skol
Kigali
startimes

Col Kiiza Besigye ngo yatewe ubwoba na Bobi Wine

Amakuru   Yanditswe na: Martin Munezero 24 August 2020 Yasuwe: 1670

Hon Abdu Katuntu yateye utwatsi ibisobanuro Col Kiiza Besigye aheruka gutanga avuga ko ataziyamamariza kuyobora igihugu mu matora yo mwaka utaha, avuga ko ahubwo yatewe ubwoba na Depite Robert Kyagulanyi, uzwi nka Bobi Wine, witeguye kuzahangana na Museveni n’abandi bagaragaje ubushake bwo kumusimbura.


Muri iki cyumweru nibwo Kiiza Besigye yatangaje ku mugaragaro ko ataziyamamaza mu matora y’umukuru w’igihugu ategerejwe, ahubwo ko agiye gushyira ingufu ze mu gukangurira rubanda gukuraho ubutegetsi ku ngufu, mu cyo yise “Umupangu B”.

Hon Abdu Katuntu uhagarariye Bugweri mu Nteko Ishinga Amategeko ya Uganda, we asanga Col Kiiza Besigye nta cyizere yari afite cyo kuzabona abamushyigikiye bahagije kuri iyi nshuro, aho yari kuba agiye kwiyamamaza ku nshuro ya gatanu.

Nk’uko abivuga, ngo Besigye yabonye ko benshi mu bayoboke be bahinduye uruhande bakiyunga kuri Robert Kyagulanyi (Bobi Wine), akaba yarashoboraga kuzitwara nabi mu gihe yafata icyemezo cyo kongera kujya guhatana mu matora.

Nk’uko Chimpreports dukesha aya makuru yabitangaje kuri uyu wa Gatandatu taliki ya 22 kanama, Hon Katuntu yagize ati:

Icyo yakoze ni ikintu cyari gikwiye cyo gukora. Ndizera ko yabonye ko yatakaje intore ze nyamukuru. Bariya basore n’inkumi bose mubona biruknka basakuza People Power, People Power, ni bo babaga biruka hafi ya Dr Besigye…none bigaragara ko yazitakaje kubw’undi muntu.

Besigye ariko we yabwiye abayoboke ba FDC kuwa gatatu ushize, ko nta cyizere yari afite cyo guhinduura guverinoma binyuze mu matora gusa. Ati:

Iki gihugu ntikizabohorwa na Byabakama (umucamanza) ajya muri Kololo gutangaza ko hari uwatsinze mushya utari Museveni no kuza kwa Museveni n’ingofero ye ngo aje gutanga ubutegetsi.

Yongeyeho ko abategereje uwo munsi batazawubona, ko ari inshingano zabo kumenya ko bamukuye ku butegetsi yabishaka atabishaka.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1837 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1591 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 1034 0

Amatora muri US: Urukiko rwatesheje agaciro ibyifuzo bya Trump muri...

Umucamanza muri leta ya Pennsylvania yanze ibirego byari byatanzwe...
22 November 2020 Yasuwe: 1225 1

“Muri gukina n’umuriro”-Perezida Museveni abwira Bobi Wine n’abarwanashyaka...

Perezida wa Uganda ,Yoweli Kaguta Museveni yabwiye mugenzi we Bobi Wine...
20 November 2020 Yasuwe: 6813 0

Ibintu by’ingenzi 10 utamenye kuri Joe Biden Perezida wa 46 muri...

Joe Biden wari uhagarariye ishyaka ryaba Democrat yatsinze Donald Trump mu...
19 November 2020 Yasuwe: 4189 1