startimes
Kigali
startimes

Burundi:Agathon Rwasa ati "nibibeshya bakaturasa tuzabatoragura n’intoki"

Amakuru   Yanditswe na: Martin Munezero 5 May 2020 Yasuwe: 3082

Ishyaka CNL rya Agathon Rwasa ritavuga rumwe n’ishyaka riri ku butegetsi CNDD FDD, baravuga ko ubujura bwatangiye kwigaragaza kubera kuburabuzwa, guterwa ubwoba kw’abarwanashyaka baryo, akaba abona ko hashobora kuzaba kwiba amajwi nkuko byabaye mu 2010.


Sponsored Ad


Icyumweru kirenga kirashize mu Burundi abakandida b’amashyaka atandukanye bakomeje ibikorwa byo kwiyamamaza, Agathon Rwasa akavuga ko kubera iterabwoba ryatangiye kugaragara, babwirwa ko CNL nitsinda imbunda zizasohoka, nawe kandi akavuga ko ” nibibeshya tuzabatoragura n’intoki.”

Mu itangazo shyaka CNL ryashyize ahagaragara, Agathon Rwasa urihagarariye mu matora y’umukuru w’igihugu, yavuze ko ubujura bwatangiye kugaragara. Ahera ku iburabuzwa ry’abakunzi be, harimo gufungwa kwa bamwe mu bazarihagararira mu matora atandukanye harimo n’ay’abadepite, avuga ko baterwa ubwoba ngo bikure ku urutonde.

Rwasa anavuga ko komisiyo y’amatora CENI ibifitemwo uruhare. Rwasa kandi yanabwiye abayoboke be kwitegura gucunga cyane, ariko cyane cyane abazaba indororerezi mu byumba by’itora. Nkuko ijwi ry’Amerika ribitangaza, mu ijambo rye Rwasa, aho yiyamamazaga yagize ati:

Mubacunge, baratwibye 2010, barongera kandi, bahinduye imvugo , ngo CNL nitsinda imbunda zirasohoka, nizisohoke ndebe, nubwo umuvugizi w’igipolisi avuga ngo navuze imvugo mbi, ngo ndashaka kurwana, nta ntambara dushaka muri kino gihugu.

Agathon Rwasa yakomeje avuga ko nibibeshya bakarasa nabo bazabatoragura n’intoki, avuga kandi ko ishyaka ryabo rishaka kubaka u Burundi bwa bose. “ Uburundi bwa bose si ubwitiranwa n’ishyaka, si u Burundi bwitiranwa n’amoko, ni aho umuntu wese yisanzura.”

Komisiyo y’amatora CENI yatangaje ko yizeye ko amatora azagenda neza, ikavuga ko yaganiriye n’inzego z’umutekano kugirango bavugane uko bazacunga umutekano bityo abazatora bazatore batekanye.

Amatora y’umukuru w’igihugu mu Burundi ateganyijwe kuba tariki 20 Gicurasi 2020, akazakurikirwa n’amatora y’abagize inteko ishinga amategeko muri iki gihugu muri uku kwezi nabwo.

Ni amatora yavuzweho byinshi, kuko itsinda ry’ishami ry’Umuryango w’Abibumbye rishinzwe kwita ku burenganzira bwa muntu ryashyizweho ngo risuzume imigendekere y’imyiteguro y’amatora y’umukuru w’igihugu mu Burundi , mu kwezi kwa 3 ryatangaje ko muri aya matora hazarangwamo ibyaha byinshi byibasira inyoko muntu harimo n’ubwicanyi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Yoweri Kaguta Museveni yakoze impinduka zikomeye mu miyoborere...

Gen. Yoweri Kaguta Museveni, Umugaba w’Ikirenga w’Ingabo za Uganda akaba na...
3 August 2020 Yasuwe: 1241 0

Kenya yahakanye ko itahagaritse indege za Tanzania bivugwa ko bari kurebana...

Minisitiri ushinzwe gutwara abantu n’ibintu wa Kenya, James Macharia,...
2 August 2020 Yasuwe: 982 0

Ibyemezo by’Inama y’Abaminisitiri yo ku wa 29 Nyakanga 2020

Ku wa Gatatu, tariki ya 29 Nyakanga 2020, Inama y’Abaminisitiri yateraniye...
30 July 2020 Yasuwe: 3079 0

Gereza Nkuru ya Gitega mu Burundi yamaze kwakira Abanyarwanda 2 bavugwaho...

Inzego z’umutekano z’u Burundi muri Gashyantare 2020 zataye muri yombi...
27 July 2020 Yasuwe: 3733 0

Ibiro bya US mu Bushinwa byafunzwe mbere y’igihe ntarengwa

Abadipolomate ba Amerika bavuye mu biro bihagarariye iki gihugu mu mujyi wa...
27 July 2020 Yasuwe: 859 1

Umutwe w’inyeshyamba wa M23 wari waraburiwe irengero wongeye kwigaragaza...

Muri Repubulika Iharanira Demukarasi ya Congo muri Teritwari ya Rutshuru mu...
24 July 2020 Yasuwe: 9273 0