skol
Kigali
startimes

Kim Jong-un yasabye imbabazi ku iyicwa ry’umutegetsi wa Korea y’epfo

Amakuru   Yanditswe na: Dusingizimana Remy 25 September 2020 Yasuwe: 1247

Perezida wa Koreya ya ruguru Kim Jong-un mu buryo butamenyerewe ubwe yasabye imbabazi ku iyicwa ry’umutegetsi wo muri Koreya y’epfo nk’uko ubutegetsi bw’i Séoul bubivuga.


Biravugwa ko Perezida Kim yabwiye mugenzi we Moon Jae-in wa Koreya y’epfo ko "icyo gikorwa giteye isoni" kidakwiye kuzongera kubaho.

Koreya y’epfo ivuga ko uwo mugabo w’imyaka 47 yabonywe n’abasirikare ari ku mazi yo ku ruhande rwa Koreya ya ruguru.

Ubutegetsi bw’i Séoul buvuga ko yarashwe agapfa umubiri we ugahita utwikwa.

Iri yicwa - rya mbere rikozwe n’ingabo za Koreya ya ruguru ku muturage wa Koreya y’epfo mu myaka igera ku icumi ishize - ryateye uburakari bukomeye muri Koreya y’epfo.

Umupaka hagati y’ibi bihugu urarindwa bikomeye cyane, kandi bivugwa ko Koreya ya ruguru yashyizeho amabwiriza yo "kurasa bica" mu kwirinda ko hari abazana coronavirus mu gihugu cyabo.

Kim yavuze iki mu gusaba imbabazi?

Uko gusaba imbabazi kwakozwe mu ibaruwa yohererejwe Perezida Moon yemera ko ibyabaye bidakwiye kuzasubira, nk’uko bivugwa n’ibiro bya Perezida wa Koreya y’epfo, Blue House.

Perezida Kim yanditse ko icyo gikorwa "giteye isoni" kandi yumva "ababaye cyane" ku bwo "gutenguha" Bwana Moon n’abaturage ba Koreya y’epfo. Ni bwo bwa mbere Koreya ya ruguru ivuze ku byabaye.

Koreya ya ruguru kandi yahaye iyo hepfo ibyavuye mu iperereza - bivuga ko uwo mugabo yarashwe amasasu 10 ubwo yari yinjiye mu mazi yabo akananirwa kwivuga akagerageza guhunga, nk’uko byavuzwe n’ushinzwe umutekano mu gihugu muri Koreya y’epfo.

Gusa Koreya ya ruguru ivuga ko umubiri w’uwo mugabo utatwitswe ahubwo hatwitswe ikintu yarimo agenderaho ku nyanja mu rwego rwo kwirinda icyorezo nk’uko byavuzwe n’uwo ushinzwe umutekano muri Koreya y’epfo avuga ibiri mu ibaruwa ya Bwana Kim.

Koreya y’epfo ibivugaho iki?

Perezida Moon Jae-in yari yise ubu bwicanyi "ikintu kibabaje" kidakwiye kwihanganirwa.

Inama ishizwe umutekano y’iki gihugu yavuze ko Koreya ya ruguru itari ikwiye "kurasa no gutwika umurambo w’umuntu wacu udafite intwaro kandi udashaka kurwana".

Umurongo wa telefone uhuza inzego za gisirikare z’ibi bihugu waciwe mu kwezi kwa gatandatu, n’ibiro byabahuzaga ku mupaka ku ruhande rwa Koreya ya ruguru birasenywa.

Ibiro ntaramakuru AFP bivuga ko igisirikare cya Koreya y’epfo gikunze kumviriza itumanaho rya gisirikare rya bagenzi babo bo muri Koreya ya ruguru.

Gusaba imbabazi kwa Bwana Kim kuje mu gihe umubano w’ibihugu byombi wifashe nabi, ndetse habayeho guhagarika ubwumvikane hagati ya Pyongyang na Washington ku mugambi wa Koreya ya ruguru ku ntwaro za kirimbuzi.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umuraperi Mwana Fa n’umujyanama wa Diamond babaye abadepite,Professor Jay...

Hamis Mwinjuma, umuhanzi uzwi cyane nka Mwana FA yatorewe kujya mu nteko...
30 October 2020 Yasuwe: 1007 0

Burundi: Perezida Ndayishimiye yatengushye abashomeri bo mu ntara ya...

Mu mwiherero watumijwe na perezida w’u Burundi,Evariste Ndayishimiye, yemeje...
29 October 2020 Yasuwe: 2643 0

Tanzania: Tundu Lissu utavuga rumwe n’ubutegetsi avuga ko habayeho...

Umwe mu bakomeye batavuga rumwe n’ubutegetsi muri Tanzania avuga ko habayeho...
29 October 2020 Yasuwe: 844 0

Abanya Tanzania babyukiye mu matora ya Perezida w’igihugu

Abaturage bagera kuri miliyoni 29 uyu munsi ku wa gatatu babyukiye mu...
28 October 2020 Yasuwe: 809 0

Abatavuga rumwe n’ubutegetsi ni abarozi – Perezida Museveni

Perezida Yoweri Kaguta Museveni wa Uganda yibasiye abatavuga rumwe n’ishyaka...
25 October 2020 Yasuwe: 1769 0

FBI irashinja Iran n’Uburusiya koherereza ubutumwa bw’iterabwoba bamwe mu...

Abakuriye ubutasi muri Amerika batangaje ko Iran ari yo yoherereje ubutumwa...
22 October 2020 Yasuwe: 744 0