skol
Kigali
startimes

Perezida Museveni yatangiye inzira yo kwiyamamaza izamufasha gutegeka Uganda imyaka 40

Amakuru   Yanditswe na: Dusingizimana Remy 21 July 2020 Yasuwe: 1201

Ishyaka rya Perezida Yoweri Museveni wa Uganda uyu munsi ku wa kabiri ryemeje ko yamaze kwegeranya imikono isabwa ngo arihagararire mu matora y’umukuru w’igihugu.


Niyongera gutorwa - indi manda y’imyaka itanu - azategeka iki gihugu imyaka hafi mirongo ine, ashobora no kurenza abyifuje.

Rogers Mulindwa, umuvugizi w’ishyaka NRM, yatangarije ibiro ntaramakuru Reuters ko Perezida Museveni yamaze "gufata inyandiko zo guhagararira iri shyaka" mu matora.

Nubwo nta tariki iragenwa, biteganyijwe ko ayo matora azaba mu kwa kabiri 2021.

Bwana Mulindwa yavuze ko nta wundi muntu mu ishyaka NRM uragaragaza ubushake bwo guhatana na Museveni mu kubahagararira.

Ushobora kuzahangana bikomeye nawe ku ruhande rutavuga rumwe n’ubutegetsi ni umudepite Robert Kyagulanyi, uzwi cyane nka Bobi Wine kubera muzika, ubu ufite imyaka 38.

Bwana Kyagulanyi anenga ubutegetsi bwa Museveni gukoresha amayeri yose mu kunaniza imyiteguro y’abatavuga rumwe nawe mu matora ari imbere - ibyo bwakomeje guhakana.

Perezida Museveni amaze imyaka 34 ku butegetsi, mu baburambyeho muri Afurika imbere ye hari Teodoro Obiang Nguema wa Guinée équatoriale ubumazeho imyaka 41 na Paul Biya wa Cameroun ubumazeho imyaka 38.

Abatavuga rumwe nawe bamushinja gukoresha imbaraga mu gutera ubwoba urwo ruhande, no gukoresha umutungo w’igihugu mu gushima abamushyigikira no gushakisha abandi.

Muri uku kwezi, polisi ya Uganda yatatanyije inama ebyiri z’abatavuga rumwe n’ubutegetsi, mu gihe bo bavuga ko abo ku ruhande rwa leta bo bahura nta nkomyi.

Rogers Mulindwa ahakana ibi ko amategeko atubahirizwa ku mpande zombi, akavuga ko abatavuga rumwe n’ubutegetsi "bavuga ibi kugira ngo bigarurire abantu", nk’uko bivugwa na Reuters.

Perezida kuri manda eshanu

Perezida Museveni yatorewe kuyobora Uganda inshuro eshanu.

Mu 2005 inteko ishingamategeko yavanye mu itegekonshinga ibya manda ntarengwa z’utorewe kuba perezida.

Mu 2017 iyi nteko - igizwe ahanini n’abo mu ishyaka rye rya NRM - yongeye gukuraho ingingo y’imyaka y’ubukure, yari inzitizi kuri Museveni, ngo yongere kwiyamamaza.

Gutorera iyi ngingo byateje impaka n’imirwano mu nteko, kugeza ubwo abasirikare binjiyemo bagasohora abo ku ruhande rutavuga rumwe n’ubutegetsi.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida w’u Burundi yiyamye ibihugu birimo n’ibyagerageje guhirika...

U Burundi bwiyamye za Guverinoma z’ibihugu by’amahanga birimo n’ibyagerageje...
25 September 2020 Yasuwe: 2684 0

Kim Jong-un yasabye imbabazi ku iyicwa ry’umutegetsi wa Korea...

Perezida wa Koreya ya ruguru Kim Jong-un mu buryo butamenyerewe ubwe...
25 September 2020 Yasuwe: 1145 0

Ruswa n’amafaranga ya Kadhafi mu bigiye guhagama Nicholas Sarkozy

Kuri uyu wa Kane tariki ya 24 Nzeri 2020, Urukiko rw’ubujurire rwa Paris...
25 September 2020 Yasuwe: 991 0

Perezida Trump yavuze ko atazatanga ubutegetsi mu mahoro natsindwa na...

Perezida Donald Trump wa Leta Zunze Ubumwe z’Amerika yanze kwiyemeza...
24 September 2020 Yasuwe: 1421 0

Perezida Trump yateranye amagambo na perezida Xi Jinping mu nama ya...

Ubushyamirane hagati y’Amerika n’Ubushinwa bwigaragaje mu nama rusange...
23 September 2020 Yasuwe: 1565 0

Amerika yahakanye ibyo gushinga ibirindiro bya gisirikare mu...

Nk’uko byakomeje guhwihwiswa ku mbuga nkoranyambaga mu mpera z’icyumweru...
22 September 2020 Yasuwe: 5636 0