skol
Kigali
startimes

Pierre Buyoya wayoboye u Burundi imyaka 13 nawe yavuze ku rupfu rwa Pierre Nkurunziza

Amakuru   Yanditswe na: Martin Munezero 11 June 2020 Yasuwe: 8874

Pierre Buyoya wayoboye igihugu cy’u Burundi mu gihe cy’imyaka 13, yihanganishije u Burundi n’abaturage babwo ku rupfu rwa mugenzi we, Perezida Pierre Nkurunziza witabye Imana kuwa mbere w’iki cyumweru azize indwara y’umutima.


Pierre Buyoya kuri ubu wibera mu mahanga aho bivugwa ko aba mu Bufaransa, yabaye Umukuru w’igihugu cy’u Burundi muri manda ebyiri zisa n’izikurikirana, ni ukuvuga kuva 1987 kugeza 1993 ubwo yasimburwa na Melchior Ndadaye wahise ahirikwa ku butegetsi abumazeho amezi atatu yonyine bituma Buyoya yongera kubwisubiza kugeza mu 2003.

Buyoya w’imyaka 70 y’amavuko, muri mu 2018 yashyiriweho na Leta y’u Burundi impapuro zo kumuta muri yombi kubera ibyaha imushinja byo kuba ariwe wateguye umugambi wo kwica Perezida Melchior Ndadaye wishwe mu 1993 akimara kumusimbura ku butegetsi.

U Burundi bushinja Major Pierre Buyoya kuba ariwe wateguye iyi ‘Coup d’Etat’ yatumye yongera kwisubiza ubutegetsi, aho kugeza ubu ariwe wa mbere ku rutonde ruriho abantu 17 bashinjwa uruhare mu iyicwa rya Perezida Ndadaye, rwasohowe n’Ubushinjacyaha bukuru bw’u Burundi mu kwezi k’Ugushyingo 2018.

Buyoya utajya akunda kumvikana mu itangazamakuru, yongeye kumvikana aganira na Radiyo Ijwi rya Amerika kuri uyu wa Gatatu nyuma y’aho Guverinoma y’u Burundi itangarije ko Perezida Pierre Nkurunziza yapfuye.

Buyoya mu butumwa bwe yahumurije umuryango wa Perezida Nkurunziza n’abaturage b’u Burundi muri rusange, akomeza asaba ko bakwitwararika muri ibi bihe bitari byiza igihugu kirimo kandi kugeza igihe Gen. Evariste Ndayishimiye uherutse gutorwa azarahirira gutangira imirimo ye hatabaye imvururu.

Biteganyijwe ko Perezida mushya, Gen. Evariste Ndayishimiye watowe ku itariki 20 Gicurasi 2020 azarahirira gutangira kuyobora iki gihugu tariki 20 Kanama 2020.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Rugali

    Njye ndikubara ngasanga yarategetse imyaka 16.Kuki muvuga 13 gusa?

    3 months ago

Inzindi nkuru

Perezida Trump yateranye amagambo na perezida Xi Jinping mu nama ya...

Ubushyamirane hagati y’Amerika n’Ubushinwa bwigaragaje mu nama rusange...
23 September 2020 Yasuwe: 1415 0

Amerika yahakanye ibyo gushinga ibirindiro bya gisirikare mu...

Nk’uko byakomeje guhwihwiswa ku mbuga nkoranyambaga mu mpera z’icyumweru...
22 September 2020 Yasuwe: 5540 0

DR Congo: Perezida Tshisekedi yagiranye ibiganiro na Kabila yasimbuye ku...

Perezida wa Repubulika Iharanira demokarasi ya Congo Félix Tshisekedi...
22 September 2020 Yasuwe: 1491 0

Burundi:Brig. Gen. Athanase Kararuza yiciwe hamwe n’umuryango we,abafite...

Brig. Gen. Athanase Kararuza wari umujyanama wa Visi Perezida wa Repubulika...
22 September 2020 Yasuwe: 9187 0

UN irizihiza imyaka 75 imaze ishinzwe -N’iki gikomeye yagezeho...

Umuryango w’abibumbye ku isi, ONU cyangwa UN, ibihugu biwugize uyu munsi...
21 September 2020 Yasuwe: 342 0

Joseph Kabila ari mu nzira yo gusubirana ubutegetsi – Minisitiri Claude...

Minisitiri w’Ibidukikije n’Iterambere rirambye muri Repubulika Iharanira...
19 September 2020 Yasuwe: 3269 1