Kigali

Nta mezi abiri arashira Perezida Kagame avuye mu Buhinde, Visi Perezida w’ iki gihugu agiye gusura u Rwanda

Amakuru   Yanditwe na: 17 February 2017 Yasuwe: 737 0

Minisiteri y’ ububanyi n’ amahanga y’ u Buhinde yatangaje ko Visi Perezida w’ iki gihugu Hamid Ansari azasura u Rwanda kuva tariki 19 -21 Gashyantare 2017.

Ni uruzinduko ruje nyuma y’ urwo umukuru w’ igihugu cy’ u Rwanda aherutse kugirira mu gihugu cy’ u Buhinde tariki 9 -11 Mutarama aho yari yitabiriye inama mpuzamahanaga yiga ku iterambere ry’ u Buhinde.

Nk’ uko Minisiteri y’ ububanyi n’ amahanga y’ u Buhinde yabitangaje mu itangazo yashyize ahagaragara kuri uyu wa 16 Gashyantare, uru ruzinduko rugamije kunoza umubano w’ ibihugu byombi.

Muri uru ruzinduko biteganyijwe ko Hamid Ansari azahura na Perezida w’ u Rwanda Paul Kagame, agahura kandi na Perezida wa Sena y’ u Rwanda Bernard Makuza ndetse akanatanga ikiganiro muri Kaminuza y’ u Rwanda UR.

Uretse ibi azanaganira n’ Abahinde bari mu Rwanda ndetse anasure urwibutso rwa Jenoside yakorewe Abatutsi mu Rwanda ruherere ku Gisozi mu mujyi wa Kigali.

Kuri ibi hiyongeraho kuba azakirwa na Minisitiri w’ Intebe w’ u Rwanda Anastase Murekezi.

Ibihugu byombi bisanzwe bifitanye imikoranire mu by’ uburezi, ubucuruzi n’ ibindi. Mu ruzinduko Perezida Kagame aheruka kugirira mu Buhinde ibihugu byombi byemeranyije kongera ubu bufatanye.

Visi Perezida w’u Buhinde Hamid Ansari azaba ari kumwe n’ Umunyamabanga wa Leta ushinzwe ubutabera Vijay Sampla, abadepite bagera kuri bane, abayobozi bakuru mu nzego zinyuranye, abacuruzi ndetse n’itsinda ry’abanyamakuru.

Hamid Ansari n’ itsinda azaba ayoboye bazakomereza uruzinduko rwabo mu gihugu cya Uganda.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Trump yaburiye Koreya ya Ruguru ngo ibangamiye umutekano wa...

Inama rusange ya 72 y’Umuryango w’Abibumbye yatangiye imilimo yayo kuri uyu...
20 September 2017 Yasuwe: 521 0

Kenya: Abafaransa binjiye mu matora, itariki y’amatora ishobora...

Sosiyete y’Abafaransa yumvikanye n’igihugu cya Kenya kuburyo bushya...
19 September 2017 Yasuwe: 1490 0

J.Kagame yagarutse ku ihungabana rikomeye bamwe mu banyarwanda bahuye naryo...

Kuri uyu wa 18 Nzeri 2017 Madame Jeannette Kagame yatanze ikiganiro mu...
18 September 2017 Yasuwe: 882 0

New York: Inteko rusange ya LONI igiye kuvugurura imikorere y’uyu...

Inteko rusange y’umuryango w’abibumbye irateganya gutangira imirimo yayo kuri...
18 September 2017 Yasuwe: 285 0

Odinga yasabye ihindurwa ry’abagize komisiyo y’amatora mbere y’uko...

Umukuru w’abatavugarumwe n’ubutegetsi muri Kenya, Raila Odinga kuri iki...
18 September 2017 Yasuwe: 301 0

Perezida Macron yababariye gafotozi wamuhohoteye

Perezida w’Ubufaransa Emmanuel Macron w’imyaka 39 y’amavuko ukomoka mu ishyaka...
16 September 2017 Yasuwe: 1699 0