Kigali

Oprah wafashwe ku ngufu ku myaka 14 ashobora kuzahangana na Perezida Trump

Amakuru   Yanditswe na: Nsanzimana Ernest 9 January 2018 Yasuwe: 712

Umugore w’ umwirabura, umukinnyi w’ amafilime akana b’ umunyamakurukazi wavukiye mu muryango w’ abakene agafatwa ku ngufu agaterwa inda afite imyaka 14 y’ amavuko, ubu akaba ari icyamamarekazi cy’ umuherwe muri Leta zunze ubumwe z’ Amerika Oprah Winfrey arahabwa amahirwe ko aramutse yiyamamarije kuyobora iki gihugu ashobora gutsinda Perezida Donald Trump.

Nk’ uko ibinyamakuru birimo BBC, CNN, na deadline byabitangaje Oprah ntabwo arerura ngo avuge niba aziyamamaza. Gusa hari ibimenyetso akora bigaragaza ko yaba arimo kwitegura kuzahangana na Perezida Trump mu matora ya 2020.

Mu Ukwakira 2017 Oprah yabwiye televiziyo CBS ko atarimo gutegura kwiyamamaza, gusa inshuti ze za hafi ebyiri zatangaje ko ari mu myiteguro

Ku cyumweru ubwo hatangwaga ibihembo bya Golden Globes, umunyamakuru Oprah ukora ikiganiro kuri televiziyo yakiriye umutumirwa Seth Meyers amushishikariza kuziyamamariza kuyobora Leta zunze ubumwe z’ Amerika.

Mu mbwirwa ruhame za Oprah humvikanamo ko ari umuntu uharanira uburenganzira bwa muntu, wanga ivangura ruhu, agashigikira ihame ry’ uburinganire.

Nk’ uko BBC yabitangaje mu muhango wo gutanga ibihembo bya golden globe, Oprah yavuze ko ukuri gutsinda imbaraga.

Yagize ati “Icyo nzi neza ni uko kuvugisha ukuri ari intwaro ikomeye twese dufite. Ukuri guhanganye n’ imbaraga ntabwo ari ubwa mbere byaba bibaye muri politiki ya Leta zunze z’ Amerika kandi bitanga umusaruro”

Oprah Winfrey mu bamushyigikiye harimo umuhanzi w’ icyamamare mu njyana ya Pop Lady Gaga ndetse n’ umukobwa wa Perezida Donald Trump witwa Ivanka Trump.

Ivanka Trump ku rubuga rwa Twitter Ise Donald Trump akunda gukoresha cyane yagize ati “Nijoro narebye muri #GoldenGlobes, imbwiraruhame ya Oprah, idushyiramo imbaraga idashishikariza. Reka twese dushyire hamwe abagabo n’ abagore tuvuge ngo igihe kirageze”

Lady Gaga kuri Twitter yagize ati “Oprah ku mwanya wa Perezida? Nzamuha ijwi”

Bill O’Reilly wahoze ari umunyamakuru yagize ati “Ni gute abanyapolitiki bakwibasira Oprah, intwari iharanira uburenganzira bw’ abagore, intwari y’ uburenganzira bwa muntu, ikiremwamuntu gikunzwe?

Oprah Winifrey yarerewe Nashville, Milwaukee na Mississippi magingo aya afite imyaka 63 y’ amavuko. Yafashwe ku ngufu aterwa inda afite imyaka 14 ntibyamushobokera kubona umwana. Arangije amashuri yagiye mu itangazamakuru aza no kuba umugore wa mbere watunze televiziyo.

Magingo aya ni umwe mu baherwe, fobes magazine ivuga ko atunze miliyari 2,8 z’ amadorali y’ Amerika.

Niyiyamamariza kuyobora Amerika azaba abaye umwirabura wa kabiri wiyamamarije kuyobora Amerika nyuma ya Barack Obama abe umwiraburakazi wa mbere ubikoze.

Muri Werurwe 2017, Kaminuza ya Quinnipiac yahaye Opray Winfrey amahirwe angana na 52% yo guhabwa akazi mu gihe Donald Trump yamuhaye 41%.

Ku mbaraga z’ ifaranga Donald Trump arusha Oprah kuko muri 2017 yarangiye atunze miliyari 3,1 z’ amadorali mu gihe Oprah yari atunze miliyari 2,8.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble AMAZINA

    Nabanjye kugira ngo ni Oprah wari umugore wa nyakwigendera Katauti, uyu mugore nubwo ntasanzwe muzi nakomereze aho

    4 months ago
  • chat_bubble Media

    uyu mugore arashoboye nanjye ndamushyigikiye aziyamamaze. igihe kirageze ngo amerika iyoborwe n’ umugore kuko natwe trabashije

    4 months ago

Inzindi nkuru

Perezida Trump yongeye asubizaho ibiganiro na Koreya ya Ruguru

Perezida wa Leta Zunze Ubumwe za Amerika Trump nyuma y’ umunsi umwe...
26 May 2018 Yasuwe: 506 0

Trump nta gihuye na Kim Jong un mu kwezi gutaha

Perezida wa Leta zunze Ubumwe za Amerika Donald Trump ntabwo azahura na Kim...
24 May 2018 Yasuwe: 592 0

Umuhungu wa Perezida wa Afurika Y’Epfo yagiye gusaba umukobwa muri Uganda...

Mu mpera z’icyumweru gishize nibwo Andile Ramaphosa w’imyaka 36 umuhungu wa...
21 May 2018 Yasuwe: 9211 1

Umusirikare mukuru w’ Ubufaransa yavuze ko ibyo yabonye muri Jenoside...

Uwabaye muri Opération Turquoise ngo ntagoheka kubera ibyo yabonye muri...
21 May 2018 Yasuwe: 1565 0

Barack Obama na Hillary Clinton ngo bagiye gutabwa muri yombi

Mike Adams Umunyamerika w’ impuguke muri politiki abenshi bafata nk’ umugabo...
18 May 2018 Yasuwe: 7248 0

Uko byari byifashe ubwo mu Burundi batoraga referandumu ishobora kugumisha...

None tariki 17 Gicurasi 2018, Abarundi barenga miliyoni 5 baratora...
17 May 2018 Yasuwe: 4228 0