skol
Kigali
startimes

Kanye West wifuza kuyobora Amerika yamaze gutanga Candidature ye muri Komisiyo ishinzwe amatora

Amakuru   Yanditswe na: Martin Munezero 16 July 2020 Yasuwe: 846

Umuraperi Kanye West uherutse gutangaza ko aziyamamariza kuyobora Leta Zunze Ubumwe za Amerika mu matora y’Umukuru w’Igihugu ateganyijwe mu Ugushyingo 2020, yamaze gutanga candidature ye muri Komisiyo ishinzwe amatora.


Kanye Omar West w’imyaka 43 y’amavuko, ku itariki 04 Nyakanga uyu mwaka ni bwo yanditse ku rukuta rwe rwa Twitter, avuga ko ashaka kuba Perezida wa Amerika. Ubu butumwa bwe bwavugishije abantu benshi ndetse bamwe batangira kuvuga ko yabitangaje abitewe n’uburwayi bwo mu mutwe.

Yagize Ati: “Tugomba kugera ku isezerano rya Amerika binyuze mu kwizera Imana, duhuza icyerecyezo no kubaka ejo hazaza. Nditegura kuba Perezida wa Amerika 2020.”

Kuri uyu wa Gatatu tariki 15 Nyakanga ni bwo West yateye intambwe ya mbere yo kugeza candidature ye muri Komisiyo y’Amatora muri America (FEC) kugirango ajye ku rutonde rw’abazemererwa kwiyamamaza.

Mu byo yatanze, harimo urupapuro rwujuje neza rugaragaza ko yasabye kuba umukandida mu matora y’umukuru w’igihugu ruriho amazina y’umukandida, ishyaka rye, ndetse n’itsinda ry’abazamufasha mu bikorwa byo kwiyamamaza. Kanye West yamenyesheje komisiyo y’amatora ko azafashwa n’itsinda yise “Kanye 2020” mu kwiyamamaza, akazaba ahagarariye ishyaka rye rya ‘Birthday Pary.’

Uru rupapuro kandi rwari ruherekejwe n’inyemezabwishyu y’amafaranga 35,000$ yishyuwe muri komisiyo ishinzwe amatora nk’uko bisabwa umukandida wese uhatanira umwanya w’Umukuru w’igihugu muri Amerika.

Ibitangazamakuru nka TMZ na Associated Press byatangaje ko Kanye West asigaje kuzatanga urundi rupapuro rwa kabiri rugaragaza neza ko afite amafaranga atari munsi ya 5000$ azakoresha mu bikorwa byo kwiyamamaza nk’uko itegeko ribigena.

N’ubwo hari abagikomeje guha urw’amenyo uyu muhanzi w’umwirabura bavuga ko aruhira ubusa, cyane cyane babishingira kuba ari umwirabura unafite inkomoko yo mu bacakara, hari bamwe batangiye kumwereka ko bamushyigikiye barimo umugore we Kim Kardashian uri mu banyamideri bakomeye ku isi, kimwe n’umuherwe Elon Musk.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Burundi: Perezida Ndayishimiye yatengushye abashomeri bo mu ntara ya...

Mu mwiherero watumijwe na perezida w’u Burundi,Evariste Ndayishimiye, yemeje...
29 October 2020 Yasuwe: 2591 0

Tanzania: Tundu Lissu utavuga rumwe n’ubutegetsi avuga ko habayeho...

Umwe mu bakomeye batavuga rumwe n’ubutegetsi muri Tanzania avuga ko habayeho...
29 October 2020 Yasuwe: 834 0

Abanya Tanzania babyukiye mu matora ya Perezida w’igihugu

Abaturage bagera kuri miliyoni 29 uyu munsi ku wa gatatu babyukiye mu...
28 October 2020 Yasuwe: 802 0

Abatavuga rumwe n’ubutegetsi ni abarozi – Perezida Museveni

Perezida Yoweri Kaguta Museveni wa Uganda yibasiye abatavuga rumwe n’ishyaka...
25 October 2020 Yasuwe: 1756 0

FBI irashinja Iran n’Uburusiya koherereza ubutumwa bw’iterabwoba bamwe mu...

Abakuriye ubutasi muri Amerika batangaje ko Iran ari yo yoherereje ubutumwa...
22 October 2020 Yasuwe: 739 0

Umunyamabanga wa leta muri Minisiteri y’ubutabera, Amb Solina Nyirahabimana...

Umunyamabanga wa leta muri Minisiteri y’ubutabera, Amb Solina Nyirahabimana...
21 October 2020 Yasuwe: 2840 1