Kigali

Perezida Buhari yageze mu gihugu asohoka mu ndege yigenza

Amakuru   Yanditwe na: Nsanzimana Ernest 20 August 2017 Yasuwe: 943 0

Perezida wa Nigeria Muhammadu Buhari wari umaze amezi arenga atatu arwariye mu gihugu cy’ Ubwongereza aho yivurizaga indwara yagizwe ibanga kuri uyu wa Gatandatu tariki 19 Kanama 2017 yageze mu gihugu cye asohoka mu ndege yigenza.

Ni ikiruhuko cya kabiri cy’ uburwayi uyu musaza w’ imyaka 74 avuyemo mu gihe cy’ umwaka. Ibi biruhuko byombi yabikoreye mu Bwongereza aho akurikiranwa n’ abaganga bamuvura indwara yagizwe ibanga.

Ku kibuga cy’ indege mu gihugu cya Nigeria Perezida Buhari yakiriwe n’ umusigire we Yemi Osinbajo, atererwa amasaluti ahita akomeza nta kintu atangaje.

Perezida Buhari uyobora iki gihugu cy’igihangange mu bukungu muri Afurika, ubuyobozi babusingiye Yemi Osinbajo wari visi Perezida, uyu Yemi niwe wahagarariye Nigeria mu muhango w’ irahira rya Perezida w’ u Rwanda Paul Kagame ku wa Gatanu tariki 18 Kanama 2017.

Kubura mu gihugu kwa Perezida Buhari byavuzweho byinshi, bamwe batangira gusaba ko yakwegura abandi bavuga ko bakwerurirwa ibijyanye n’ uburwayi bwe.

Hari amakuru yigeze gutangazwa avuga ko Perezida Buhari yavuye mu mubiri ariko byari ibihuha. Muri 2016 mu kwezi kwa gatandatu ubwo Perezida Buhari yajyaga mu kiruhuko cya mbere cy’ uburwayi nibwo amakuru y’ uko yavuye mu mubiri yasakajwe. Icyo gihe umufasha we yavuze ko afite ikibazo ku gutwi(ear infection).

Umuvugizi wa Perezida Buhari yatangaje ko kuri uyu wa mbere tariki 21 Kanama mu gitondo aribwo Buhari ageza ijambo kubanyagihugu. Perezida Buhari ayoboye Nigeria kuva muri 2015 yasimbuye Goodluck Jonathan

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amerika yakomoreye Abanyasudani badafite ibyangombwa

Guverinoma ya Amerika yakomoreye Abanyasudani, bari ku rutonde rw’abimukira...
19 September 2017 Yasuwe: 75 0

Kenya: Abafaransa binjiye mu matora, itariki y’amatora ishobora...

Sosiyete y’Abafaransa yumvikanye n’igihugu cya Kenya kuburyo bushya...
19 September 2017 Yasuwe: 1191 0

J.Kagame yagarutse ku ihungabana rikomeye bamwe mu banyarwanda bahuye naryo...

Kuri uyu wa 18 Nzeri 2017 Madame Jeannette Kagame yatanze ikiganiro mu...
18 September 2017 Yasuwe: 749 0

New York: Inteko rusange ya LONI igiye kuvugurura imikorere y’uyu...

Inteko rusange y’umuryango w’abibumbye irateganya gutangira imirimo yayo kuri...
18 September 2017 Yasuwe: 260 0

Odinga yasabye ihindurwa ry’abagize komisiyo y’amatora mbere y’uko...

Umukuru w’abatavugarumwe n’ubutegetsi muri Kenya, Raila Odinga kuri iki...
18 September 2017 Yasuwe: 296 0

Perezida Macron yababariye gafotozi wamuhohoteye

Perezida w’Ubufaransa Emmanuel Macron w’imyaka 39 y’amavuko ukomoka mu ishyaka...
16 September 2017 Yasuwe: 1647 0