Kigali

Perezida Museveni na Nkurunziza ntibumvikanye ku nama y’ abakuru b’ ibihugu bya EAC

Amakuru   Yanditswe na: Nsanzimana Ernest 28 November 2018 Yasuwe: 1926

Perezida wa Uganda Museveni yashyimangiye ko inama y’ abakuru b’ ibihugu by’ Umuryango wa Afurika y’ Iburasirazuba igomba kuba tariki 30 Ugushyingo 2018 nubwo Perezida Nkurunziza Pierre w’ u Burundi atari ko abishaka.

Perezida Nkurunziza yavuze ko u Burundi bwabonye amakuru y’ iyi nama butinze bityo ko igomba kwigizwa inyuma.

Perezida Nkurunziza tariki 22 Ugushyingo yandikiye Museveni uyoboye EAC muri iki gihe amumenyesha ko ibaruwa imenyesha u Burundi inama y’ abakuru b’ ibihugu bya EAC yamugezeho tariki 21 Ugushyingo. Iyi baruwa yanditswe tariki 30 Ukwakira ngo tariki 19 Ugushyingo nibwo yageze kuri ambasade y’ u Burundi muri Uganda.

Nk’ uko byatangajwe na Chimpreports Nkurunziza uheruka gusohoka mu gihugu cye muri 2015 yabwiye Museveni ko atabonye igihe gihagije cyo kwitegura iyi nama y’ abakuru b’ ibihugu iteganyijwe ku wa Gatanu w’ iki cyumweru asaba ko yakwigizwa inyuma ho ibyumweru bine.

Iki kibazo cyanatumye Nkurunziza yohereza Minisitiri w’ Ububanyi n’ amahanga Ezekiel Nibigira guhura na Museveni ngo bakiganireho. Nibigira yari aherekejwe na Ambasaderi w’ u Burundi muri Uganda Jean Bosco Barege n’ umunyamabanga w’ ishyaka riri ku butegetsi mu Burundi Ndayimiye Evariste.

Perezida Museveni nk’ umuyobozi wa EAC, yagize “Ibyo umuyobozi w’ u Burundi avuga birumvikana ariko ntabwo nigiza inyuma inama ya EAC”

Mu ibaruwa Museveni yandikiye Nkurunziza tariki 25 Ugushyingo yavuze ko ‘u Burundi busanzwe gahunda y’ iyi nama y’ abakuru b’ ibihugu kuko yavuzweho na mbere mu zindi nama.

Museveni yibukije Nkurunziza ko inama y’ abaminisitiri b’ ibihugu bigize EAC yo muri Kamena uyu mwaka wa 2018 yemeje ko inama y’ abakuru b’ ibihugu bya EAC izaba tariki 30 Ugushyingo kandi ibi byamenyejwe abaperezida b’ ibihugu byose bigize EAC.

Perezida Museveni kandi mu ibaruwa ye ndende yandikiye Nkurunziza yamubwiye ko umunyamabanga mukuru wa EAC Liberat Mfumukeko yahaye kopi za gahunda y’ iyi nama abakuru ibihugu imaze kwemezwa n’ abantu batandukanye barimo n’ itsinda ryari rihagarariye u Burundi.

Ibi ni bimwe mu byo Museveni yandikiye Nkurunziza amumenyesha ko inama y’ abakuru b’ ibihugu izaba tariki 30 Ugushyingo u Burundi bwari busanzwe buyizi asaba ko kuba ibaruwa ya 30 Ukwakira yaratinze kugera kuri Nkurunziza bitaba urwitwazo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Madame Louse Mushikiwabo yagize icyo asaba Abanyepolitiki ba...

Umunyamabanga Mukuru w’Umuryango mpuzamahanga w’ibihugu bivuga ururimi rw’...
11 January 2019 Yasuwe: 2022 0

Perezida Kagame n’umufasha we ’Jeanette Kagame’ bambitswe imidali...

Ku mugoroba wo kuri uyu wa Gatatu, i Abidjan muri Côte d’Ivoire, Perezida...
20 December 2018 Yasuwe: 4104 0

Birangiye u Burundi bugiye kwitabira inama ya 20 y’abakuru b’ibihugu bigize...

Leta y’u Burundi yemeye ko izitabira Inama ya 20 y’Abakurub’Ibihugu bigize...
16 December 2018 Yasuwe: 4893 0

Amerika irashinja Ubushinwa n’Uburusiya kubohera Afurika mu madeni

Leta Zunze Ubumwe za Amerika zatangaje ko zigiye kureka ibikorwa...
14 December 2018 Yasuwe: 1396 0

Kongo: Komisiyo y’ amatora yafashwe n’ inkongi hasigaye iminsi 10 ngo...

Mu gitondo cyo kuri uyu wa Kane tariki 13 Ukuboza 2018 ibiro bya Komisiyo...
13 December 2018 Yasuwe: 2289 0

Dr Mukwege afite amakenga ko amatora ya Perezida wa Kongo azateza...

Umunyekongo uherutse kuronka igihembo kitiriwe Nobel, Dr Denis Mukwege,...
11 December 2018 Yasuwe: 1901 0