skol
Kigali
startimes

Iran yasabye INTERPOL kubafasha guta muri yombi perezida Trump

Amakuru   Yanditswe na: Dusingizimana Remy 29 June 2020 Yasuwe: 1240

Igihugu cya Iran cyashyize hanze impapuro mpuzamahanga zisaba itabwa muri yombi rya Perezida wa Leta Zunze Ubumwe za Amerika, Donald Trump, kubera ibyaha kimushinja byo kugira uruhare mu gitero cyahitanye umusirikare wacyo I Baghdad.


Iran yasabye Interpol kubafasha guta muri yombi Perezida Trump n’abandi bakoranye kugira ngo bagabe igitero cyahitanye General Qassem Soleimani muri Mutarama uyu mwaka.

Umushinjacyaha wo muri Iran witwa Ali Alqasimehr yatangaje kuri uyu wa Mbere ko perezida Trump yafatanyije n’abanya Iran 30 mu kwica Gen.Soleimani ariyo mpamvu bakwiriye gutabwa muri yombi bakabiryozwa.

Ibiro ntaramakuru ISNA byavuze ko Trump n’aba bandi bashinjwa ibyaha ubwicabyi no gukora ibikorwa by’iterabwoba.

Alqasimehr ntiyigeze avuga andi mazina y’abantu bakoranye na Trump ariko yemeje ko igihugu cye kizakomeza gukurikirana uyu perezida wa 45 wa USA na nyuma yo kurangiza manda ye.

Interpol ifite ibiro mu mujyi wa Lyon mu Bufaransa,ntacyo iratangaza kuri ubwo busabe bwa Iran bwo guta muri yombi umwe mu bategetsi barindwa cyane ndetse banafite ubudahangarwa bukomeye.

Alqasimehr yasabye ko Trump na bagenzi be bashyirwa ku rutonde rw’abashakishwa cyane bashyirwa ku rutonde rutukura ruzwi nk’urw’aba ruharwa.

Ubusanzwe uwashyize kuri urwo rutonde rutukura’ aba agomba gufatwa n’igihugu aherereyemo, nubwo atari itegeko ko igihugu kibikora. Icyakora bituma uwashyizwe ku rutonde atangira kwigengesera mu gukora ingendo mpuzamahanga nkuko Aljazeera ibitangaza.

Iyo Interpol yakiriye ubusabe bw’igihugu, ibiganiraho igafata umwanzuro niba ari ngombwa kubimenyesha ibindi bihugu binyamuryango cyangwa niba atari ngombwa.
Aljazeera yatangaje ko bigoye ngo Interpol yemere ubusabe bwa Iran kuko amahame igenderaho atayemerera kwivanga mu bibazo bya Politiki.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble hitimana

    IRAN iyoborwa na Ayatollah uvuga ko akoreshwa n’Imana.Babyita “theocracy”.Bisobanura ko Iran iyoborwa n’Imana.Nyamara IRAN ikora ibintu byinshi Imana itubuza.Urugero,Iran iha intwaro organizations nyinshi zica abantu:Hezbollah,Hamas,Houthis,etc…Iran ijya kurwana muli Syria,Yemen,Lebanon,etc…Iran yahaye Hezbollah missiles na rockets ibihumbi n’ibihumbi byo gusenya Israel.Muli make,Iran iteza akavuyo muli Middle East.Iherutse kurasa oil installations muli Saudi Arabia.
    Nyamara Imana itubuza kurwana.Ikadusaba “gukunda n’abanzi bacu” (Matayo 5:44).Ikavuga ko “yanga umuntu wese umena amaraso” nkuko Zaburi 5:6 havuga.Ndetse ikavuga ko ku munsi wa nyuma izarimbura abantu bose barwana (Matayo 26:52).Ntabwo ushobora kuba “Gashozantambara” nka Ayatollah,hanyuma ngo uvuge ko ukorera Imana.Icyo gihe uba ukorera Satan.Bible ikugereranya na Gahini.

    2 months ago

Inzindi nkuru

RDC: Kabila wahoze ari perezida yagarutse muri Politiki nk’umusenateri

Joseph Kabila Kabange wahoze ari perezida wa Repubulika ya Demokarasi ya...
15 September 2020 Yasuwe: 1834 0

Inama perezida Tshisekedi yari yatumiyemo bagenzi be bo muri aka karere...

Minisitiri w’Ububanyi n’Amahanga wa Repubulika ya Demokarasi ya Congo,...
13 September 2020 Yasuwe: 2894 0

U Burundi bwanze kwitabira inama y’abakuru b’ibihugu byo muri aka karere...

Uburundi bwatangaje ko butazitabira inama iteganyijwe mu minsi iri imbere...
12 September 2020 Yasuwe: 5896 0

Microsoft ivuga ko aba ’hackers’ b’Uburusiya, Ubushinwa na Iran bibasiye Trump...

Abinjira mu mabanga yo kuri mudasobwa (hackers) bafitanye isano n’Uburusiya,...
11 September 2020 Yasuwe: 686 0

Perezida Buhari yamaganye bagenzi be baturanye bashaka kwiyamamariza manda...

Perezida Muhammadu Buhari wa Nigeria yasabye abategetsi bo mu karere...
8 September 2020 Yasuwe: 885 0

Mali: Agatsiko k’abasirikare kahawe icyumweru ngo gashyireho perezida...

Agatsiko k’abasirikare kahiritse perezida wa Mali mu kwezi gushize kahawe...
8 September 2020 Yasuwe: 742 0