skol
fortebet

Burundi: Jérémie Ngendakumana wahoze ayobora CNDD-FDD ya Nkurunziza yashinze ishyaka rye

Yanditswe: Thursday 09, Jan 2020

Sponsored Ad

Uwahoze ari umuyobozi w’ishyaka riri ku butegetsi mu Burundi,CNDD FDD, witwa Jérémie Ngendakumana arashaka kwiyamamariza kuba perezida ariyo mpamvu yashinze ishyaka rye yisePDG-Girubuntu.

Sponsored Ad

Bwana Ngendakumana yavuye muri CNDD-FDD muri Mata 2015 kubera ubwumvikane buke bwavutse biturutse ku ngingo ya Perezida Petero Nkurunziza yo gusubira kwiyamamariza kuyobora u Burundi ku nshuro yafatwaga nk’iya 3 kandi we yaravugaga ko ari manda ya kabiri.

Ishyaka PDG-Girubuntu ribaye irya kabiri rishinzwe n’abahoze ari abayobozi ba CNDD-FDD,nyuma ya PPD-Giriteka yashinzwe na Léonidas Hatungimana, wahoze ari mu bavugizi ba Perezida Nkurunziza.

Ngendakumana yabwiye BBC ko kuva avuye muri CNDD-FDD, yahoze ayoboye, nta rindi shyaka yigeze ajyamo.

Uyu mugabo yavuze ko atizeye neza niba azagaruka mu Burundi kwiyamamaza mu matora y’umukuru w’igihugu ateganyijwe mu kwezi kwa gatanu uyu mwaka.

Jérémie Ngendakumana, yahoze ari umurwanashyaka ukomeye wa CNDD-FDD nyuma aza guhunga kubera ko atari ashigikiye ko Perezida Petero Nkurunza asubira kwiyamamaza mu matora ya 2015.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa