Kigali

Kadaga ngo ntazemera ko abadepide ba Uganda bamera nk’ Abafurika y’ Epfo

Amakuru   Yanditswe na: Nsanzimana Ernest 2 October 2017 Yasuwe: 1666

Perezidante w’ intego ishinga amategeko ya Uganda Rebecca Kadaga yavuze ko adashobora kwihanganira akavuyo mu nteko ishinga amateko nk’ uko bamwe mu badepite b’ Afurika y’ Epfo bajya bagateza.

Ibi yabivuze mu gihe mu nteko ishinga amategeko ya Uganda hadutse akavuyo ku wa Kabiri no ku wa Gatatu w’ icyumweru gishize ubwo basuzumaga umushinga w’ itegeko ryo kuvugurura ingingo y’ imyaka y’ amavuko Perezida wa Uganda adakwiye kurenza akiyobora.

Icyo gihe abadepite bafashe bagenzi babo mu mashati, haduka imirwano n’ imvururu zatumye abadepite 25 bahagarikwa by’ agateganyo.

Agereranya ibi n’ ibijya bibera mu nteko ishinga amategeko y’ Afurika y’ Epfo Kadaga yavuze ko atazemera ko bigera aho abadepite bacekekesha Perezida mu nteko ishinga amategeko nk’ uko bikorwa muri Afurika y’ epfo.

Yagize ati “Muri Afurika y’ Epfo ntibemerera Perezida (Jacob Zuma) kuvugira mu nteko ishinga amateko. Abo batabimwemerera n’ abo mu ishyaka ritavurumwe n’ ubutegetsi Economic Freedom Fighters riyobowe na Julius Malema”

Yunzemo ati “Ntushobora guhagarika imirimo y’ inteko, inteko ni nk’ ikibuga cy’ umupira, iyo uhawe ikarita itukura urasohoka, nta bubasha ufite bwo kuguma ku kibuga, iyo wihaye gutsimbarara igihano kiriyongera”

Yavuze ko atazihanganira imyitwarire nk’ iyi muri Uganda. Avuga ko abadepite bashobora gusaba ko ingengo y’ imari idasomwa ntihagire igikorwa.

Kadaga yavuze ko abadepite bambara udutambaro dutukura mu mutwe yadashyigikiye ko ingingo y’ 102 agaka ka 2 ivugururwa bacekekesheje Minisitiri w’ intebe Dr Ruhakana Rugunda. Ibi ngo byabaye ubwo Dr Rugunda yarimo asobanura icyatumye hongerwa abashinzwe umutekano ku ngoro y’ inteko ishinga amategeko.

Kadaga ati “Iyo udakunze ikintu umanika ikiganza, ukakinyomoza, ariko ntabwo uhagarika imirimo y’ inteko”

Ingingo y’ 102, agaka ka kabiri mu itegeko nshinga rya Uganda ivuga ko Perezida wa Uganda agomba kuba afite imyaka iri hagati ya 35 na 75.
Perezida Museveni uyoboye iki gihugu afite 73 bivuze ko iyi manda izarangira amaze kugeza kuri 77.

Iri tegeko ritavuguruwe ntabwo Perezida Museveni yazemererwa kongera kwiyamamaza mu matora y’ umukuru wa Uganda azaba muri 2021.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uganda : 85 % ntibashaka ko Museveni azongera kwiyamamaza

Ubushakashatsi bwakozwe n’ imiryango itari iya Leta ikorera muri Uganda...
10 December 2017 Yasuwe: 907 0

“U Rwanda rubona urubyiruko rwarwo nka peteroli na Diyama” Kabarebe

Miisitiri w’ ingabo Gen. James Kabarebe yaganirije urubyiruko urubyiruko...
10 December 2017 Yasuwe: 1918 0

Kongera kwiyamamaza kwa Nkurunziza, YEGO na OYA byashyizwe imbere y’...

Minisiteri y’umutekano mu gihugu cy’u Burundi yatangaje ko hagiye gutangizwa...
9 December 2017 Yasuwe: 1558 0

Palestine, n’iyonka ntiyasigaye mu kwamagana icyemezo cya Trump-AMAFOTO

Umukuru w’umutwe w’abanyapalesitina ugendera ku matwara akaze y’idini akaze...
7 December 2017 Yasuwe: 1012 1

Putin yiteguye kongera kwiyamamaza, imyaka 18 mu buyobozi

Perezida Vladimir Vladimirovich Putin (Vladimir Putin) w’ imyaka 62...
6 December 2017 Yasuwe: 559 0

Ni iki kihishe inyuma yo kuba Perezida Macron yaranze gukora mu ntoki za...

Mu minsi ishize Perezida w’ u Bufaransa Emmanuel Macron yatembereye mu...
6 December 2017 Yasuwe: 8022 2