skol
Kigali
startimes

Ifoto y’umunsi: Museveni yagiye kwiyamamaza Arua abagore bamukuburira umuhanda

Amakuru   Yanditswe na: Dusingizimana Remy 13 November 2020 Yasuwe: 8264

Perezida Museveni uri kwiyamamariza kuyobora Uganda ku nshuro ya gatandatu yashimiye abaturage bo mu gace ka Arua bamwakiranye urugwiro ubwo yari agiye kwiyamamariza iwabo bakanamukuburira umuhanda.


Mu mafoto yafashwe ndetse n’uyu muperezida yashyize hanze,yagaragaje umwe mu bagore ari gukubura aho imodoka ye yari igiye kunyura mu rwego rwo kumuha ikaze.

Perezida Museveni yashimiye aba baturage ikaze bamuhaye mu gace kabo gusa ababwira ko ababajwe nuko atabashije kubasuhuza kubera icyorezo cya Covid-19 aho yavuze ko icy’ingenzi ari umutekano wabo ndetse bakwiriye kwirinda kuko ntibabasha kubitaho bapfuye.

Museveni yagize ati “Ku badushyigikiye I Arua mwaje kumpa ikaze,mbasabye imbabazi kuba ntagiye hanze ngo mbasuhuze ariko ndakomeza kubashishikariza kwirinda guteranira hamwe ku bw’umutekano wacu twese.Mubanze mugire umutekano kuko ntitwabasha kububakira ejo hazaza heza mwapfuye.”

Perezida Museveni, kuri ubu ufite imyaka 76 y’amavuko, amaze imyaka isaga 34 ategeka Uganda - guhera mu mwaka wa 1986.

Muri 2018 nibwo Urukiko rushinzwe kubungabunga itegekonshinga rwa Uganda, rwanzuye ko Perezida Yoweri Kaguta Museveni yemerewe kongera kwiyamamaza ku nshuro ya gatandatu ndetse nawe ntiyatenguha ishyaka rya NRM yemera kwiyamamaza mu matora ya 2021ahanganye n’abarimo Depite Robert Kyagulanyi Ssentamu uzwi nka Bobi Wine.

Guhindura itegekonshinga rya Uganda byemejwe n’inteko ishingamategeko mu kwezi kwa cumi na kabiri k’umwaka ushize wa 2017, hakurwaho ikigero cy’imyaka 75 y’amavuko nka ntarengwa ngo umuntu abe yakwiyamamariza kuba perezida wa Uganda.

Mbere, hari hasanzwe hariho manda ebyiri z’imyaka itanu imwe imwe kuri perezida wa Uganda. Ariko ibi byakuweho n’inteko ishingamategeko mu mwaka wa 2005.

Museveni natorerwa indi manda y’imyaka itanu, azategeka iki gihugu imyaka hafi mirongo ine, ashobora no kurenza abyifuje.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1761 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1519 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 991 0

Amatora muri US: Urukiko rwatesheje agaciro ibyifuzo bya Trump muri...

Umucamanza muri leta ya Pennsylvania yanze ibirego byari byatanzwe...
22 November 2020 Yasuwe: 1214 1

“Muri gukina n’umuriro”-Perezida Museveni abwira Bobi Wine n’abarwanashyaka...

Perezida wa Uganda ,Yoweli Kaguta Museveni yabwiye mugenzi we Bobi Wine...
20 November 2020 Yasuwe: 6757 0

Ibintu by’ingenzi 10 utamenye kuri Joe Biden Perezida wa 46 muri...

Joe Biden wari uhagarariye ishyaka ryaba Democrat yatsinze Donald Trump mu...
19 November 2020 Yasuwe: 4176 1