Kigali

Loni yacyashye Perezida Duterte wa Philippine n’ abayobozi bakuru b’ u Burundi

Amakuru   Yanditswe na: Nsanzimana Ernest 22 November 2017 Yasuwe: 1283

Perezida wa Duterte wa Philippines na Perezida w’ u Burundi Pierre Nkurunziza

Ishami ry’ Umuryango w’ Abibumbye ryita ku burenganzira bwa muntu ryamaganye amagambo y’ iterabwoba Perezida wa Philippine Rodrigo Duterte n’ abayobozi bakuru b’ u Burundi babwira abakozi ba UN bahawe inshingano yo gukora iperereza kuri aba bayobozi.

Nk’ uko Umuryango ubikesha ibiro ntara makuru by’ Abongereza Reuters, umuvugizi wa UN ishami ryita kuburenganzira bwa muntu yavuze ko mu cyumweru gishize Perezida Duterte yabwiye Agnes Callamard ukorera UN ko azamukubita urushyi najya kumukora itohoza kubyaha byo kwica abaturage bacuruza ibiyobyabwenge.

Rupert Colville yagize ati “Mu cyumweru gishize Bwana Duterte yateye ubwoba Agnes ko azamukubita urushyi najya gukora amatohoza kubwicanyi bunyuranyije n’ amategeko”

Iterabwoba nk’ iri Duterte yarishyize kuri Agnes mu kwezi kwa 6 umwaka ushize ubwo Agnes yanengaga ubukangurambaga Leta ya Philippines yise ‘Intambara ku bacuruzi b’ ibiyobyabwenge’. Reuters ivuga ko muri ubu bukangurambaga abapolisi ba Philippines bishe abantu 3 900 bakekwaho kuba bari abacuruzi b’ ibiyobyabwenge babyita kwitabara.

Mu Ukuboza umwaka ushize impuguke ya UN Agnes Callamard, yasubitse uruzinduko yagombaga kugirira mu gihugu cya Philippines kubera amananiza yari yashyizweha na Perezida Duterte.

Umuvugizi wa UN ishami ryita ku burenganzira bwa muntu yagize ati “Turamagana uburyo Callamard arimo gufatwa, ni ugusuzugura komisiyo y’ uburenganzira bwa muntu yamuhaye inshingano”

Mu Burundi, komisiyo ya UN y’ uburenganzira bwa muntu iherutse kwandikira abayobozi bakuru b’ iki gihugu ibasaba guhagarika amagambo y’ iterabwo ku bakozi bayo bashinzwe gukora amatohora ku bwicanyi bwahakorewe.

Colville avuga ko abayobozi bakuru b’ u Burundi bakagombye kubwirengera.

Ambasaderi w’ u Burundi muri New York aherutse kubwira inteko rusange ya UN ko raporo za UN ziba zibogamye. Icyo gihe yavuze ko izo raporo ziba zihishwe inyuma n’ inyungu za politiki.

U Burundi ni kimwe mu bihugu 47 bigize komisiyo ya UN y’ uburenganzira bwa muntu.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyuma y’igihe kitari gito Internet yarahagaritswe gukoreshwa muri DRC...

Muri Repubulika iharanira Demokarasi ya Congo, hongeye gusubizwaho...
20 January 2019 Yasuwe: 909 0

Madame Louse Mushikiwabo yagize icyo asaba Abanyepolitiki ba...

Umunyamabanga Mukuru w’Umuryango mpuzamahanga w’ibihugu bivuga ururimi rw’...
11 January 2019 Yasuwe: 3030 0

Perezida Kagame n’umufasha we ’Jeanette Kagame’ bambitswe imidali...

Ku mugoroba wo kuri uyu wa Gatatu, i Abidjan muri Côte d’Ivoire, Perezida...
20 December 2018 Yasuwe: 7562 0

Birangiye u Burundi bugiye kwitabira inama ya 20 y’abakuru b’ibihugu bigize...

Leta y’u Burundi yemeye ko izitabira Inama ya 20 y’Abakurub’Ibihugu bigize...
16 December 2018 Yasuwe: 6392 0

Amerika irashinja Ubushinwa n’Uburusiya kubohera Afurika mu madeni

Leta Zunze Ubumwe za Amerika zatangaje ko zigiye kureka ibikorwa...
14 December 2018 Yasuwe: 1729 0

Kongo: Komisiyo y’ amatora yafashwe n’ inkongi hasigaye iminsi 10 ngo...

Mu gitondo cyo kuri uyu wa Kane tariki 13 Ukuboza 2018 ibiro bya Komisiyo...
13 December 2018 Yasuwe: 3016 0