Ikinyamakuru cyo muri Leta zunze ubumwe za Amerika, The New York Times cyatangaje ko Ubushinwa n’ Uburusiya byumviriza telefone ngendanwa ya Perezida Donald Trump.

Sponsored Ad

Impamvu yo kumviriziza iyi telefone ngo ugushaka kumenya abo Perezida Trump aganira nabo n’ aho ahagaze muri politiki.

Iki kinyamakuru cyatangaje ko ibiro bya Perezida wa Amerika Maison-Blanche aribyo byatahuye ko telefone ngendanwa ya Trump yumvirizwa. Nyuma yo kubitahura byaburiye abakora muri guverinoma ya Amerika mu rwego rw’ ububanyi n’ amahanga.

Amakuru Ubushinwa bwumviriza buyifashisha mu kongera ubukana mu ntambara y’ ubucuruzi iri hagati yabwo na Leta zunze ubumwe za Amerika.

Ubushinwa bwakoze urutonde rwa numero za telefone perezida Donald Trump akunda guhamagara ngo buge bubona uko buzumviriza.

Perezida Trump afite telefone 3 ngendanwa za Iphone akoresha ahamagarana n’ abantu. Ebyiri muri zo zirarinzwe mu buryo bw’ ikoranabuhanga ku buryo ntawe ushobora kuzumviriza ariko imwe ari nayo akoresha mu buzima bwe bwa buri munsi ntabwo irinzwe.

Telefone ngendanwa nizo zumvirizwa mu byuryo bworoshye mu gihe telefone fixe bigoye kuzumviriza.