Kigali

Iran yafunze uwayisebeje agashyira hanze amashusho agaragaza Uko yarashe ya ndege ya Ukraine

Amakuru   Yanditswe na: Dusingizimana Remy 15 January 2020 Yasuwe: 4196

Irani yatangaje ko yafunze umuntu wafashe amashusho agaragaza uko ya ndege ya Ukraine yari itwaye abagenzi 176 yarashwe n’igisasu cya misile yarangiza akayakwirakwiza ku mbuga nkoranyambaga.



Uyu muntu arashinjwa icyaha cyo guhungabanya umutekano w’igihugu.

Iyo ndege ya Ukraine yarashwe hashize iminota mike ihagurutse ku kibuga cy’indege I Tehran ku wa gatatu w’icyumweru gishize, abantu 176 bari bayirimo nta n’umwe warokotse.

Irani yemeye ko ariyo yarashe iyo ndege kubera kwibeshya ndetse ngo abagize uruhare mu iraswa ryayo barafashwe barafungwa.



Ayo mashusho amaze gukwiragizwa ku mbuga nkoranyambaga, byatumye abahanga babona ko iyo ndege yarashwe na misile ya Iran cyane ko yari imaze amasaha make irashe ku birindiro by’ingabo za US muri Iraq.

Mu ntangiriro,Irani yahakanye ko iyo ndege yarashwe na misile yayo, ariko nyuma iza kwemera ko umwe mu bakora mu gucunga ikirere yibeshye ko ari iy’Amerika ije kubagabaho igitero arayirasa.

Ikinyamakuru cya Irani kivuga ko ingabo zishinzwe gucunga umutekano w’ubutegetsi bwa kisilamu zataye muri yombi umuntu washyize iyi video ku mbuga mbuga nkoranyambaga.



Hagati aho,umunyamakuru ukomoka muri Irani usanzwe aba mu Bwongereza,niwe watangiye kuyishyira ku mbuga nkoranyambaga avuga ko uwayimuhaye yitekaniye.Uyu yemeje ko abayobozi ba Irani bafunze utari we.

Ejo ku wa kabiri mu gitondo, umuvugizi w’ubutabera wa Irani, Gholamhossein Esmaili, yatangaje ko abatari bake bamaze guhagarikwa bikekwa ko bagize uruhare mu iraswa ry’iyo ndege.

Ikinyamakuru The New York Times cyavuze ko hari amafoto yerekanwe n’ama camera akoreshwa mu gucunga umutekano,ko ibisasu bya misile bibiri byatewe iyo ndege mu mwanya w’amasegonda arenga 20 hagati ya kimwe n’ikindi.

Iki kinyamakuru cyavuze ko ibyo bishobora kuba ariyo mpamvu yatumye itumanaho ryahagaze mbere y’uko igisasu cya kabiri giterwa kuko ryari ryononwe n’icya mbere.

Ku munsi wa mbere, Minisitiri w’ububanyi n’amahanga wa Ukraine, Vadym Prystaiko, yavuze ko ibihugu bitanu byaburiye abantu muri iyi mpanuka birimo Canada, Ukraine, Afghanistan, Sweden n’ikindi atavuze,bizahurira i Londres mu Bwongereza kugira ngo byigire hamwe ingamba bishobora gufata.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ibihugu byasabwe gufungura imfungwa byihuse kubera Coronavirus

Mu rwego rwo kurinda ko icyorezo cya Coronavirus cyakwirakwira mu magereza,...
29 March 2020 Yasuwe: 9975 1

Aba Mai-Mai basaga 200 n’Umuyobozi wabo bishyikirije igisirikare cya...

Kuri uyu wa Kane, tariki 26 Werurwe 2020, inyeshyamba za Mai-Mai/AFRC...
27 March 2020 Yasuwe: 2181 0

Ronald Rutarindwa yatawe muri yombi n’urwego rushinzwe Ubutasi mu Gisirikare...

Umunyarwanda, Ronald Rutarindwa, yatawe muri yombi n’Urwego rushinzwe...
26 March 2020 Yasuwe: 6193 0

Iran yanze inkunga ya USA yo kuyifasha kurwanya Coronavirus kubera ko ikeka...

Umuyobozi w’Ikirenga wa Irani Ayatollah Ali Khamenei yatangarije kuri...
23 March 2020 Yasuwe: 1430 1

Donald Trump yahagaritse inama yagombaga guzahuza ibihugu 7 by’ ibihangange...

Perezida wa Leta zuzne ubumwe za Amerika Donald Trump yahagaritse inama...
20 March 2020 Yasuwe: 1215 0

Impunzi z’Abarundi zivuga ko Congo ari ubutaka bwazo bw’isezerano

Nyuma yuko Repubulika Iharanira Demukarasi ya Congo yiyemeje gusubiza...
18 March 2020 Yasuwe: 2341 0