skol
Kigali
startimes

Mali: Abasirikare bafashe ubutegetsi barashaka kuyobora inzibacyuho y’imyaka itatu

Amakuru   Yanditswe na: Dusingizimana Remy 24 August 2020 Yasuwe: 931

Agatsiko k’abasirikare bafashe ubutegetsi muri Mali karifuza ko habaho ubutegetsi bw’inzibacyuho buyobowe n’abasirikare mu gihe cy’imyaka itatu, kemeye kandi kurekura uwahoze ari perezida nk’uko bivugwa n’abari mu biganiro byo muri Mali.


Ibiro ntaramakuru AFP bisubiramo amagambo y’umwe mu ntumwa z’umuryango wa Ecowas/Cedeao uri mu biganiro n’aba basirikare aho agira ati:

"Aba basirikare bemeje ko bashaka inzibacyuho y’imyaka itatu ngo basubiremo inzego shingiro za Mali. Iyo nzibacyuho ikayoborwa n’urwego rukuriwe n’umusirikare, uzaba ari nawe mukuru w’igihugu. Guverinoma nayo ikaba igizwe ahanini n’abasirikare."

Ihirika ry’ubutegetsi muri Mali mu cyumweru gishize,ryari irya kabiri mu myaka umunani ishize, ryakurikiye imyigaragambyo yari imaze amezi isaba Ibrahim Boubacar Keita kwegura, bamushinja kunanirwa guhashya imitwe y’intagondwa no gutembagaza ubukungu.

Umwe mu bagize iri tsinda ry’abasirikare ryafashe ubutegetsi yabwiye AFP ko "inzibacyuho y’imyaka itatu izaba ifite perezida w’umusirikare n’abagize guverinoma biganjemo abasirikare."

Abari mu biganiro biri kubera muri Mali baravuga ko aba basirikare bemeye kurekura Boubacar Keita, ufunganye n’abandi bategetsi kuva kuri ’coup d’etat’ yo kuwa kabiri, agasubira iwe mu rugo i Bamako.

Minisitiri w’intebe Boubou Cisse, nawe ufunganye na Bwana Keita mu kigo cya gisirikare hanze ya Bamako, we ngo azajyanwa mu nzu irinzwe i Bamako.

Mu gihe abategetsi benshi ku isi bamaganye ibyabaye muri Mali, ibihumbi by’abatavuga rumwe n’ubutegetsi muri Mali bagiye mu mihanda ya Bamako bishimira guhirikwa kwa Bwana Keita.

Ibiganiro i Bamako

Itsinda ryoherejwe n’umuryango wa Ecowas/Cedeao ngo rifashe "gusubizaho vuba ubutegetsi bugendera ku itegekoshinga", riri mu biganiro n’abasirikare bafashe ubutegetsi.

Guhirika ubutegetsi muri Mali byateye impungenge ko imitwe y’intagondwa iza gukaza ibikorwa byayo by’ubwicanyi n’urugomo mu gace ka Sahel, na Mali ibarizwamo.

Ibiganiro birasubukurwa uyu munsi kuwa mbere nyuma y’iminsi ibiri bitangiye.

Goodluck Jonathan wahoze ari perezida wa Nigeria uyoboye intumwa ziri muri ibi biganiro, yavuze ko "hari bimwe mu byo bumvikanye ariko hari byinshi batarumvikana" n’aba basirikare.

Bwana Jonathan avuga ko impande zombi zishaka kumvikana uko ibintu byagenda nyuma yo guhirikwa k’ubutegetsi.

Kuwa gatandatu, Bwana Jonathan yabonanye na Ibrahim Boubacar Keita, avuga ko yasanze "ameze neza".

Jean-Claude Kassi Brou uri muri iri tsinda rya Ecowas yavuze ko bishoboka ko uyu munsi kuwa mbere "barangiza ibintu byose".

Umwe muri izi ntumwa yagize ati: "Dukeneye kugira ibyo tugeraho kuko kuwa gatatu hari inama y’abakuru b’ibihugu bya Ecowas izanzura niba ikomeza ibihano ku basirikare bafashe ubutegetsi cyangwa babivanaho."

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1837 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1591 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 1034 0

Amatora muri US: Urukiko rwatesheje agaciro ibyifuzo bya Trump muri...

Umucamanza muri leta ya Pennsylvania yanze ibirego byari byatanzwe...
22 November 2020 Yasuwe: 1225 1

“Muri gukina n’umuriro”-Perezida Museveni abwira Bobi Wine n’abarwanashyaka...

Perezida wa Uganda ,Yoweli Kaguta Museveni yabwiye mugenzi we Bobi Wine...
20 November 2020 Yasuwe: 6813 0

Ibintu by’ingenzi 10 utamenye kuri Joe Biden Perezida wa 46 muri...

Joe Biden wari uhagarariye ishyaka ryaba Democrat yatsinze Donald Trump mu...
19 November 2020 Yasuwe: 4189 1