skol
Kigali
startimes

Perezida Museveni yashimye abasirikare be bakuru kubera ukuntu bakubise Bobi Wine bakamugira intere

Amakuru   Yanditswe na: Dusingizimana Remy 22 August 2020 Yasuwe: 3555

Perezida Museveni wa Uganda yatangaje ko Depite Robert Kyangulanyi SSentamu uzwi nka Bobi Wine bazahangana mu matora ya Perezida wa Repubulika yakubitiwe ukuri ndetse yashimiye abasirikare be uko bamukubise.


Mu mwaka wa 2018 nibwo Bobi Wine yakubitiwe ahitwa Arua n’abasirikare bashinzwe umutekano bamushinja ko yateye amabuye imodoka ya perezida Museveni aho bamugize intere kugeza ubwo ajya kwivuriza hanze y’igihugu.

Kuri uyu wa Gatanu tariki ya 21 Kanama 2020, Perezida Museveni yitabiriye umuhango wo kwinjiza mu kazi abapolisi bashya 4,809 barangije imyitozo, aho yashimye byimazeyo uko abasirikare be bakubise Bobi Wine.

Yagize ati “Hari igihe hari habaye ibibazo muri Nil y’Iburengerazuba ubwo inshuti yacu nto Bobi Wine yageragezaga kurwanya abashinzwe umutekano. Ndakeka baramukubiseho gake, hanyuma baza kumbwira ko umudepite yakubiswe, ndababwira nti ndaza kubisuzuma.

Maze kubisuzuma, nasanze uriya mugabo yarakubiswe mu buryo bwa nyabwo. Ni ukubera ko ubwo bamukubitaga, babikoze neza cyane, naratunguwe.”

Yavuze ko bitwaye neza ukurikije uburyo Bobi Wine yabarwanyije ubwo bari baje kumufata.

Ati “Uyu mudepite yarabakubise, nabo baramukubita kugeza ubwo bamunesheje. Nyuma ntibongeye kumukubita. Naratangaye uburyo babashije kubyitwaramo neza atari akazi kabo gasanzwe, babikoze birwanaho.”

Bobi Wine yavuze ko ibyo Museveni yavuze ko yarwanyije abapolisi ari ukubeshya kuko bamufashe bitwaje intwaro baramukubita bamugira intere.

Uyu mudepite akaba n’umuhanzi yavuze ko aba basirikare barashe umushoferi we ariwe bari bashaka kwica ntibibakundire.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Prime Niyongabo na Pontien Baritonda bahoze bafite ipeti rya Colonel mu...

Ku wa Gatanu w’iki cyumweru, (Rtd) Col. Prime Niyongabo wahoze ayobora...
19 September 2020 Yasuwe: 1222 0

Burundi: Imbonerakure zagabweho igitero zimwe ziricwa izindi...

Mu ijoro ryakeye ahitwa Kiganza muri zone ya Maramvya muri Komini Burambi...
16 September 2020 Yasuwe: 2277 0

RDC: Kabila wahoze ari perezida yagarutse muri Politiki nk’umusenateri

Joseph Kabila Kabange wahoze ari perezida wa Repubulika ya Demokarasi ya...
15 September 2020 Yasuwe: 1860 0

Inama perezida Tshisekedi yari yatumiyemo bagenzi be bo muri aka karere...

Minisitiri w’Ububanyi n’Amahanga wa Repubulika ya Demokarasi ya Congo,...
13 September 2020 Yasuwe: 2907 0

U Burundi bwanze kwitabira inama y’abakuru b’ibihugu byo muri aka karere...

Uburundi bwatangaje ko butazitabira inama iteganyijwe mu minsi iri imbere...
12 September 2020 Yasuwe: 5898 0

Microsoft ivuga ko aba ’hackers’ b’Uburusiya, Ubushinwa na Iran bibasiye Trump...

Abinjira mu mabanga yo kuri mudasobwa (hackers) bafitanye isano n’Uburusiya,...
11 September 2020 Yasuwe: 692 0