Kigali

Ijambo Julius Malema yavugiye ku kiriyo cya Winnie Mandela ryatumye yitwa igihangage avugwa ibigwi n’ibyiza babona bimurimo

Amakuru   Yanditswe na: Martin Munezero 14 April 2018 Yasuwe: 6564

Ijambo Julius Malema yavugiye mu kiriyo cyo gusezera mu cyubahiro nyakwigendera Winnie Mandela I Johannesburg, ahari hakoraniye imbaga y’abantu baturutse imihanda yose, ryakije umuriro hirya no hino ku mbuga nkoranyambaga bamuvuga ibigwi n’ibyiza babona bimurimo batibagiwe n’ibimukwiye.

Uyu muhango w’itabiriwe n’ibihumbi byinshi by’abantu, byabereye kuri sitade ya Orlando i Soweto, ubwo basezeraga mu cyubahiro uwahoze ari umugore wa Mandela, Winnie Madikizela-Mandela witabye Imana ku italiki ya 02 Mata 2018 i Johannesburg ku myaka 81.

Uyu muhango wo gusezera Winnie Mandela mu cyubahiro uje ukurikira icyumweru abanyafurika y’Epfo bari bari bamaze bunamira uyu nyakwigendera wohoze ari umufasha wa Nelson Mandela ndetse akaba yaranamushigikiye mu kurwanya ivanguraruhu ryarangwaga muri iki gihugu.

Muri uyu muhango wabaye kuri uyu munsi wa none, amaso yose yari ahanzwe Julius Malema, Umudepite w’ umuhezanguni mu batavuga rumwe n’ ubutegetsi bambara umwenda w’ umutuku mu nteko bibumbiye mu ishyaka Econimic Freedom Fighters rigizwe n’ abahoze muri ANC. Byari ibindi bindi ubwo yageraga imbere ku ruhimbi agiye kuvuga ijambo rye asezera ku mubyeyi we.

Malema yavuze ku rukundo yakundaga mama we, anihimura ku banzi be n’amashyaka amurwanya gusa abikora mu bwenge bwinshi ku buryo nta muntu cyangwa ishyaka yigeze avuga mu izina, ibi byatumye abakurikiranye ijambo rye bamukurira ingofero, bahamya ko ari umunyabwenge ku rwego rwo hejuru kandi ko yifitemo impano y’ubuyobozi, bamwe batatinye no guhamya bavuga ko yakababareye perezida.

Mu ijambo rya Julius Malema mu ncamake yagize ati:” Ndi hano atari ku kuba nje gushyingura mama gusa, kuberako abamikazi ntabwo bajya bapfa, biyongerera mu ndabo z’umutuku z’urukundo n’ubwigenge. Bavandimwe bany’Afurika y’Epfo, nkomejwe cyane n’uko mama yapfuye mu kuri; nk’uwageze ku ntego ze kuko atigeze agurishwa hanze. Tugomba kwisima rero twese kuko izina rye rizandikwa mu gitabo cy’abadapfa, igitabo cy’abakora ibyiza bose."

"None rero mama nubaha cyane, bamwe mubakugurishije ku butware bari hano, bari kurira cyane basakuza kuturusha twese uko twari tugushyigikiye. Amashyaka yakurwanyije na yo ari hano ari kurira amarira y’ingona nyuma yo kukwamagana bibwirako ubutware/ ubutegetsi burahita burimburwa”.

Iri jambo rero ryatumye benshi hirya no hino ku mbuga nkoranyambaga bavuga byinshi bitandukanye, bavugako wakunda Julius Malema, cyangwa se ntumukunde ari umugabo w’intwari kandi uzi icyo gukora.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Munyanshongore Juvénal

    Natwe dukuriye ingofero Malema ku ijambo rikomeye yavuze ku bagurishijwe,gusa amateka azabashyira hanze.

    5 months ago

Inzindi nkuru

Perezida Trump yohereje umuyobozi muri Arabia Soudite ngo akurikirane...

Mike Pompeo, umunyamabanga wa leta muri Leta Zunze Ubumwe z’Amerika, yageze...
16 October 2018 Yasuwe: 342 0

Museveni agiye gutaha ikiraro kirekire cyubatswe hejuru ya Nili

Perezida wa Uganda Yoweli Kaguta Museveni kuri uyu wa 17 Ukwakira 2018...
16 October 2018 Yasuwe: 3246 0

Ubwongereza, Ubudage n’Ubufaransa nabyo bisaba iperereza ku mu nyamakuru...

Ubwongereza, Ubudage n’Ubufaransa byasabye ko hakorwa iperereza "ryo...
15 October 2018 Yasuwe: 657 0

Museveni yicumbye akabando ajya gusaba imbabazi abo inkangu yatwaye abo...

Perezida wa Uganda, Yoweli Museveni yasuye abaturage basizwe iheruheru n’...
15 October 2018 Yasuwe: 2845 0

Uganda : Umuhanzi Depite Bobi Wine yahagarikiwe igitaramo

Ubuyobozi sitade ya Namboole , bwasohoye itangazo ko umuhanzi...
14 October 2018 Yasuwe: 896 0

Ushinzwe kwandika imbwirwaruhame za Museveni yagaruye iyatambutse umwaka...

Mu ijambo Perezida Museveni yavuze ku munsi w’ ubwigenge ku nshuro ya 56...
11 October 2018 Yasuwe: 1703 0