skol
Kigali
startimes

Gereza Nkuru ya Gitega mu Burundi yamaze kwakira Abanyarwanda 2 bavugwaho kuba muri FDLR

Amakuru   Yanditswe na: Martin Munezero 27 July 2020 Yasuwe: 3838

Inzego z’umutekano z’u Burundi muri Gashyantare 2020 zataye muri yombi Abanyarwanda babiri bakekwaho kuba mu mutwe w’inyeshyamba wa FDLR bafatiwe i Bujumbura, bakaba bakurikiranweho ibyaha byo guhungabanya ubusugire bw’igihugu, gufatanya n’udutsiko twitwaje intwaro n’ibyaha by’ubutasi.


Abo banyarwanda babiri batawe muri yombi kuri ubu barabarizwa muri gereza Nkuru ya Gitega, aho bari kumwe n’Abarundi batatu baregwa ibyaha bisa.

SOSMediasBurundi yatangaje iyi nkuru iravuga ko aba Banyarwanda, Emmanuel Ngirwenatwo na Paul Munyentwari, nyuma yo gufatirwa mu murwa mukuru w’ubukungu w’u Burundi, Bujumbura, boherejwe muri Gereza Nkuru ya Ruyigi, mu burasirazuba bw’igihugu, mu mpera z’icyumweru gishije ubushinjacyaha bukaba bwarafashe icyemezo cyo kubimurira muri Gereza Nkuru ya Gitega.

Abatangabuhamya bitabiriye iburanisha mu ruhame, bavuga ko aba bavuga IKinyarwanda. Bati:

Byongeye kandi, ubwo bafatwaga muri Gashyantare 2020 mu mujyi wa Bujumbura, bakekwagaho kuba bari mu mutwe w’inyeshyamba z’Abanyarwanda wa FDRL.

Bakurikiranyweho “guhungabanya umutekano w’imbere mu gihugu, kugira uruhare mu gatsiko kitwaje intwaro no guhimba no gukoresha inyandiko mpimbano”. Undi Murundi bafatiwe rimwe arashinjwa ibyaha bimwe.

Ku wa kane ushize, abandi Burundi batatu bakurikiranweho ibyaha bimwe na bo bimuriwe muri Gereza ya Gitega.

Barashinjwa “kugira uruhare mu gatsiko kitwaje intwaro, kubangamira ubusugire bw’igihugu n’ubutasi”.

Nk’uko amakuru aturuka aho bafungiye by’agateganyo hashya abitangaza, “abo bagabo nta muntu batazi bavugisha.”

Ese ibi byaba bisobanuye iki?

Kuva Perezida mushya w’u Burundi, Evariste Ndayishimiye, ubutegetsi bw’u Rwanda bwagaragaje ko bwifuza kugirana nawe imibanire myiza bitandukanye n’uwo yasimbuye, Nyakwigendera Pierre Nkurunziza, ubutegetsi bwe bwagiye buvugwaho gufasha inyeshyamba zihungabanya umutekano w’u Rwanda.

Mu gihe cye hari ibitero bitandukianye byagiye biva mu Burundi bikagabwa ku butaka bw’u Rwanda mu Ntara y’Amajyepfo, ababigabye bagasubira inyuma bajya mu Burundi.

Kuva Ndayishimiye yajya ku butegetsi, igitero kimwe kugeza ubu nicyo cyavuye mu Burundi kigabwa mu Rwanda mbere yo gusubizwa inyuma, ariko mu minsi ishize hakaba harumvikanye na none gukozanyaho hagati y’inyeshyamba zivuga Ikinyarwanda n’igisirikare cy’u Burundi, ndetse cyaguyemo abasirikare b’iki gihugu byibuze bagera kuri batanu.

Nyuma yaho, hari abantu batawe muri yombi bavuga Ikinyarwanda ndetse n’Imbonerakure zigera muri eshanu n’umukuru w’umudugudu bashinjwaga gufasha izi nyeshyamba z’Abanyarwanda.

Birashoboka rero ko Perezida Ndayishimiye yaba yiteguye gukora igishoboka ngo u Burundi bwongere kubana neza n’u Rwanda ahereye ku kubanza guhashya inyeshyamba z’Abanyarwanda ziri ku butaka bw’igihugu cye bivugwa ko zifite ibirindiro mu ishyamba rya Kibira.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Trump yavuze ko atazatanga ubutegetsi mu mahoro natsindwa na...

Perezida Donald Trump wa Leta Zunze Ubumwe z’Amerika yanze kwiyemeza...
24 September 2020 Yasuwe: 1243 0

Perezida Trump yateranye amagambo na perezida Xi Jinping mu nama ya...

Ubushyamirane hagati y’Amerika n’Ubushinwa bwigaragaje mu nama rusange...
23 September 2020 Yasuwe: 1430 0

Amerika yahakanye ibyo gushinga ibirindiro bya gisirikare mu...

Nk’uko byakomeje guhwihwiswa ku mbuga nkoranyambaga mu mpera z’icyumweru...
22 September 2020 Yasuwe: 5552 0

DR Congo: Perezida Tshisekedi yagiranye ibiganiro na Kabila yasimbuye ku...

Perezida wa Repubulika Iharanira demokarasi ya Congo Félix Tshisekedi...
22 September 2020 Yasuwe: 1497 0

Burundi:Brig. Gen. Athanase Kararuza yiciwe hamwe n’umuryango we,abafite...

Brig. Gen. Athanase Kararuza wari umujyanama wa Visi Perezida wa Repubulika...
22 September 2020 Yasuwe: 9208 0

UN irizihiza imyaka 75 imaze ishinzwe -N’iki gikomeye yagezeho...

Umuryango w’abibumbye ku isi, ONU cyangwa UN, ibihugu biwugize uyu munsi...
21 September 2020 Yasuwe: 343 0