skol
fortebet

Kenya : Ubushakashatsi bwerekanye Minisiteri zamunzwe na ruswa kurusha izindi

Yanditswe: Tuesday 02, Oct 2018

Sponsored Ad

Komisiyo ishinzwe kurwanya ruswa muri Kenya EACC yagaragaje ko Minisiteri y’ umutekano mu gihugu ariyo yamunzwe na ruswa kurusha izindi igakurikirwa na Minisiteri y’ ubuzima n’ ubutaka.

Sponsored Ad

Iyi Minisiteri iyobowe na Dr Fred Matiang’i-led yamunzwe na ruswa ku kigero cya 64.7 %, mu gihe mu mwaka wa 2016 byari 45.7%, polisi ya Kenya ni 23.8 % Komisiyo ishinzwe ibikorwa bya polisi muri Kenya yamunzwe na ruswa ku kigero cya 13.7 %

Iyi nyingo yakorewe ku ngo 5 977 kuva tariki 18 Nzeli kugera tariki 24 Ukwakira 2017. Abanyakenya 76 batangaje ko babuze serivise muri Leta bitewe n’ uko bananiwe gutanga bitugukwaha. Igitangaje kurusha ibindi nuko muri abo babuze serivise kuko batatanze ruswa 93% baruciye bakarumira.

Umwe muri buri babiri babajijwe bavuze ko bahitamo gutanga ruswa kuko ariyo nzira rukumbi ituma babona serivise muri Leta, 17 % bavuga ko gutanga ruswa ariyo nziza yonyine ituma bahabwa serivise neza.

Abanyakenya batatu mu 10 bavuze ko babonye uko batanga ruswa bayitanga, babiri mu 10 bavuze ko bayitanze mu bihe byatambutse.

Igishimishije ni uko urwego rw’ ubucamanza muri Kenya arirwo rufitiwe icyizere n’ abaturage kuko 60% bavuga ko barufitiye icyizere.

Inteko ishinga amategeko ya Kenya ifitiwe icyizere 54%, polisi niyo ifitiwe ikizere gike 23.

Abanyakenya 80% bavuze ko itangazamakuru aribo bantu bizeye bagezaho ikibazo cya ruswa. Aba baturage bavuze ko ikinyamakuru bizera kurusha ibindi ari Dail nation 47%, ikurikiwe na The Standard 18,%

Bavuze ko televiziyo bareba cyane ari Citizen TV 40%, KTN 20,9% na NTV 8,8 .

Transparency International Rwanda 2017 yashyize Kenya ku mwanya wa 143 mu bihugu 180 mu kugira ruswa nkeya.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa