Kigali

Impamvu Perezida Nkurunziza atitabiriye inama y’ abaperezida mu Rwanda ntanohereze umuhagararira

Amakuru   Yanditswe na: Nsanzimana Ernest 22 March 2018 Yasuwe: 3987

Inama idasanzwe y’ Abaperezida bo mu bihugu bigize Umuryango w’ Afurika yunze Ubumwe yabereye mu Rwanda kuri uyu wa 21 Werurwe 2018, Perezida w’ u Burundi Pierre Nkurunziza ntabwo yayitabiriye ndetse nta nubwo yohereje umuhagararira nk’ uko byakozwe na bamwe mu bakuru b’ ibihugu batitabiriye iyi nama yabereyemo umuhango yo gushyira umukono ku masezerano ashyiraho isoko rusange rya Afurika.

Umuvugizi wa Perezida Nkurunziza,Alain Diomede Nzeyimana yavuze ko impamvu z’ umutekano n’ imibanire arizo zatumye u Burundi butitabira.

Yagize ati "Impamvu u Burundi butitabiriye ni uko aho iyo nama yabereye ntabwo ari ahantu haboneye ngendeye ku mibanire dufitanye n’ u Rwanda muri iyi minsi. Abahagararira u Burundi ntabwo baba bafite umutekano muri izo nama mu gihe cyose bamara mu Rwanda”

BBC UMURYANGO ukesha iyi nkuru yatangaje ko Nzeyimana avuga ko u Burundi bwirinze koherereza intumwa mu Rwanda ngo kuko mu Rwanda hategurirwa umugambi yo guteza umutekano muke mu Burundi.

Ati “Icya gatatu ni uko abantu bose bagerageje guhirika ubutegetsi tariki 13 Gicurasi 2015 bahungiye mu Rwanda, bakaba bagaburirwa bakanahabwa ibikenewe byose kugira ngo bakomeze imigambi igayitse yo gukomeza gutera igihugu. Tukaba rero tubona ko atari igihe cyiza cyo kohereza intumwa mu Rwanda."

Bwana Nzeyimana ashinja u Rwanda kutubahiriza amategeko mpuzamahanga y’ uburenganzira bwa muntu akavuga ko u Rwanda ruha imyitozo ya gisirikare impunzi z’ Abarundi bari mu Rwanda.

Si ubwa mbere u Burundi bushinje u Rwanda ko rucumbikiye abagerageje guhirika Nkurunziza ku butetsi no guha imyitozo ya gisirikare impunzi z’ Abarundi ziri mu Rwanda gusa ibi byose u Rwanda rurabihakana. Inshuro zitandukanye ubuyobozi bw’ u Rwanda buvuga ko ikibazo cy’ u Burundi kizakemurwa n’ Abarundi ubwabo.

U Rwanda rucumbikiye impunzi z’ Abarundi 85 000 ziganjemo iziri mu nkambi ya Mahama.

Umubano w’ u Rwanda n’ u Burundi kuva muri 2015 Perezida Pierre Nkurunziza yafataga umwanzuro wo kwiyamamariza manda yita iya kabiri ariko bamwe bakavuga ko ari iya gatatu.

Muri uwo mwaka 2015 nibwo mu Burundi hadutse imvururu bamwe mu barundi bahungira mu Rwanda, abandi bajya muri Repubulika Iharanira demokarasi ya Congo, Tanzania na Uganda.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Trump yohereje umuyobozi muri Arabia Soudite ngo akurikirane...

Mike Pompeo, umunyamabanga wa leta muri Leta Zunze Ubumwe z’Amerika, yageze...
16 October 2018 Yasuwe: 360 0

Museveni agiye gutaha ikiraro kirekire cyubatswe hejuru ya Nili

Perezida wa Uganda Yoweli Kaguta Museveni kuri uyu wa 17 Ukwakira 2018...
16 October 2018 Yasuwe: 3402 0

Ubwongereza, Ubudage n’Ubufaransa nabyo bisaba iperereza ku mu nyamakuru...

Ubwongereza, Ubudage n’Ubufaransa byasabye ko hakorwa iperereza "ryo...
15 October 2018 Yasuwe: 680 0

Museveni yicumbye akabando ajya gusaba imbabazi abo inkangu yatwaye abo...

Perezida wa Uganda, Yoweli Museveni yasuye abaturage basizwe iheruheru n’...
15 October 2018 Yasuwe: 2924 0

Uganda : Umuhanzi Depite Bobi Wine yahagarikiwe igitaramo

Ubuyobozi sitade ya Namboole , bwasohoye itangazo ko umuhanzi...
14 October 2018 Yasuwe: 903 0

Ushinzwe kwandika imbwirwaruhame za Museveni yagaruye iyatambutse umwaka...

Mu ijambo Perezida Museveni yavuze ku munsi w’ ubwigenge ku nshuro ya 56...
11 October 2018 Yasuwe: 1710 0