Abanyagihugu bari bakoraniye I Lomé ku murwa mukuru wa Togo ku mugoroba wo kuri uyu wa kane mu myigaragambyo isaba ko Perezida Faure Gnassingbé ava ku butegetsi hagahindurwa na bimwe mu itegeko nshinga, batewe ibyuka bijyana mu maso na Polisi y’Igihugu kugirango batatane.
Iyo myigaragambyo kugeza kuri ubu nta muntu urahasiga ubuzima.
Abigaragambya basaba ko itegeko nshinga rihindurwa cyane ko manda y’Umukuru w’Igihugu igarukira kuri ebyiri gusa, kandi hagashyirwamwo ko amatora ashobora (...)

Sponsored Ad

Abanyagihugu bari bakoraniye I Lomé ku murwa mukuru wa Togo ku mugoroba wo kuri uyu wa kane mu myigaragambyo isaba ko Perezida Faure Gnassingbé ava ku butegetsi hagahindurwa na bimwe mu itegeko nshinga, batewe ibyuka bijyana mu maso na Polisi y’Igihugu kugirango batatane.

Iyo myigaragambyo kugeza kuri ubu nta muntu urahasiga ubuzima.

Abigaragambya basaba ko itegeko nshinga rihindurwa cyane ko manda y’Umukuru w’Igihugu igarukira kuri ebyiri gusa, kandi hagashyirwamwo ko amatora ashobora gusubirwamwo atagenze neza.

Faure Gnassingbe yagiye ku butegetsi asimbuye se Gnassingbe Eyadema wari warafashe ubutegetsi muri 1967 yitaba Imana muri 2005.

Abaturage bagera ku bihumbi 150 bavuga ko imyaka 50 batwarwa n’umuryango umwe bikwiye kurangira.

Iyo myiyerekano yateguwe n’abatavuga rumwe n’ubutegetsi muri Togo.

Abaturage bashinja uyu mukuru w’Igihugu ko ashaka ko Togo ikomeza kuyoborwa n’abo mu muryango we gusa nk’aho ari ubwami bwabo.

Perezida Faure Gnassingbé ntacyo aravuga kuva iyo myigaragambyo ikomeje no kuri uyu wa Gatanu tariki ya 08 Nzeri uyu mwaka.