skol
Kigali
startimes

Perezida Trump na Joe Biden babwiwe ko bazajya bazimirizwa mikoro igihe bari mu kiganiro mpaka

Amakuru   Yanditswe na: Dusingizimana Remy 20 October 2020 Yasuwe: 852

Mu kiganiro mpaka giteganyijwe kuwa kane hagati y’abakandida Donald Trump na Joe Biden ku mwanya w’umukuru w’igihugu gucana mu ijambo bishobora kutazongera kubera uburyo bushya.


Ubwo buryo bwemejwe na komisiyo itegura ibi biganiro, burimo kuzimya indangururamajwi (microphone) igihe umukandida atahawe umwanya.

Buri mukandida azajya ahabwa iminota ibiri yo kuvuga mugenzi we adashobora kumuvugiramo, mbere yo kongera gufungurirwa microphone ngo abe yasubiza ku bibazo.

Ikiganiro cya mbere yahuje Biden na Trump cyaranzwe no gucana mu ijambo, gucyocyorana kugeza ku gutukana.

Muri icyo kiganiro cyameze iminota 90, Trump yaciye mu ijambo mukeba we Biden inshuro 73.

Amakusanyabitekerezo yerekanye ko ari cyo kiganiro kibi cyane cyabayeho mu mateka ya vuba y’abashaka gutegeka Amerika, abantu 69% bavuze ko cyabateye umujinya.

Gukosora ibyagenze nabi

Abategura iki kiganiro bavuga ko iyi ngingo nshya igamije gutuma habaho ikiganiro mpaka kirimo guhana umwana mu gusobanura neza ingingo za buri umwe.

Biteganyijwe ko iki kiganiro mpaka cya kabiri kizabera i Nashville muri leta ya Tennessee.

Trump yabwiye abanyamakuru ko azacyitabira, ariko ko uburyo ubu bushya bwashyizweho "bubogamye cyane".

Uruhande rwamamaza Perezida Trump rwanenze kandi ko abategura iki kiganiro bavanye ingingo y’ububanyi n’amahanga mu zizaganirwaho kuwa kane, bavuga ko ibi ari ugufasha Biden.

Uruhande rwa Biden rwahise rusubiza urwa Trump ko bari gushaka guhunga ibibazo bigendanye n’uko Trump yitwaye imbere y’icyorezo cya coronavirus.

Donald Trump ubu ari inyuma ku makusanyabitekerezo y’ushobora gutsinda amatora, ariko ntibirarangira.

Mu 2016 Hillary Clinton nabwo yari imbere ya Trump yewe no mu bwinshi bw’amajwi y’abatora, ariko muri Amerika si uko amatora bayatsinda.

Biva ahanini ku kugira umubare ukwiriye w’amajwi muri leta zikwiriye, cyane cyane leta zidasanzwe zigira uruhande ruzwi zitora hagati y’abademokarate n’abarepubulikani.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ambasaderi wa Uganda muri Kenya ’Phibby Otaala’ yanze ko bamusimbura

Ambasaderi wa Uganda muri Kenya, Phibby Otaala, yatangaje ko...
30 November 2020 Yasuwe: 1270 0

Burundi: Umunsi Nkurunziza yatabarukiyeho wagizwe umunsi mukuru mu...

Leta y’u Burundi yatangaje ko tariki ya 08 Kamena nyakwigendera Pierre...
28 November 2020 Yasuwe: 1831 0

Amerika yagarutse kandi yiteguye kuyobora isi-Joe Biden

Joe Biden watorewe kuba Perezida w’Amerika yatangaje abategetsi batandatu...
25 November 2020 Yasuwe: 2424 0

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1870 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1633 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 1066 0