skol
Kigali
startimes

Prime Niyongabo na Pontien Baritonda bahoze bafite ipeti rya Colonel mu Burundi bafunzwe n’ubutasi

Amakuru   Yanditswe na: Martin Munezero 19 September 2020 Yasuwe: 2342

Ku wa Gatanu w’iki cyumweru, (Rtd) Col. Prime Niyongabo wahoze ayobora abapolisi badasanzwe bo mu muhanda b’u Burundi (PSR) na (Rtd) Col. Pontien Baritonda usanzwe ari incuti ye, bafungiye muri gereza z’urwego rushinzwe iperereza mu Burundi nyuma yo gutabwa muri yombi mu mpera z’icyumweru gishize.


SOS Media Burundi ivuga ko Col. Niyongabo afungiye muri gereza ya Muramvya iri rwagati mu Burundi, mu gihe mugenzi we bakomoka muri Komini imwe ya Songa, ho mu Ntara Bururi mu majyepfo y’u Burundi afungiye muri gereza ya Bubanza.

Ubuyobozi bwa gereza ya Bubanza bwemeje ko Col. Baritonda yahagejejwe saa kumi n’ebyiri na 15 zo ku mugoroba w’ejo.

Col. Prime Niyongabo wayoboye PSR hagati ya 2002 na 2004, yatawe muri yombi n’abakozi b’Urwego rw’Igihugu rushinzwe Ubutasi (SNR) ku wa Gatandatu w’icyumweru gishize, afatiwe iwe mu gace ka Gasekebuye, muri komini ya Muha (mu majyepfo y’umujyi wa Bujumbura).

Mugenzi we Pontien Baritonda we yatawe muri yombi ku cyumweru afatiwe mu gace ka Kinanira 2 gaherereye muri Komini Muha.

Bivugwa ko bagitabwa muri yombi bagiye gufungirwa muri kasho iri mu rugo rwa Joseph Niyonzima uzwi nka Kazungu, akaba umukozi wa SNR uzwiho kugira uruhare mu bikorwa byo kwica urubozo no kwica abatavuga rumwe n’ubutegetsi cyangwa abitwa ko barwanya ubutegetsi bwa CNDD-FDD.

Incuti za hafi za bariya bahoze ari abasirikare bakuru b’u Burundi zivuga ko nyuma yo gutabwa muri yombi bagejejwe imbere y’ubutabera, gusa ntihagaragare ibyaha bifatika bashinjwa.

Col. Niyongabo ngo akurikiranweho “Ubutumwa bushidikanywaho” yohereje muri imwe mu magroupe ya WhatsApp basanze muri terefoni ye.

Uyu wahoze ari umuyobozi wa Polisi yari asanzwe ari umuyobozi muri sosiyete y’itumanaho y’abanya-Zimbabwe ya Econet-Leo, ikomeye cyane mu Burundi.

Hari amakuru avuga ko yamaze kwirukanwa kuri iyo mirimo ashinjwa “myitwarire idahwitse”, bijyanye n’uko ubwo yatabwaga muri yombi yari afite imodoka y’iriya sosiyete.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble MUCYO

    Inkuru zanyu ziba zituzuye Rwose
    mukwiye kubikosora mukamenya ibice bigize inkuru apana gupfa kwandika

    1 month ago

Inzindi nkuru

FBI irashinja Iran n’Uburusiya koherereza ubutumwa bw’iterabwoba bamwe mu...

Abakuriye ubutasi muri Amerika batangaje ko Iran ari yo yoherereje ubutumwa...
22 October 2020 Yasuwe: 671 0

Umunyamabanga wa leta muri Minisiteri y’ubutabera, Amb Solina Nyirahabimana...

Umunyamabanga wa leta muri Minisiteri y’ubutabera, Amb Solina Nyirahabimana...
21 October 2020 Yasuwe: 2765 1

Perezida Trump na Joe Biden babwiwe ko bazajya bazimirizwa mikoro igihe...

Mu kiganiro mpaka giteganyijwe kuwa kane hagati y’abakandida Donald Trump na...
20 October 2020 Yasuwe: 829 0

Guinea: Cellou Dalein Diallo utavuga rumwe n’ubutegetsi yitangaje ko...

Cellou Dalein Diallo utavuga rumwe n’ubutegetsi muri Guinea yitangaje ko ari...
20 October 2020 Yasuwe: 369 0

U Burundi bwabeshyuje ibyo guhiga abantu bose bavuga ururimi rw’Ikinyarwanda...

Minisiteri y’Umutekano mu Burundi, yahakanye ibiherutse gutangazwa ko...
18 October 2020 Yasuwe: 1575 0

Abaturage bo mu Burundi batashywe n’ubwoba nyuma y’imbunda zahawe...

Mu Ntara ya Cibitoke iri mu majyaruguru ashyira Uburengerazuba bw’u...
17 October 2020 Yasuwe: 2698 0