Kigali

Jean Pierre Bemba yemerewe gusubira mu gihugu cye

Amakuru   Yanditswe na: Nsanzimana Ernest 18 June 2018 Yasuwe: 976

Leonard She Okitundu, Minisitiri w’Ububanyi n’Amahanga wa Repubulika Iharanira Demokarasi ya Congo (RDC), yavuze ko Jean Pierre Bemba wahoze ari Visi Perezida w’iki gihugu yemerewe kukigarukamo nyuma yo kurekurwa n’Urukiko Mpuzamahanga Mpanabyaha (ICC).

Yagize ati “Jean Pierre Bemba yagiye ku bushake bwe, niba ashaka kugaruka, ashobora kugaruka.”

Nk’ uko AFP yabyanditse, Okitundu ntiyatangaje niba Bemba ashobora gukurikiranwa n’ubutabera bwa RDC.

Bemba wari umaze imyaka 10 afunzwe, yahanaguweho ibyaha by’intambara n’ibyibasiye inyokomuntu byakorewe muri Centrafrique n’inyeshyamba yari ayoboye zibumbiye mu mutwe wa MLC hagati y’umwaka wa 2002 na 2003.

Abacamanza ba ICC bafashe icyemezo cyo kumuhanaguraho ibyaha nyuma y’aho urukiko rusanze mu rw’iremezo hari amakosa akomeye yakozwe mu guca urubanza, rwamuhamije ibyaha agakatirwa imyaka 18 y’igifungo.

Ubusanzwe umugore n’abana ba Bemba baba ahitwa Rhode-Saint-Genese, mu Majyepfo ya Bruxelles, ari naho yafatiwe muri Gicurasi 2008, ashyikirizwa ICC ashinjwa ibyaha by’intambara n’ibyibasiye inyokomuntu.

Bemba wabaye Visi Perezida wa RDC mu 2003 nyuma y’amasezerano y’amahoro, yari yatsinzwe na Joseph Kabila mu matora yo guhatanira umwanya w’Umukuru w’Igihugu mu 2006.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Madame Louse Mushikiwabo yagize icyo asaba Abanyepolitiki ba...

Umunyamabanga Mukuru w’Umuryango mpuzamahanga w’ibihugu bivuga ururimi rw’...
11 January 2019 Yasuwe: 2415 0

Perezida Kagame n’umufasha we ’Jeanette Kagame’ bambitswe imidali...

Ku mugoroba wo kuri uyu wa Gatatu, i Abidjan muri Côte d’Ivoire, Perezida...
20 December 2018 Yasuwe: 6304 0

Birangiye u Burundi bugiye kwitabira inama ya 20 y’abakuru b’ibihugu bigize...

Leta y’u Burundi yemeye ko izitabira Inama ya 20 y’Abakurub’Ibihugu bigize...
16 December 2018 Yasuwe: 5281 0

Amerika irashinja Ubushinwa n’Uburusiya kubohera Afurika mu madeni

Leta Zunze Ubumwe za Amerika zatangaje ko zigiye kureka ibikorwa...
14 December 2018 Yasuwe: 1516 0

Kongo: Komisiyo y’ amatora yafashwe n’ inkongi hasigaye iminsi 10 ngo...

Mu gitondo cyo kuri uyu wa Kane tariki 13 Ukuboza 2018 ibiro bya Komisiyo...
13 December 2018 Yasuwe: 2561 0

Dr Mukwege afite amakenga ko amatora ya Perezida wa Kongo azateza...

Umunyekongo uherutse kuronka igihembo kitiriwe Nobel, Dr Denis Mukwege,...
11 December 2018 Yasuwe: 2178 0