iminsi 187.

Nkuko itegekonshinga rya 2005 ryabiteganyaga Perezida yagiraga abamwungirije 2 ariko ubu ryasimbuwe n’irya 2018, ritegeka ko Visi perezida agomba kuba umwe.



Bunyoni na Bazambanza binjiye muri Guverinoma ya Ndayishimiye

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine ari mu byishimo byinshi byo kwakira ibihangange birimo Jose...

Umuhanzi akaba n’umudepite, Robert Kyagulanyi Ssentamu,ari mu byishimo...
13 August 2020 Yasuwe: 1661 0

Uganda: Umusore w’imyaka 19 arashaka kwiyamamariza kuba perezida

Umusore w’imyaka 19 yafashe inyandiko z’abashaka guhatanira umwanya w’umukuru...
13 August 2020 Yasuwe: 1378 0

Perezida Museveni yahishuye uburyo nta mukene watorwa ngo ayobore...

Ubwo hizihizwaga umunsi mpuzamahanga w’urubyiruko i Entebbe muri Uganda,...
13 August 2020 Yasuwe: 849 0

Joe Biden na Kamala Harris bavuga ko Trump asize Amerika ari...

Joe Biden, umukandida-perezida w’ishyaka ry’abademokarate, na Kamala Harris...
13 August 2020 Yasuwe: 803 0

Uganda: Abasirikare n’abapolisi 7 bagejejwe mu rukiko bashinjwa guha amakuru...

Abasirikare n’abapolisi barindwi ba Uganda bashinjwa gusangiza amakuru...
11 August 2020 Yasuwe: 2453 0

Lebanon: Guverinoma yeguye kubera umujinya wa rubanda watewe no guturika i...

Guverinoma ya Liban yaraye yeguye nyuma y’uko umujinya wa rubanda ukomeje...
11 August 2020 Yasuwe: 622 0