Kigali
startimes

Nyuma y’igihe kitari gito Internet yarahagaritswe gukoreshwa muri DRC hongeye gusubizwaho uburenganzira bwo kuyikoresha

Amakuru   Yanditswe na: Martin Munezero 20 January 2019 Yasuwe: 3498

Muri Repubulika iharanira Demokarasi ya Congo, hongeye gusubizwaho uburenganzira bwo gukoresha internet nyuma y’iminsi igera kuri 20 ihagaritswe kugira ngo habanze gutegurwa neza no gutangaza imyanzuro simusiga y’ibyavuye mu matora.



Gukoresha Internet muri Congo, byahagaritswe kuva taliki 31 Ukuboza 2018, ubwo muri iki gihugu hari hatangiye umuhango wo gutora umukandida uzasimbura Perezida Joseph Kabila wari uyoboye iki gihugu.

Umujyanama wa Perezida Joseph Kabila witwa Barnabe Kikaya bin Karubi, yasabye ko mu rwego rwo kwirinda imvururu mu matora y’umukuru w’igihugu, hagomba guhagarikwa uburyo bwo gukoresha imbugankoranyambaga no kohererezanya ubutumwa bugufi kugira iki gikorwa kizakorwe mu mutekano usesuye.

Yakomeje avuga ko mu gihe iyi gahunda yaba ishyizwe mu bikorwa ibintu byazarushaho kugenda neza, Kikaya yari yasabye ko ikoreshwa rya Internet ryaba rihagaritswe kugeza nyuma yo gutangaza imyanzuro y’ibyavuye mu matora yagombaga gushyirwa hanze ku italiki ya 6 Mutarama 2019.

Ibi byajemo kirogoya kuko ubwo hatangazwaga ibyavuye mu matora byemezaga ko uwatsinze ari Felex Tshisekedi, bitavuzweho rumwe n’umukandida Martin Fayulu bari bahanganye avuga ko yibwe amajwi ye kuko ariwe wari watowe n’abantu benshi.

Martin Fayulu niwe watangajwe ko yagize amajwi ya kabiri nyuma ya Tshisekedi.

Ibi byatumye umunsi wari warateganyijwe wo kongera gusubizaho Internet wigizwa inyuma, kugira habanze higwe ku kibazo kiri hagati y’abakandida bombi hashakishwa igisubizo kizava mu rukiko hemezwa uwatsindiye umwanya w’umukuru w’Igihugu.

Intenet yongeye gusubizwaho kuri iki Cyumweru taliki ya 20 Mutarama 2019, nyuma y’uko urukiko rwemeje bidasubirwa ko Felex Tshisekedi ariwe watsindiye umwanya wo kuyobora Repubulika iharanira Demokarasi ya Congo.

Ku ruhande rw’abatuye iki gihugu bishimiye isubizwaho rya Internet, nyuma y’uko ibikorwa bya benshi byari bimaze gusubira hasi mu buryo budasanzwe.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Sudan: Hakuweho ibihano byo kunywa inzoga ku batari abayisilamu...

Nyuma y’imyaka irenga 30 y’ubutegetsi bwa kisilamu, leta ya Sudan yakoze...
12 July 2020 Yasuwe: 1308 1

Abiyomoye kuri RNC ya Nyamwasa bashinze undi mutwe mushya

Uguhuzagurika muri RNC kurakomeje umunsi ku wundi. Nyuma y’uko bamwe mu bari...
12 July 2020 Yasuwe: 2227 0

Mali: igitutu cy’imyigaragambyo cyatumye Perezida asesa urukiko...

Perezida Ibrahim Boubacar Keita wa Mali yaraye atangaje iseswa ry’urukiko...
12 July 2020 Yasuwe: 731 0

Tanzania: Magufuli yemejwe nk’umukandida wa CCM mu matora ya...

Inama nkuru y’ishyaka riri ku butegetsi ’Chama Cha Mapinduzi’ (CCM) yemeje...
11 July 2020 Yasuwe: 1022 0

Malawi: Perezida mushya yashyizeho Guverinoma yuzuyemo abantu bafitanye...

Lazarus Chakwera perezida mushya wa Malawi yashyize bamwe mu bafitanye...
9 July 2020 Yasuwe: 2115 0

Perezida Museveni ntiyifuza guha ubutegetsi umuhungu we

Chairman wa NRM mu gace ko Hagati ya Uganda, Abdul Naduli yatangaje ko...
9 July 2020 Yasuwe: 3021 0