skol
Kigali
startimes

Impunzi z’Abarundi ziri mu Rwanda zandikiye Guverinoma y’u Burundi ziyisaba ubufasha bwo gutaha zasubijwe

Amakuru   Yanditswe na: Martin Munezero 10 August 2020 Yasuwe: 1349

Kuri uyu wa 8 Kanama 2020, Guverinoma y’u Burundi yemeye gufasha impunzi z’Abarundi 331 ziri mu nkambi ya Mahama, zifuza gutaha mu gihugu cy’amavuko.



Ibi bikubiye mu butumwa bwanditse bw’Umunyamabanga Mukuru wa Guverinoma y’u Burundi, Prosper Ntahorwamiye, bivuga ko bwiteguye kwakira aba Barundi bahunze mu 2015 ubwo igihugu cyabo cyarimo umutekano muke.

Guverinoma y’u Burundi isaba ishami ry’Umuryango w’Abibumbye ryita ku mpunzi, HCR, ko ryarindira umutekano impunzi zishaka gutaha.

Yemeza kandi ko izakomeza gufasha impunzi zayo zifuza gutaha, igashishikariza n’izindi kujya kubaka igihugu cyazibyaye.

Tariki ya 26 Nyakanga 2020, ni bwo impunzi z’Abarundi 331 ziba mu nkambi ya Mahama zandikiye Perezida Evariste Ndayishimiye zimusaba ko yazifasha gutaha.

U Burundi bwemeye gufasha izi mpunzi, nyuma y’aho na Leta y’u Rwanda binyuze muri Minisiteri y’Ubutabazi yatangarije ko ifite ubushake bwo gufasha izishaka gusubira iwabo mu buryo butekanye, ifatanyije na HCR.

HCR yemeza ko u Burundi bufite impunzi zigera kuri 430,000 mu mahanga, harimo 72,000 ziri mu Rwanda, harimo 60,000 zicumbikiwe mu nkambi ya Mahama. Izi ziganjemo izahunze imvururu zadutse mu gihugu cyazo mu 2015 ubwo Pierre Nkurunziza yatangazaga ko aziyamamariza Manda 2015-2020.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine yahagaritse kwiyamamaza kubera akaga yahuye nako

Umukandida ku mwanya w’umukuru w’igihugu muri Uganda, Robert Kyagulanyi, uzwi...
2 December 2020 Yasuwe: 1633 0

Uzwiho kuba ari inshuti ya Trump yemeje ko nta buriganya bwabaye mu matora...

Umucamanza mukuru w’Amerika William Barr avuga ko ibiro by’ubutabera akuriye...
2 December 2020 Yasuwe: 739 0

Uganda: Bamwe mu bacunga Bobi Wine bakomerekeye mu mvururu zatewe na...

Abantu batari bake bakomerekeye mu karere ka Kayunga, hafi y’umurwa mukuru...
1 December 2020 Yasuwe: 1023 0

Iran yemeje ko umuhanga wayo mu gukora ibitwaro bya Nikleyeri ’yishwe...

Iran yemeza ko Israel ndetse n’umutwe utavuga rumwe na leta ukorera mu...
1 December 2020 Yasuwe: 3474 0

Ambasaderi wa Uganda muri Kenya ’Phibby Otaala’ yanze ko bamusimbura

Ambasaderi wa Uganda muri Kenya, Phibby Otaala, yatangaje ko...
30 November 2020 Yasuwe: 1478 0

Burundi: Umunsi Nkurunziza yatabarukiyeho wagizwe umunsi mukuru mu...

Leta y’u Burundi yatangaje ko tariki ya 08 Kamena nyakwigendera Pierre...
28 November 2020 Yasuwe: 1957 0