skol
Kigali
startimes

Perezida Evariste Ndayishimiye aravugwaho gushyiraho abaguverineri 6 bose bakomoka mu Gisirikare n’izindi nzego z’umutekano ibintu bitari kuvugwaho rumwe

Amakuru   Yanditswe na: Martin Munezero 12 July 2020 Yasuwe: 3402

Perezida mushya w’u Burundi, Evariste Ndayishimiye, aravugwaho gushyiraho abaguverineri batandatu bose bakomoka mu gisirikare, igipolisi cyangwa mu nzego z’ubutasi, ibintu bitavugwaho rumwe nubwo itegeko shingiro ryemejwe mu myaka ibiri ishize ritabuza aba bantu kujya mu myanya y’ubuyobozi.


Kuri uyu wa Gatanu ushize, itariki 10 Nyakanga nibwo Sena y’u Burundi yemeje amazina ya ba guverineri b’intara bahiswemo n’umukuru w’igihugu, Evariste Ndayishimiye. mu ba guverineri 18 barimo na Meya wa Bujumbura, batandatu ni ba ofisiye bakuru bava mu gisirikare, igipolisi ndetse no mu rwego rw’igihugu rw’ubutasi rutavugwaho rumwe.

Igenwa ry’aba bagabo b’impuzankano ku myanya mbere yari igenewe abasivili bije nyuma y’igenwa na none ry’abajenerali bahoze mu nyeshyamba za CNDD-FDD mu myanya y’ingenzi muri guverinoma nshya no muri perezidansi.

Iyi nkuru dukesha AFP iravuga ko guverineri w’intara uturutse mu bashinzwe kurinda igihugu cyangwa umutekano w’igihugu yaherukaga gushyirwaho mu myaka igera muri 20 ishize mu gihe cy’intambara hagati y’abaturage yamennye amaraso menshi mu Burundi hagati y’1993 na 2006.

Pacifique NIninahazwe, umwe mu bayobozi ba sosiyete sivile ikorera mu buhungiro, yavuze ko uku guhitamo kuje gushimangira guhindura inzego z’igihugu iza gisirikare nk’uko byagaragaye bwa mbere ku bantu Perezida Ndayishimiye yashyize muri guverinoma.

Bitandukanye n’Itegeko Nshinga ryo mu 2005, itegeko rishya ryemejwe mu myaka ibiri ishize ntiribuza abasirikare cyangwa abapolisi kujya mu myanya y’ubuyobozi.

Umwe mu bayobozi bakuru atanga ibisobanuro kuri iri tegeko, atanga urugero rw’Umuyobozi mushya w’Umujyi wa Bujumbura, Gen. Jimmy Hatungimana (uri ku ifoto), agira ati:

Intego yari ukutabuza igihugu izi mpano zagaragaje ubushobozi bwazo bwo kuyobora mu gisirikare n’igipolisi.

Usibye kunenga kwinjiza abasirikare n’abapolisi mu buyobozi bw’intara, hari abandi banenga ko abo mu bwoko bw’Abatutsi badahagariwe. Biravugwa ko muri ba Guverineri 18, Abatutsi ari batatu gusa mu gihe Abahutu ari 15.

Ibi ngo bikaba binyuranyije n’ihame ryo mu itegeko nshinga ryo guhagararirwa ku rugero rwa 60% ku Bahutu na 40% ku Batutsi. Umwe mu bavugizi ba guverinoma y’u Burundi ariko, avuga ko iri ringaniza ry’amoko ku bijyanye na ba guverineri ridateganywa mu itegeko nshinga.

Ibi ariko ntabivugaho rumwe na sosiyete sivile ikorera mu buhungiro ivuga ko guverinoma itazuyaje mu gutegeka iri ringaniza mu miryango mpuzamahanga itegamiye kuri leta (ONGs), ngo yari irimo Abahutu bacye ugereranyije n’Abatutsi, mu gihe ngo itegeko nshinga ritabiteganya nabyo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FBI irashinja Iran n’Uburusiya koherereza ubutumwa bw’iterabwoba bamwe mu...

Abakuriye ubutasi muri Amerika batangaje ko Iran ari yo yoherereje ubutumwa...
22 October 2020 Yasuwe: 666 0

Umunyamabanga wa leta muri Minisiteri y’ubutabera, Amb Solina Nyirahabimana...

Umunyamabanga wa leta muri Minisiteri y’ubutabera, Amb Solina Nyirahabimana...
21 October 2020 Yasuwe: 2757 1

Perezida Trump na Joe Biden babwiwe ko bazajya bazimirizwa mikoro igihe...

Mu kiganiro mpaka giteganyijwe kuwa kane hagati y’abakandida Donald Trump na...
20 October 2020 Yasuwe: 822 0

Guinea: Cellou Dalein Diallo utavuga rumwe n’ubutegetsi yitangaje ko...

Cellou Dalein Diallo utavuga rumwe n’ubutegetsi muri Guinea yitangaje ko ari...
20 October 2020 Yasuwe: 363 0

U Burundi bwabeshyuje ibyo guhiga abantu bose bavuga ururimi rw’Ikinyarwanda...

Minisiteri y’Umutekano mu Burundi, yahakanye ibiherutse gutangazwa ko...
18 October 2020 Yasuwe: 1571 0

Abaturage bo mu Burundi batashywe n’ubwoba nyuma y’imbunda zahawe...

Mu Ntara ya Cibitoke iri mu majyaruguru ashyira Uburengerazuba bw’u...
17 October 2020 Yasuwe: 2690 0