startimes
Kigali
startimes

Leta ya Uganda yateye utwatsi ibirego Ambasaderi Frank Mugambage yongeye kuyishinja

Amakuru   Yanditswe na: Martin Munezero 7 July 2020 Yasuwe: 2888

Ibirego bishya by’u Rwanda bishinja Leta ya Uganda kongera guta muri yombi Abanyarwanda batazwi umubare neza bakanimwa ubufasha mu by’amategeko Guverinoma ya Uganda yabiteye utwatsi.


Sponsored Ad


Mu kiganiro n’itangazamakuru kuri iki Cyumweru, itariki 05 Nyakanga, Umunyamabanga Uhoraho muri Minisiteri y’Ububanyi n’Amahanga ya Uganda, Ambasaderi Patrick Mugoya, yatangaje ko nta Munyarwanda azi ufungiye muri gereza iyo ari yo yose yo muri Uganda. Amb. Mugoya ati:

Mu bihe bigo byo gufungiramo bafungiwe? Nta Banyarwanda nzi bafunze binyuranyije n’amategeko mu bigo bifungirwamo. Icyo nzi cyo ibiganiro birakomeje hagati ya Uganda n’u Rwanda ku buhuza bwa Angola na Congo.

Uyu yakomeje avuga ko mu rwego rwo kugabanya ubucucike mu magereza kubera icyorezo cya Covid-19, imfungwa z’Abanyarwanda n’Abanyekongo ziri mu mu mfungwa Perezida Museveni yababariye. Yongeyeho ko kuva icyo gihe nta Munyarwanda urafatirwa muri Uganda kubera ibyo biganiro bikomeje hagamijwe gusubiza mu buryo imibanire y’ibihugu byombi.

Ibi ariko bitandukanye n’ibyatangajwe na Ambasaderi w’u Rwanda muri Uganda, Frank Mugambage, ubwo hizihizwaga ku nshuro ya 26 Umunsi wo Kwibohora i Kampala kuri uyu wa Gatandatu ushize.

Amb. Mugambage yavuze ko mu gihe politiki y’ububanyi n’amahanga y’u Rwanda ikomeje gushaka uko ibihugu byombi byabana mu mahoro n’umutekano, ari nako hakomeje itabwa muri yombi ridatangirwa impamvu ry’Abanyarwanda baba muri Uganda, kandi ntibimenyeshwe ambasade yabo, kongeraho kuba Guverinoma ya Uganda ikomeje kunanirwa gukemura ikibazo cy’abarwanya ubutegetsi bw’u Rwanda. Iki agasanga kikiri ikibazo gikomeye kuri ibyo biganiro bikomeje.

Nk’uko iyi nkuru dukesha Daily Monitor ivuga, Amb. Mugambage yirinze gutangaza byinshi kuri iryo tabwa muri yombi, gusa atangaza ko imiryango yabo ikomeje kumugezaho ibyo bibazo. Ati:

Nabimenya gute? Mbimenya gusa iyo imiryango ije insanga. Bamwe bararekuwe, abandi ntibarekuwe…twatanze ibimenyetso, abatangabuhamya bamwe baracyatanga ibimenyetso.

Nubwo bimeze gutyo, Ambasaderi Mugambage ashima ubushake bwa perezida w’u Rwanda n’uwa Uganda bwo gusubiza mu buryo imibanire y’ibihugu byombi.

Ibibazo biri hagati y’ibihugu byombi bikaba byaratumyeimipaka ifungwa muri Gashyantare umwaka ushize, nyuma y’aho u Rwanda rwari rukomeje gushinja Uganda gucumbikira abatarwifuriza amahoro no gukomeza guta muri yombi bya hato na hato Abanyarwanda no kubakorera ibikorwa bya kinyamanswa, ariko Uganda ikaba yarakomeje kubihakana.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Ndayishimiye ntiyifuza kugirana umubano mwiza n’u Rwanda

Perezida w’Uburundi,Gen.Evariste Ndayishimiye yatangaje ko igihugu cye...
7 August 2020 Yasuwe: 7640 0

Perezida Museveni yasabye abaturage b’igihugu cye kwirinda gukorera ingendo...

Yoweri Kaguta Museveni, Perezida wa Uganda, yasabye abaturage b’igihugu cye...
7 August 2020 Yasuwe: 1830 0

Perezida Yoweri Kaguta Museveni yakoze impinduka zikomeye mu miyoborere...

Gen. Yoweri Kaguta Museveni, Umugaba w’Ikirenga w’Ingabo za Uganda akaba na...
3 August 2020 Yasuwe: 1719 0

Kenya yahakanye ko itahagaritse indege za Tanzania bivugwa ko bari kurebana...

Minisitiri ushinzwe gutwara abantu n’ibintu wa Kenya, James Macharia,...
2 August 2020 Yasuwe: 1061 0

Ibyemezo by’Inama y’Abaminisitiri yo ku wa 29 Nyakanga 2020

Ku wa Gatatu, tariki ya 29 Nyakanga 2020, Inama y’Abaminisitiri yateraniye...
30 July 2020 Yasuwe: 3182 0

Gereza Nkuru ya Gitega mu Burundi yamaze kwakira Abanyarwanda 2 bavugwaho...

Inzego z’umutekano z’u Burundi muri Gashyantare 2020 zataye muri yombi...
27 July 2020 Yasuwe: 3801 0