Kigali

Ibihugu by’ ibihangange bihangamye Arabia Saoudite kubera urupfu rw’ umunyamakuru Jamal

Amakuru   Yanditswe na: Nsanzimana Ernest 21 October 2018 Yasuwe: 1210

Perezida wa Leta zunze ubumwe za Amerika Donald Trump udahema kugaragaza ko yababajwe n’ iyicwa ry’ umunyamakuru Jamal Khashoggi yavuze ko ibisobanuro bya Arabia Saoudite bitamunyuze.

Kuri uyu wa Gatanu bwa mbere Arabia Saoudite yemeje ko umunyamakuru Jamal yapfiriye muri ambasade yayo iri Istanbul muri Turikiya gusa ivuga ko yapfuye ari mu mirwano yo guterana ibipfunsi.

Trump yagize ati “Ntabwo nyuzwe kugeza mbonye igisubizo” yakomeje avuga ko bishoboka ko Amerika yafatira ibihano Arabia Saoudite by’ ubukungu iki gihugu ariko ngo icyo gihe Amerika ntayo yabibabariramo.

Abakozi ba Turikiya barimo gukora iperereza kuri iki kibazo bavuga ko bafite amashusho n’ amajwi bigaragaza uko uyu muturage wabo wakoreraga ikinyamakuru Washington post yishwe.

Turikiya ivuga ko Jamal Khashoggi yishwe n’ abakozi ba Arabia Saoudite umubiri we bakawukataguramo ibipande.

Polisi irimo gushakira mu ngo zegereye iyi ambasade n’ amashyamaba ari hafi yaho kuko bakeka ko ariho umurambo ushobora kuba warajyanywe.

Si Trump wenyine utanyuzwe n’ ibisobanuro bya Arabia Saoudite kuko n’ Ubufaransa n’ Ubudage nabo batanyuzwe.

Umuyobozi mukuru w’ Ubudage Angella Merkel yavuze ko ibisobanuro Arabia Saoudite yatanze ‘bidahagije’ naho Minisitiri w’ Ububanyi n’ amahanga w’ Ubufaransa Jean-Yves Le Drian avuga ko ‘hari ibibazo byinshi bitarasubizwa’.

Ibiro bya Minisiteri y’ Ububanyi n’ amahanga yatangaje ko ‘ibyabaye ari igikorwa giteye ubwoba’ bisaba ko ababigizemo uruhare bazabiryozwa.

Umuryango w’ Ubumwe bw’ ibihugu by’ I Burayi n’ Umuryango w’ Abibumbye basabye ko hakorwa iperereza ryimbitse kandi neza.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Madame Louse Mushikiwabo yagize icyo asaba Abanyepolitiki ba...

Umunyamabanga Mukuru w’Umuryango mpuzamahanga w’ibihugu bivuga ururimi rw’...
11 January 2019 Yasuwe: 1522 0

Perezida Kagame n’umufasha we ’Jeanette Kagame’ bambitswe imidali...

Ku mugoroba wo kuri uyu wa Gatatu, i Abidjan muri Côte d’Ivoire, Perezida...
20 December 2018 Yasuwe: 2614 0

Birangiye u Burundi bugiye kwitabira inama ya 20 y’abakuru b’ibihugu bigize...

Leta y’u Burundi yemeye ko izitabira Inama ya 20 y’Abakurub’Ibihugu bigize...
16 December 2018 Yasuwe: 4117 0

Amerika irashinja Ubushinwa n’Uburusiya kubohera Afurika mu madeni

Leta Zunze Ubumwe za Amerika zatangaje ko zigiye kureka ibikorwa...
14 December 2018 Yasuwe: 1283 0

Kongo: Komisiyo y’ amatora yafashwe n’ inkongi hasigaye iminsi 10 ngo...

Mu gitondo cyo kuri uyu wa Kane tariki 13 Ukuboza 2018 ibiro bya Komisiyo...
13 December 2018 Yasuwe: 1867 0

Dr Mukwege afite amakenga ko amatora ya Perezida wa Kongo azateza...

Umunyekongo uherutse kuronka igihembo kitiriwe Nobel, Dr Denis Mukwege,...
11 December 2018 Yasuwe: 1535 0