Uwahoze ari perezida w’ Uburundi mbere y’uko CNDD-FDD ifata ubutegetsi, Domitien Ndayizeye, yemejwe ku mugaragaro ko agiye guserukira amashyaka yishyize hamwe yiyise ” Kira-Burundi” mu matora ya perezida wa Repubulika ateganyijwe kuwa 20 Gicurasi 2020.

Sponsored Ad

Uyu Domitien Ndayizeye yamenyekanye cyane mu kwamagana ku mugaragaro ubutegetsi bwa CNDD-FDD ndetse yajyaga abakosora ku ku ngingo zitandukanye.

Uru ruhererekane rw’amashyaka yishyize hamwe yari amaze iminsi atumvikana mu barwanashyaka bayo aho rimwe mu mashyaka arugize ryitwa CDP wahisemo kwikuramo kubera ko Anicet Niyonkuru ariyoboye yangiwe gushyirwa imbere ngo yiyamamaze mu matora y’umukuru w’igihugu.

Jeremie Ngendakumana wangiwe kwinjira mu Burundi ageze I Kampala muri Uganda ashobora kuba nawe yaratumye hataba ubwumvikane hagati ya Domitien Ndayizeye, Anicet Niyonkuru hamwe nawe ku washyirwa imbere mu kwiyamamaza mu matora y’umukuru w’igihugu.

Bwana Ndayizeye yabaye umukuru w’igihgu muri manda ya kabiri nyuma y’amasezerano y’amahoro ya Arusha, hagati y’imyaka ya 2003 na 2005.

Yiyongeye ku bandi barenga 15 bashaka guhatana mu matora yo kongera kuyobora u Burundi manda y’imyaka irindwi iri imbere.