Kigali

Robert Mugabe yagurishije inka ze atera inkunga AU

Amakuru   Yanditswe na: Nsanzimana Ernest 4 July 2017 Yasuwe: 717

Perezida wa Zimbambwe Robert Gabriel Mugabe yagurishije ubushyo bw’ inka atanga sheki ya miliyoni y’amadolari y’Abanyamerika mu Kigega cy’Umuryango wa Afurika yunze Ubumwe (AU).

Uyu mukuru w’ igihugu yabikoze mu rwego rwo gushyigikira ko Afurika yacika ku muco wo wo kubeshwaho n’ inkunga z’ amahanga.

Aya madolari yatangiwe mu nama y’abakuru b’ibihugu bigize AU yateraniye muri Ethiopia ku wa 3-4 Nyakanga 2017.

Zimbabwe yagurishije inka zifite agaciro ka miliyoni y’amadolari y’Abanyamerika, Perezida Mugabe yavuze ko we ubwe yatanzemo inka ze 300.

BBC dukesha iyi nkuru yatangaje ko Robert Mugabe yatanze ayo madolari mu gihe igihugu ayoboye cyibasiwe n’ibura ry’ibiribwa. Umwaka ushize abaturage bagera kuri miliyoni enye bari bakeneye ubufasha bw’ibiribwa bitewe n’ibura ry’imvura. Uyu mwaka bwo imvura yaguye neza ndetse biteganyijwe ko igihugu kizihaza mu biribwa.

Abatavuga rumwe n’ubutegetsi bwa Mugabe banenga politiki ye bavuga ko kubura kw’ibiribwa kwaturutse kuri gahunda ye yo kwambura abazungu ubutaka bituma urwego rw’ubuhinzi rumererwa nabi.

Minisitiri w’ububanyi n’amahanga wa Zimbabwe, Simbarashe Mumbengegwi, yavuze ko izo nka zatanzwe n’abantu bungukiye mu mpinduka zakozwe mu by’imirima n’amashyamba.

Iyo mpano ya Mugabe ije isubiza umuhigo yari yarihaye mu 2015, avuga ko azatanga inka 300.

Ubwo yavugiraga muri iyo nama, Mugabe yavuze ko inka yatanze ari nke, yongeraho ko ari ikimenyetso gikomeye cyo guhagarika umuco wa Afurika wo gutegereza ak’imuhana.

Yagize ati “Nk’Umunyafurika w’umworozi, gutanga inka ni ikintu gisanzwe kuri njye, twibuke ko umugabane wacu wahawe umugisha wo gutunga inka nyinshi kandi zifatwa nk’ikimenyetso cy’ubukire.”

Ubwo yayoboraga AU hagati ya 2015 na 2016, Mugabe yakunze gushyigikira ko Afurika ikwiye gufashwa n’Abanyafurika ubwabo. Kugeza ubu 60% by’ingengo y’imari ya AU iracyaturuka mu baterankunga bo hanze y’uyu mugabane.

Ikigega cya Afurika Yunze Ubumwe cyatangijwe muri Mutarama 2015 nyuma y’uko cyari cyaremerejwe mu nama ya 21 y’abakuru b’ibihugu bigize AU muri Gicurasi 2013.

Hakusanywa imisanzu ifasha uwo mugabane kugera ku cyerekezo cy’uko abawutuye batera imbere, mu mahoro no kuwuteza imbere ku rwego mpuzamahanga kandi bikagerwaho Abanyafurika ubwabo ari bo babigizemo uruhare.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ku mbuga nkoranyambaga Mugabe yahawe ikaze muri ICC, Museveni asabwa kugera...

Akanyamuneza kari kose mu badepite bakimara gusomerwa urwandiko rwa Mugabe...
22 November 2017 Yasuwe: 3154 2

Mugabe yandikiye inteko ishinga amategeko ayimenyesha ko yeguye ku mpamvu...

Perezida wa Zimbabwe, Robert Mugabe amaze kwegura mu gihe inteko yari...
21 November 2017 Yasuwe: 1615 1

Uganda: Umukozi wa Minisiteri y’ amazi yarapfuye umubiri we wangirikira mu...

Abatuye Katooro, Entebbe mu mugi wa Kampala, mu gihugu cya Uganda kuri uyu...
21 November 2017 Yasuwe: 1689 0

Uganda: Abapolisi 5 n’abandi barimo uwahoze muri RDF basubijwe mu...

Mu gitondo cyo kuri uyu wa mbere tariki 20 Ugushyingo 2017 nibwo Abapolisi...
20 November 2017 Yasuwe: 1542 1

Nkurunziza yatanze igisobanuro cy’Imbonerakure benshi baratungurwa

Perezida Pierre Nkurunziza w’Igihugu cy’U Burundi, yatunguye benshi maze...
20 November 2017 Yasuwe: 2962 2

Perezida Mugabe yanze kuva ku butegetsi

Perezida Mugabe yanze kuva ku butegetsi Mu ijambo yatangambukije kuri...
20 November 2017 Yasuwe: 1042 0