Kigali

Raila Odinga ararahirira kuyobora Kenya, bisi zari zijyanye abayoboke aho arahirira polisi yazihagaritse

Amakuru   Yanditswe na: Nsanzimana Ernest 30 January 2018 Yasuwe: 1339

Amabisi atatu yari atwaye abayoboke b’ ihuriro ry’ amashyaka atavuga rumwe n’ umutegetsi bwa Kenya bava I Mombasa berekeza mu mugi wa Nairobi ahabera umuhango w’ irahira rya Raila Odina yaharitswe na polisi y’ iki gihugu nk’ uko amakuru aturuka muri iki gihugu abivuga.

Kuri uyu wa Kabiri tariki 30 Mutarama nibwo biteganyijwe ko Raila Odinga umuyobozi w’ abatavuga rumwe n’ ubutegetsi bwa Uhuru Kenyatta arahirira kuyobora iki gihugu.

Polisi ya Kenya ivuga ko izi bisi zahagaritswe saa cyenda z’ igicuku zirimo abayoboke 82 barimo abana 10 badafite amarangamuntu, ngo muri abo 82 abenshi ni abagore.

Polisi y’ iki gihugu yatangaje ko abo bagenza bashobora kugenza imbere y’ inkiko bashinjwa kwica amategeko y’ umuhanda.

Saa mbili za mu gitondo nibwo aya mabisi yarekuwe, nyuma yo kurekurwa abashoferi baya mabisi babwiye Dail nation dukesha iyi nkuru ko barimo kwerekeza I Mombasa aho bari baturutse.

Iki kinyamakuru gifite amakuru avuga ko pulake z’ izi bisi zahawe abapolisi bashinzwe umutekano wo mu muhanda ngo aho bazibona bazihagarike.

Ubutegetsi bwa Perezida Uhuru Kenyatta bwo bwemeje ko uku kurahira kutazaba ndetse kunyuranije n’amategeko, bityo ko hazakoreshwa imbaraga ngo iki gikorwa ntikibe.

Norman Magaya umuyobozi mukuru wa NASA yabwiye KTN ko ibirori byo kwakira indahiro ya Odinga byamaze gutegurwa neza.

Yavuze ko NASA yateguye ko iyi ndahiro izabera mu gace ka Uhuru Park, kandi ngo yateguye uyu munsi nyuma yo kumenya ko nta bindi bikorwa bizahabera nk’uko leta yo yabitangaje.

Uyu muyobozi yamaganye amakuru yavuzwe n’ubuyobozi bwa Nairobi ko Uhuru Park izakoreshwa kuri uwo munsi.
NASA ngo izarahiza Raila Odinga nka Perezida, na Kalonzo Musyoka nka Visi Perezida.

Umuyobozi wa polisi y’ umugi wa Nairobi Japheth Koome ya Nairobi, yatangaje ko nta nama n’imwe igomba kubera mu gace ka Uhuru Park.

Odinga agiye kurahira mu gihe mu Gushyingo umwaka ushize, Uhuru Kenyatta yarahiriye kuyobora Kenya, ni umuhango witabiriwe n’abakuru b’ibihugu barenga 10, barimo na Perezida w’u Rwanda Paul Kagame.

Kenyatta yagiye kuri uyu mwanya nyuma yo gutsinda amatora yasubiwemo tariki ya 26 Ukwakira aho yagize amajwi arenga 98%.
Mu matora yari yabanje, Komisiyo y’amatora yari yemeje ko Uhuru Kenyatta yatsinze Raila Odinga ku majwi 54,27%, mu gihe Odinga yari yagize 44,74%.
Gusa Odinga yanze iki cyemezo, avuga ko habayeho kwiba amajwi, ahita anatanga ikirego mu Rukiko.

Nyuma yo gusubirishamo amatora, Odinga yanze kuyitabira ahubwo avuga ko ari we mukuru w’igihugu.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ibihugu by’ ibihangange bihangamye Arabia Saoudite kubera urupfu rw’...

Perezida wa Leta zunze ubumwe za Amerika Donald Trump udahema kugaragaza ko...
21 October 2018 Yasuwe: 1069 0

Raila Odinga , Afurika yunze ubumwe yamuhaye akazi

Umunyapolitiki utavugarumwe n’ ubutegetsi muri Kenya Raila Odinga yagizwe...
20 October 2018 Yasuwe: 1507 0

Minisitiri w’ Intebe wa Ethiopia yashyizeho guverinoma agabanya abagore n’...

Minisitiri w’ ingabo w’ umugore Minisitiri w’Intebe wa Ethiopia, Abiy Ahmed...
17 October 2018 Yasuwe: 724 0

Perezida Trump yohereje umuyobozi muri Arabia Soudite ngo akurikirane...

Mike Pompeo, umunyamabanga wa leta muri Leta Zunze Ubumwe z’Amerika, yageze...
16 October 2018 Yasuwe: 392 0

Museveni agiye gutaha ikiraro kirekire cyubatswe hejuru ya Nili

Perezida wa Uganda Yoweli Kaguta Museveni kuri uyu wa 17 Ukwakira 2018...
16 October 2018 Yasuwe: 3555 1

Ubwongereza, Ubudage n’Ubufaransa nabyo bisaba iperereza ku mu nyamakuru...

Ubwongereza, Ubudage n’Ubufaransa byasabye ko hakorwa iperereza "ryo...
15 October 2018 Yasuwe: 715 0