skol
Kigali
startimes

Mali: Perezida Keita na bamwe mu bagize Guverinoma bafunzwe n’abasirikare bashaka kumuhirika ku butegetsi

Amakuru   Yanditswe na: Dusingizimana Remy 18 August 2020 Yasuwe: 1928

Umukuru w’igihugu cya Mali, Ibrahim Boubakar Keïta, yafashwe n’abasirikare bigometse ku butegetsi bwe nk’uko umuvugizi wa leta, Yaya Sangaré, yabibwiye BBC.


Minisitiri w’intebe Boubou Cissé nawe yafashwe, n’ubwo mu minsi ishize hari hasabwe ko haba ibiganiro nk’abavandimwe.

Mu gitondo cyo kuri uyu wa kabiri nibwo habaye ibikorwa byo gushaka gukuraho ubutegetsi,byatangiye haba kurasana mu nkambi ikomeye iri mu karere kitwa Kati ku birometero 15 uvuye ku murwa mukuru w’icyo gihugu Bamako.

Ku murwa mukuru, insoresore zateye inyubako ya leta.

Ibyo byabaye hashize amasaha make gusa igice cy’abasirikare cyigometse - aho abasirikare bakuru bahagaritswe n’abo basirikare bari barakaye.

Uko kwigomeka kwamaganwe n’ Umuryango w’ibihugu bya Afrika y’uburengerazuba (CEDEAO/ECOWAS) hamwe n’u Bufaransa bwakoronije iki gihugu.

Ibi bibaye mu gihe hari imyigaragambyo yindi yarimo gutegurwa yo kwamagana umukuru w’igihugu bamusaba ko yegura.

Bwana Keita yatsinze amatora yo mu 2018 nka manda ye ya kabiri, ariko yari ahanganye n’uburakari bw’abaturage kubera ruswwa, isesagurwa ry’umutungo wa leta hamwe n’umutekano ukomeje kuba mubi kubera abarwanyi bagendera ku mahame akaze y’idini ya Isilamu.

Ntibiramenyekana umubare w’abasirikare bari muri iyo myigaragambyo. Hari amakuru avuga ko yaba yavuye ku mwiryane ujyanye n’umushahara wabo.

Umuryango w’ibihugu bya Afrika y’uburengerazuba (CEDEAO/ECOWAS) usaba abigometse gusubira mu bigo byabo.

Minisitiri w’Ububanyi n’amahanga w’u Bufaransa Jean Yves Le Drian avuga ko Ubufaransa bwamaganye « bikomeye ibintu birimo kuba », asaba abasirikare bigometse gusubira mu bigo byabo.

Ubufaransa busanzwe bwarohereje ingabo muri Mali mu kurwanya imitwe y’abarwanyi b’intagondwa zo mu idini ya Isilamu.

Amashusho yerekanywe na AFP yerekanye inyubako ya Minisiteri y’ubutabera mu murwa mukuru Bamako irimo gushya.

Mu gitondo cy’uyu munsi, umuhungu w’umukuru w’igihugu Karim Keïta,yahakanye amakuru yavugaga ko nawe yafashwe n’abasirikarebigometse.

Umukuru w’ishyirahamwe ry’Ubumwe bwa Afrika Moussa Faki Mahamat yamaganye bikomeye ihagarikwa rya Perezida Ibrahim Boubacar Keita, na Minisitiri w’intebe n’abandi ba Minisitiri, asaba ko bose barekurwa vuba na bwangu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine yahagaritse kwiyamamaza kubera akaga yahuye nako

Umukandida ku mwanya w’umukuru w’igihugu muri Uganda, Robert Kyagulanyi, uzwi...
2 December 2020 Yasuwe: 1508 0

Uzwiho kuba ari inshuti ya Trump yemeje ko nta buriganya bwabaye mu matora...

Umucamanza mukuru w’Amerika William Barr avuga ko ibiro by’ubutabera akuriye...
2 December 2020 Yasuwe: 698 0

Uganda: Bamwe mu bacunga Bobi Wine bakomerekeye mu mvururu zatewe na...

Abantu batari bake bakomerekeye mu karere ka Kayunga, hafi y’umurwa mukuru...
1 December 2020 Yasuwe: 1012 0

Iran yemeje ko umuhanga wayo mu gukora ibitwaro bya Nikleyeri ’yishwe...

Iran yemeza ko Israel ndetse n’umutwe utavuga rumwe na leta ukorera mu...
1 December 2020 Yasuwe: 3433 0

Ambasaderi wa Uganda muri Kenya ’Phibby Otaala’ yanze ko bamusimbura

Ambasaderi wa Uganda muri Kenya, Phibby Otaala, yatangaje ko...
30 November 2020 Yasuwe: 1472 0

Burundi: Umunsi Nkurunziza yatabarukiyeho wagizwe umunsi mukuru mu...

Leta y’u Burundi yatangaje ko tariki ya 08 Kamena nyakwigendera Pierre...
28 November 2020 Yasuwe: 1953 0