Kigali

Perezida Magufuli yirukanye abayobozi bibagiwe ingengo y’ imari izakoreshwa imihanda

Amakuru   Yanditswe na: Nsanzimana Ernest 8 November 2017 Yasuwe: 349

Perezida wa Tanzania John Pombe Magufuli yirukanye abayobozi babiri nyuma y’ uko ababajije amafaranga guverinoma izakoresha mu kubaka imihanda mu turere bayoboye bakamubwira ko batayibuka.

Itangazo ryasohowe n’Ibiro bya Perezida ntabwo ryasobanuye impamvu abo bayobozi birukanywe, gusa byabaye nyuma y’amasaha make bahamagajwe mu ruhame na Perezida Magufuli, ngo bavuge ingano y’amafaranga Leta yatanze yo kubaka imihanda mu turere bayoboye.

Magufuli yabibabarije mu kiganiro cyatambukaga kuri Televiziyo, ubwo yatahaga ikibuga cy’indege mu Mujyi wa Bukoba.

Byabaye ku wa Mbere tariki 6 Ugushyingo 2017. Magufuli yabwiye Kitwana Dau ati “Ntabwo wambwira utyo!”, Dau yari abwiye Perezida Magufuli ko afite amashami menshi agenzura bityo bigoye kuba yakwibuga ayo mafaranga guverinoma izakoresha mu bikorwa byo kubaka umuhanda mu karere ayoboye.

Abirukanywe ni Umuyobozi w’Umujyi wa Bukoba, Erasto Aron Mfugale n’uw’Akarere k’icyaro ka Bukoba, Mwantum Kitwana Dau.

Muri 2015, ubwo Perezida Magufuli yatorwaga yijeje abanyatanzaniya ko azateza imbere ubukungu akarwanya ruswa ndetse akanubaka inyubako zigezweho muri iki gihugu.

Perezida Magufuli wahoze ari Minisitiri w’ umurimo aherutse kwirukana abakozi 10 000 nyuma yo kuvumbura ko bari mu kazi badafite ibyangombwa.

Ikinyamakuru Africanews dukesha iyi nkuru kivuga ko nubwo Perezida Magufuli amaze guhabwa ibihembo bitandukanye nk’ umuntu urwanya ruswa, ngo abaharanira uburenganzira bwa muntu bamushinja gutegekesha igitugu no kubangamira uburenganzira bw’ itangazamakuru.

Perezida Magufuli arabihakana akavuga ko igihugu cye cyubahiriza amahame ya demukarasi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Israel yemeye kwakira abimukira 1000, yangira 7000

Leta ya Isirayeli ejo kuwa mbere yatangaje ko igiye kwemerera abimukira...
18 September 2018 Yasuwe: 219 0

Afurika y’epfo igiye gutangira kwigisha ururimi rw’Igiswayile mu...

Guhera mu mwaka wa 2020, ururimi rw’Igiswayile ruzatangira kwigishwa mu...
18 September 2018 Yasuwe: 164 0

Ibiganiro by’ amahoro bihuza Abarundi ntabwo bikibaye kuri uyu wa...

Igice cya gatanu cy’ibiganiro bihuza Abarundi byari bitegekanijwe gutangira...
17 September 2018 Yasuwe: 468 0

U Bushinwa n’Uburusiya byishyize hamwe biri gukora imyitozo izamara...

Ingabo zirenga ibihumbi 303,000 z’Abarusiya n’Abashinwa bari mu myitozo...
15 September 2018 Yasuwe: 2052 0

Ibintu 5 ukwiye kumenya kuri Agathon Rwasa ugiye gushinga ishyaka mu...

Umunyapolitiki utavugarumwe n’ ubutegetsi bwa Leta y’ u Burundi, wahoze ari...
13 September 2018 Yasuwe: 1640 2

Menya ubwirinzi buhambaye inzego z’ubutasi zikoresha kugira ngo zirinde...

Ushobora kuba ukoresha ubwirinzi bukomeye ngo urinde urugo rwawe,...
13 September 2018 Yasuwe: 3467 0