Kigali

Gen. Evariste Ndayishimiye watorewe guhagararira CNDD-FDD mu matora y’Umukuru w’Igihugu mu Burundi ni muntu ki?

Amakuru   Yanditswe na: Dusingizimana Remy 26 January 2020 Yasuwe: 3381

Mu nama idaanzwe y’abarwanashyaka ba CNDD FDD yabaye kuri iki iki cyumweru,hemejwe ko Gen.Evariste Ndayishimiye ariwe ugomba guhararira CNDD FDD mu matora y’umukuru w’igihugu ya 2020.Ee uyu mugab ni muntu ki?
.



Gen. Evariste Ndayishimiye n’umugabo w’imyaka 52, wavukiye muri komine Giheta y’intara ya Gitega mu mwaka wa 1968.

Gen. Evariste Ndayishimiye wari umunyamabanga mukuru w’ishyaka riri Ku butegetsi, CNDD FDD azwi ku gatazirano yaherewe Ku rugamba ka "Neva" bituruka ku mpine y’amazina ye [’Ndayishimiye EVAriste].

Yize ibijyanye n’amategeko, mbere yo kubihagarika kubera ubwicanyi bwakorerwaga muri kaminuza y’uburundi yigagamo mu mwaka 1995.



Gen. Evariste Ndayishimiye yavuye mu ishuri ahita yerekeza mu ishyamba kwifatanya n’umutwe wa gisirikare warimo kurwana aho yari umwe mu barwanyi ba mbere b’umutwe wa CNDD FDD washinzwe mu mwaka wa 1994.

Nyuma y’amasezerano yo guhagarika intambara yo mu mwaka wa 2003, Gen.Evariste Ndayishimiye yahawe kuyobora minisiteri y’umutekano mu gihugu n’umutekano w’abanyagihugu, nyuma aba umuyobozi mu biro by’umukuru w’igihugu ushinzwe ibya gisirikare.

Yaje guhindurirwa imirimo agirwa umuyobozi mukuru wa sosiyete ishinzwe ubwikorezi bwo mu kirere,SOBUGEA.



Evariste Ndayishimiye yatorewe kuyobora ishyaka CNDD FDD kuva mu kwezi kwa munani 2016. Kuva kuri iki Cyumweru,CNDD FDD yemeje ko agiye kuyihagararira mu matora y’umukuru w’igihugu, akaba abaye uwa 6 mu bashaka kuzayobora u Burundi.

Mu matora ateganyijwe kuwa 20 Gicurasi 2020, Gen. Evariste Ndayishimiye azaba ahanganye bya hafi n’umuyobozi w’ishyaka CNL,Bwana Agathon Rwasa uhabwa amahirwe menshi yo kubika imbehe ya CNDD FDD.

Gen. Evariste Ndayishimiye akimara gutorerwa guhagararira iri shyaka riri ku butegetsi, benshi mu bakoresha imbuga nkoranyambaga bamwibukije amagambo yigeze kuvuga ko “Umugabo ugenda nta bihumbi 10 FBU afite ku mufuka nta mugabo urimo.

Benshi bamushinje kurakara ubusa gusa nanone bamushimira kugira ubwenge mubyo akora n’ubuhanga mu gutanga imbwirwaruhame.




Gen. Evariste Ndayishimiye inshuti magara ya Nkurunziza yishimiwe n’abarwanashyaka ba CNDD FDD

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ronald Rutarindwa yatawe muri yombi n’urwego rushinzwe Ubutasi mu Gisirikare...

Umunyarwanda, Ronald Rutarindwa, yatawe muri yombi n’Urwego rushinzwe...
26 March 2020 Yasuwe: 3974 0

Iran yanze inkunga ya USA yo kuyifasha kurwanya Coronavirus kubera ko ikeka...

Umuyobozi w’Ikirenga wa Irani Ayatollah Ali Khamenei yatangarije kuri...
23 March 2020 Yasuwe: 1392 1

Donald Trump yahagaritse inama yagombaga guzahuza ibihugu 7 by’ ibihangange...

Perezida wa Leta zuzne ubumwe za Amerika Donald Trump yahagaritse inama...
20 March 2020 Yasuwe: 1118 0

Impunzi z’Abarundi zivuga ko Congo ari ubutaka bwazo bw’isezerano

Nyuma yuko Repubulika Iharanira Demukarasi ya Congo yiyemeje gusubiza...
18 March 2020 Yasuwe: 2318 0

Perezida Museveni ngo agiye kurekura abanyarwanda bose bafungiye muri...

Umuyobozi Nshingwabikorwa w’Ishami rya Loni rishinzwe kurwanya SIDA...
18 March 2020 Yasuwe: 12583 1

Uburundi bwafunze umupaka wabwo n’u Rwanda bwangira abantu basaga 51...

Biravugwa ko igihugu cy’Uburundi cyategetse ko umupaka wacyo n’u Rwanda...
16 March 2020 Yasuwe: 2714 2