addresiya
Kigali
startimes

Nigeria: Perezida Buhari yatunguranye aha akazi umuntu wari umaze iminsi apfuye

Amakuru   Yanditswe na: Dusingizimana Remy 30 April 2020 Yasuwe: 2221

Perezida Muhammadu Buhari wa Nigeria agira umugabo witwa Tobias Chukwuemeka Okwuru umwe mu bagize inama y’ubuyobozi y’ikigo cya leta, hashize amezi abiri apfuye.



Ku wa kabiri w’iki cyumweru,Perezida Buhari yoherereje sena y’iki gihugu ibaruwa ngo yemeze urutonde rw’abantu 37 bashyizwe mu mirimo, ariko atazi ko Bwana Okwuru yapfuye mu kwezi kwa kabiri.

Lauretta Onochie, ukora mu itsinda rishinzwe gutangaza amakuru yo mu biro bya perezida, yavuze ko Bwana Okwuru yari akiriho ubwo Perezida Buhari yamugenaga kuri uwo mwanya.

Yongeyeho ko ndetse Bwana Okwuru yanagiye mu biro bya perezida kunonosora umwirondoro we (CV), “yitegura gutangira akazi, nyuma yo kwemezwa na sena”.

Madamu Onochie yagize ati: “Ubwo rero yapfaga akirindiriye kwemezwa na sena, ayo makuru ntabwo yamenyeshejwe leta”.

Ubu sibwo bwa mbere ibiro bya Perezida Buhari bikoze ikosa rikomeye ryo gushyira umuntu mu mwanya w’akazi kandi yarapfuye.

Mu mwaka wa 2017, Perezida Buhari yashyize abantu bagera kuri batanu mu myanya yo mu nama nyobozi z’ibigo bya leta kandi bari bamaze igihe barapfuye.

Muhammadu Buhari akunze gukora udushya twinshi kuko mu mwaka ushize yatije indege ye y’akazi umukobwa we kugira ngo imutware aho yari agiye gutaha ubukwe mu ntara imwe yo muri Nigeria.

Mu mwaka ushize,nibwo Muhammadu Buhari w’imyaka 77 y’amavuko yatorewe manda ya kabiri yo kuyobora Nigeria ahigitse uwitwa Atiku Abubakar. Aba bagabo bombi bari bahanganye cyane ku bijyanye n’amajwi, gusa Buhari aza gutorwa cyane muri za leta ziherereye mu majyaruguru y’igihugu cya Nigeria.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Gen. Muhoozi yavuze uburyo Papa we Museveni na Perezida Kagame bakubakirwa...

Kuri uyu wa 4 Kamena 2020, Lt. Gen. Muhoozi Kainerugaba, umuhungu wa...
4 June 2020 Yasuwe: 2707 0

James Mattis wari minisitiri w’ingabo wa Trump yamaganye ibikorwa...

Jenerali James Mattis wari umunyamabanga wa Amerika ushinzwe ingabo...
4 June 2020 Yasuwe: 1201 0

Abapolisi bishe George Floyd bashinjwe ibindi byaha bishobora kubagiraho...

Hatangajwe ibirego bishya ku bapolisi bane birukanwe bari bahari ubwo...
4 June 2020 Yasuwe: 1279 0

Burundi: Ndayishimiye watsinze amatora yise igicucu Agathon Rwasa wanze...

Perezida mushya w’u Burundi Evaritse Ndayishimiye yanenze mugenzi we bari...
1 June 2020 Yasuwe: 3263 1

Burundi: Evariste Ndayishimiye yatsinze amatora ya Perezida mu buryo...

Komisiyo y’igihugu y’amatora mu Burundi yamaze gutangaza ibyavuye mu matora...
25 May 2020 Yasuwe: 2196 0

Burundi: Haratangazwa amajwi y’ibanze y’ibyavuye mu matora adateye amatsiko...

Uyu munsi saa Munani z’amanywa, komisiyo ishinzwe amatora mu Burundi...
25 May 2020 Yasuwe: 1529 1