startimes
Kigali
startimes

Burundi: Evariste Ndayishimiye yatangiye kwigaranzura abandi mu majwi bituma CNL ivuga ko yibwe

Amakuru   Yanditswe na: Dusingizimana Remy 22 May 2020 Yasuwe: 6998

Ibyavuye mu matora by’agateganyo byari bitegerejwe kuwa mbere cyangwa kuwa kabiri, gusa mu ijoro ryacyeye hatangajwe ibimaze kuboneka mu majwi yabazwe, umukandida wa CNDD-FDD ni we uri imbere, ibi byamaganwe n’uruhande rw’ishyaka CNL.


Sponsored Ad


Ihuriro ry’ibitangazamakuru muri aya matora - rikuriwe na leta - ryatangaje ibyavuye mu matora ku biro byo ku rwego rw’amakomine y’u Burundi bigera kuri 12% byari bimaze kubarwa.

Ku mwanya w’umukuru w’igihugu Evariste Ndayishimiye, umukandida wa CNDD - FDD, ari imbere n’amajwi hafi 80% mu gihe uwo bahanganye cyane Agathon Rwasa afite hafi 20%.

Ibi byamaganywe n’ishyaka CNL rivuga ko hari kuba ibikorwa byo kwibira amajwi umukandida wa CNDD-FDD.

Ku rubuga rwa Twitter, ishyaka CNL ritanga urugero ko mu ntara ya Muramvya muri komine Bukeye ihuriro ry’ibitangazamakuru ryatangaje amajwi arimo amahimbano.

CNL ivuga ko ku biro by’itora 119 muri iyo komine abantu 31,483 aribo biyandikishije ngo batore, ariko hatangajwe amajwi y’abantu 35,216 ku batowe ku mwanya w’umukuru w’igihugu.

Amatora amaze kurangira kuwa gatatu, ishyaka CNL ryavuze ko habaye ibikorwa birimo; gutora kenshi, gutorera abapfuye n’impunzi, guhimba ibyangombwa by’abatumwe gutorera abandi, gufunga abarihagarariye ku biro by’amatora n’ibindi rivuga ko bigamije kwibira amajwi ishyaka riri ku butegetsi.

Komisiyo y’igihugu ishinzwe amatora ntacyo iratangaza ku bivugwa n’ishyaka CNL, gusa uyikuriye Pierre-Claver Kazihise ejo yasabye abari kubara amajwi kubikora neza ngo ibizovamo ntibitere amahari.

Biteganyijwe ko amajwi y’ibyavuye mu matora akomeza kubarirwa ku rwego rw’amakomine, nyuma akoherezwa ku rwego rw’intara mbere y’uko ibyavuye mu matora ku rwego rw’igihugu by’agateganyo bitangazwa kuwa mbere cyangwa kuwa kabiri.

Kuwa 20 Gicurasi 2020,Abarundi b’imbere mu gihugu babyukiye mu matora y’umukuru w’igihugu aho abakandida 7 bahataniye intebe yari imaze imyaka 15 yicayeho Pierre Nkurunziza.

Nubwo abiyandikishije kuri lisite y’itora bose bari 5,126,352, ariko abazwi ko batoye ni 5,113,418.

CENI yapanze ko mu gutora umuntu wese agomba guhabwa impapuro 3, urwa 1 ruriho abiyamamaza ku mwanya w’umukuru w’igihugu,urwa 2 ruriho abiyamamaza mu nteko ishinga amategeko, urwa gatatu ruriho abiyamamaza kuyobora za komine.

Abakandida 7 bahatanye mu matora ya Perezida barimo General Evariste Ndayishimiye uhagarariye ishyaka CNDD FDD rya Perezida Nkurunziza, Agathon Rwasa wa CNL, Gaston Sindimwo wo mu Ishyaka Uprona, Léonce Ngendakumana w’ishyaka Sahwanya Frodebu, abakandida bigenga Francis Rohero na mugenzi we Dieudonné Nahimana ndetse na Domitien Ndayizeye wayoboye u Burundi kuva mu 2003 kugeza 2005 uhagarariye ihuriro Kira Burundi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Lebanon: Guverinoma yeguye kubera umujinya wa rubanda watewe no guturika i...

Guverinoma ya Liban yaraye yeguye nyuma y’uko umujinya wa rubanda ukomeje...
11 August 2020 Yasuwe: 593 0

Eddy Kenzo azajya mu buhungiro Bobi Wine naba Perezida wa Uganda

Edirisa Musuza uzwi nka Eddy Kenzo, umuhanzi wo mu gihugu cya Uganda kandi...
10 August 2020 Yasuwe: 1255 0

Gen. Muhoozi umuhungu wa Perezida Museveni ati ’bitwaye iki kuba Museveni...

Lt. Gen. Muhoozi Kainerugaba, umuhungu wa Yoweri Museveni uyoboye Uganda,...
10 August 2020 Yasuwe: 6487 0

Impunzi z’Abarundi ziri mu Rwanda zandikiye Guverinoma y’u Burundi ziyisaba...

Kuri uyu wa 8 Kanama 2020, Guverinoma y’u Burundi yemeye gufasha impunzi...
10 August 2020 Yasuwe: 1295 0

Perezida Evariste Ndayishimiye arashinjwa n’impunzi z’Abarundi guhimba...

Perezida Evariste Ndayishimiye w’u Burundi arashinjwa guhimba ibinyoma,...
10 August 2020 Yasuwe: 955 0

Ubushinwa, Uburusiya na Iran ’biri kugerageza kugena ibizava mu matora’ yo...

Umwe mu bakuriye ubutasi bwa Leta Zunze Ubumwe z’Amerika yaburiye ko...
8 August 2020 Yasuwe: 1892 0