skol
Kigali
startimes

Perezida Ndayishimiye yasobanuye impamvu atitabiriye inama Perezida Tshisekedi yamutumiyemo we na bagenzi be

Amakuru   Yanditswe na: Martin Munezero 29 September 2020 Yasuwe: 5810

Perezida wa Repubulika y’u Burundi, Evariste Ndayishimiye kuwa 25 Nzeri 2020 yasobanuye byinshi ku nama y’Abakuru b’Ibihugu yagombaga kubera mu mujyi wa Goma, yatangaje ko atazayitabira.


Tariki ya 12 Nzeri habura amasaha make ngo iyi nama ibe tariki ya 13, Minisiteri y’Ububanyi n’Amahanga y’u Burundi yatangaje ko Perezida Ndayishimiye atazayitabira bitewe n’izindi gahunda afite mu Burundi.

Mu kiganiro uyu Mukuru w’Igihugu yagiranye n’itangazamakuru, yasobanuye ko Perezida Tshisekedi yari yabatumiye ngo bahure nk’inshuti, nta rwego iherereyeho ku buryo umwe utari kuyibonekamo bitari kubuza abandi kuyikora.

Ati: "Ni inama nk’uko wabwira inshuti mwumvikana uti nimuze duhure, tuganire ku bibazo bimwe bimwe. Icyo gihe rero, umuntu abonye uburyo iyo nama yatumiwe, urabona ko ari inama iragira urwego. Iyo rero inama atari iy’urwego, batavuga ngo uyu ntiyasibye cyangwa yasibye, ufite umwanya wese arayitabira kuko ni byiza ko abantu bahura."

Yakomeje ati: "Iyo hari uwabuze uburyo, ntibibuza ko inama ikomeza kuko murumva ko rutaba ari urwego."

Perezida Ndayishimiye yavuze ko inzego zitandukanye mu Burundi zikiri nshyashya, bafite byinshi cyane byo gukora, iyi ikaba impamvu yatumye avuga ko atazitabira iyi nama.

Gusa ngo yumvikanye na Perezida Tshisekedi, yemera ko azohereza mu Burundi Minisitiri w’Ububanyi n’Amahanga, Marie Tumba Nzeza akamuha ubutumwa igihugu cye cyari kigenewe muri iyi nama.

Nyuma yo gutangaza inshuro ebyiri ko iyi nama yasubitswe, Minisitiri Tumba yavuze ko igihe izabera, izifashisha ikoranabuhanga rya video-conference. Ndayishimiye yabajijwe niba yo ateganya kuyitabira, atangaza ko azayitabira mu gihe abaturage bamuhaye umwanya.

Iyi nama yatumiwemo Perezida Kagame w’u Rwanda, Perezida Museveni wa Uganda, Perezida Lourenço wa Angola na Ndayishimiye w’u Burundi. Ibyo babombaga kuganiraho birimo umutekano mu Karere, ubukungu, ubucuruzi n’ubuzima.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Joe Biden yinjiye bwa mbere muri White House ahita akora impinduka...

Nyuma y’amasaha make Joe Biden arahiye,Joe Biden yahise yerekeza muri White...
21 January 2021 Yasuwe: 5712 1

Joe Biden yarahiye ku mugaragaro aba Perezida wa 46 wa US

Joe Biden amaze kurahirira kuba Perezida wa 46 wa Leta Zunze Ubumwe za...
20 January 2021 Yasuwe: 4334 0

Donald Trump yivuze ibigwi karahava ubwo yasezeraga Abanyamerika

Perezida wa Amerika Donald Trump yavuze ijambo rye ryo gusezera mbere yo...
20 January 2021 Yasuwe: 4621 0

Bizagenda bite ubwo Joe Biden na Kamala Harris bazaba barahira?

Perezida watowe Joe Biden ku munsi w’irahira rye azahita ajya muri White...
19 January 2021 Yasuwe: 4315 0

Bobi Wine yahishuye ko ubuzima bwe buri mu kaga

Bobi Wine watsinzwe amatora y’umukuru w’igihugu muri Uganda, afite ubwoba ko...
17 January 2021 Yasuwe: 5148 0

Bidasubirwaho Perezida Museveni yatorewe kuyobora Uganda ku nshuro ya...

Komisiyo ishinzwe gutegura amatora muri Uganda yemeje ko Perezida Yoweri...
16 January 2021 Yasuwe: 6060 0