Kigali

Perezida w’ urukiko rw’ ikirenga wa Kenya yahawe hafi miliyoni 5 z’ amadorali arazanga

Amakuru   Yanditswe na: Nsanzimana Ernest 3 September 2017 Yasuwe: 22494

Perezida w’ urukiko rw’ ikirenga muri Kenya David Maraga ku wa Kane tariki 31 Kanama yahawe miliyoni 500 z’ amashilingi ya Kenya arazanga, bukeye atangaza ko ibyavuye mu matora ya Perezida wa Kenya biteshwa agaciro hagategurwa andi.

Kenya Commercial Bank (KCB) yatangaje ko aya mashilingi yashyizwe kuri Dr David Maraga n’ umuntu utazwi ahagana 3: 14.

Aya mashilingi ibihumbi 500 ni 4 848 659 mu madorali y’ Amerika ariyo ahwanye na 4,089,686,064 mu mafaranga y’ u Rwanda.

Dr Maraga yatangaje ko impamvu yanze aya mashilingi ari uko adashaka guharabika isura ye n’ iy’ urukiko ayoboye.

Mu itangazo ryashyizwe ahagaragara n’ umuyobozi wa KCB, Mr.Kamau Ndung’u, yavuze ko Dr Maraga yasabye banki gusubiza aya mashilingi aho yaturutse kuko nta muntu n’ umwe yitezeho amashilingi angana kuriya.

Yagize ati “Twegereye umukiliya wacu Dr Maraga atubwira ko nta hantu na hamwe yari yiteguye amashilingi angana kuriya. Yadusabye ko tuyasubiza nyirayo tugiye guhita tubikora”

Yongeho ati “Umukiliya wacu yarakaye turaza kugaragaza nyir’ ariya mashilingi kugira ngo ibintu binyure mu mucyo”

Ku wa Gatanu tariki 1 Nzeli 2017 nibwo urukiko rw’ ikirenga muri Kenya rwatangaje ko amatora ya Perezida wa Kenya yabaye tariki 8 Kanama yabayemo ubujura bw’ amajwi bwakorewe mu ikoranabuhanga.

Urukiko rw’ ikirenga rwatangaje ko amatora agomba gusubirwamo bitarenze iminsi 60, Uhuru Kenyatta wari yatangajwe ko yatsinze amatora avuga ko yiteguye kongera guhatana.

Raila Odinga utavuga rumwe n’ ubutegetsi bwa Kenya yavuze ko yiteguye amatora y’ ikiciro cya kabili gusa avuga ko komisiyo y’ amatora ikwiye guseswa kuko amatora yabayemo uburiganya aribo bari bayateguye.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Odinga

    Nibagirevuba batubwira uwashatse gutanga ariya mashilingi maze Odinga abigendereho ahite atsinda Kenyatta icy’umutwe.

    3 months ago
  • chat_bubble

    Imana ikomeze kumehezagira,abo ni bo bantu Afrika yose yarikeneye, uko biri kose yafashe ingingo nyayo kandi iteka niwe uryiha!

    3 months ago
  • chat_bubble Patrick

    Aya mashilingi ibihumbi 500 ni 4 848 659 mu madorali y’ Amerika ariyo ahwanye na 4,089,686,064 mu mafaranga y’ u Rwanda.
    Ibi sibyo na busa kuko ishiringi rya Kenya ntabwo riruta US $ ntanubwo riruta ifaranga ry’Urwanda inshuro 8000 zirenga nk’uko imibare yanyu ibigaragaza. Gusa icyo uyu muyobozi yakoze ni cyiza cyane ni urugero rwiza ku Banyafrica.

    3 months ago
  • chat_bubble INNOCENT

    L’HOMME QU’IL FAUT A LA PLACE QU’IL FAUT.URUGERO RWIZA KUBA NYAFURIKA,UREKE ABARENGANYA RUBANDA RUGUFI KUKO BAKIRIYE RUSWA YIBIFI BININI BAKICA AMATEGEKO NKANA.AGAHUGU UMUCO AKANDI UMUCO.

    3 months ago
  • chat_bubble Nimubona Alexis

    Dr David,uri Intwari Pe!Ku Butwari Bwaw Uzaronka Ibibiruta Ibihetangabo Vyinsh

    3 months ago
  • chat_bubble Gumaguma

    TPIR yo yemeye kuyamira bunguri

    3 months ago
  • chat_bubble GAKERI Athanase

    Bene aba bantu nibo imana ikeneye muli Paradizo dutegereje ivugwa muli 2 Petero 3:13.Yanze kurya RUSWA ya 4 Milliards/Billions Rwf.Ibihugu byinshi President yiba amajwi uko yishakiye,ntihagire uvuga.Kuba bamuhaye ariya mafranga,bashoboraga no kumwica agapfa nk’imbwa.Yitanze rwose kandi imana n’isi yose izabimwibukiraho ko yakoze ibintu bidasanzwe.Gutinyuka kuvuguruza President,cyane cyane wo muli Afrika,ni ugutinyuka cyane.Muli PARADIZO yenda kuza,hazabamo inyamugamugayo gusa.Abantu bibeshya ko ubuzima ari ugukunda ibyisi,ntabwo bazaba muli Paradizo.

    3 months ago
  • chat_bubble BIHIRA Protais

    Uyu president w’urukiko rw’ikirenga,niba koko yanze amafranga angina kuriya,abaye umwe mu bantu bake cyane batarya ruswa,kuko imana ibanga.Asengera mu idini ry’abadiventists.Uyu ni intwari kabisa,kuko bashobora no kumwica kubera kwanga kwemera AMATORA afifitse.

    3 months ago

Inzindi nkuru

Abana binjijwe mu gisirikare na Lubanga bahawe indishyi

Abacamanza b’urukiko mpuzamahanga mpanabyaha, ICC, bahaye inshumbusho(ingurane)
15 December 2017 Yasuwe: 36 0

Sinema yongeye kwemerwa muri Arabia Soudite

Nyuma y’imyaka isaga 30 abakora ama filime ndetse n’ama sinema mu gihugu cya...
15 December 2017 Yasuwe: 25 0

Abarundi barimo kwakwa amafaranga azakoreshwa mu matora ya Perezida

Leta y’ u Burundi irimo gukusanya mu baturage ingengo y’ imari izakoreshwa mu...
14 December 2017 Yasuwe: 422 0

Perezida wa Turukiya: Isi igomba kwemeza Yeruzalemu nk’umurwa mukuru wa...

Perezida wa Turukiya Recep Tayyip Erdogan yasabye ibihugu byiganjemo...
14 December 2017 Yasuwe: 327 0

Mugabe yavuye mu gihugu ajyana n’ umuryango we

Amakuru aturuka mu gihugu cya Zimbabwe aravuga ko Robert Mugabe wahoze ari...
13 December 2017 Yasuwe: 1154 0

Umunyarwanda wakorewe iyicarubozo yandikiye umugaba Mukuru w’Ingabo za...

Umunyarwanda Rene Rutagungira uri mu bantu icyenda barimo n’abapolisi bakuru...
10 December 2017 Yasuwe: 3477 0