Kigali

Perezida rukumbi w’ umugore wari usigaye muri Afurika yeguye

Amakuru   Yanditswe na: Nsanzimana Ernest 18 March 2018 Yasuwe: 2558

Umukuru w’ igihugu w’ umugore wari usigaye muri Afurika wayoboraga igihugu cya Mauritia Ameenah Gurib-Fakim yamaze kwegura kuri uyu mwanya azava muri Perezidansi ku wa Gatanu nk’ uko umunyamategeko we yabitangaje.

Madamu Gurib-Fakim ashinjwa gusesagura umutungo gusa we arabihakana. Ku wa Gatandatu , ubwo hari hashize umunsi umwe ateye utwatsi ibyo kwegura kwe, umunyamategeko we Yusuf Mohamed yabwiye itangazamakuru ko uyu muperezida agiye kwegura.

Nta tangazo uyu muperezida arashira ahagaragara gusa Minisitiri w’ Intebe w’ iki gihugu yavuze ko uyu mugore yakabaye yaregute ku wa mbere w’ iki cyumweru gishojwe.

Ikinyamakuru L’ express cyo muri Mauritania ku wa kwa Kabiri cyasohoye inkuru ivuga ko uyu mugore w’umuhanga muri siyansi yakoresheje ikarita ya banki yahawe n’Umuryango Mpuzamahanga ukora ibikorwa by’ubugiraneza, Planet Earth Institute, PEI, akagura imirimbo n’imyenda mu Bwongereza.

Uyu muryango uvuga ko watanze iriya karita kugira ngo ijye ifasha uyu muyobozi mu kwishyura ingendo mu gihe agiye mu bikorwa byo guteza imbere siyansi, ikoranabuhanga no guhanga udushya muri Afurika.

Ibiro bya Gurib-Fakim byatangaje ko uyu mugore afite indi karita imeze nk’iriya kandi yo muri banki imwe hanyuma akoresha atabishaka amafaranga yo ku ikarita ya PEI.
Byongeyeho ko ibihumbi 27 by’amadolari yasubijwe ndetse ko Gurib-Fakim aziregura yishingikirije amategeko.

PEI mu Bwongereza yabwiye BBC ko uyu mugore yasubije ariya mafaranga yakoresheje agura imyenda akaba yarahawe ishami ryayo muri Mauritania.

Perezidansi irabihakana ikavuga ko icyabayeho ari ugukoresha ikarita isa n’ iyariho ayo mafaranga yari agenewe guteza imbere uburezi ariko amafaranga yakoreshejwe ari aye bwite.

Uretse Madamu Gurib-Fakim abandi bagore babaye abaperezida muri Afurika ni Joyce Mbanda wayoboye Malawi na Ellen Johnson Sirleaf wategetse Liberia kuva muri 2006 kugeza muri Mutarama uyu mwaka wa 2018.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burundi: Ikihishe inyuma yo kuba uwari umuyobozi w’ imbonerakure yagizwe...

Perezida w’ u Burundi Pierre Nkurunziza yakoze impinduka muri guverinoma...
21 April 2018 Yasuwe: 4007 0

Umwami Mswati III wa Swaziland yahinduye izina ry’iki gihugu

Umwami Mswati III wa Swaziland yahinduye izina ry’iki gihugu Izina rishya...
20 April 2018 Yasuwe: 1722 1

Ijambo Julius Malema yavugiye ku kiriyo cya Winnie Mandela ryatumye yitwa...

Ijambo Julius Malema yavugiye mu kiriyo cyo gusezera mu cyubahiro...
14 April 2018 Yasuwe: 6408 1

Syria yashwanyurije mu kirere ibisasu 71 mu birenga 103 yarashweho

Nyuma y’igitero cyagabwe muri Siriya, kigabwe na Leta Zunze Ubumwe za...
14 April 2018 Yasuwe: 6275 1

Icyatumye umugore w’umwami Mswati III yiyahura cyateye abantu benshi...

Mswati lll yapfushije umwe mu bagore be 15 nyuma h’aho yasanzwe yiyahuye...
13 April 2018 Yasuwe: 12210 0

Mu itangazo ry’ibyemezo by’Inama y’Abaminisitiri yateranye kuri uyu wa...

Kuri uyu wa Gatatu, tariki ya 11 Mata 2018, Inama y’Abaminisitiri yateraniye...
12 April 2018 Yasuwe: 7015 1