skol
Kigali
startimes

Tanzania: Umukandida wa CHADEMA yahagaritswe kwiyamamaza icyumweru kandi urugamba rugeze mu mahina

Amakuru   Yanditswe na: Dusingizimana Remy 3 October 2020 Yasuwe: 3748

Akanama gashinzwe amatora ka Tanzania kabujije Tundu Lissu, umukandida perezida w’imena mu batavuga rumwe n’ubutegetsi, kwiyamamaza mu gihe cy’icyumweru.


Bwana Lissu ni umukandida w’ishyaka ’Chama cha Demokrasia na Maendeleo’ (CHADEMA).

Bibaye mu gihe ibikorwa byo kwiyamamaza bigeze mu gihe cy’amahina, mu matora ya perezida ateganyijwe kuba ku itariki ya 28 y’uku kwezi kwa cumi.

Ishami rishinzwe imyitwarire ryo mu kanama k’amatora ka Tanzania ryavuze ko ryafashe icyo cyemezo nyuma y’ibirego ryagejejweho n’ishyaka riri ku butegetsi ’Chama Cha Mapinduzi’ (CCM) n’iritavuga rumwe nabwo rya ’National Reconstruction Alliance’ (NRA).

Ayo mashyaka ashinja Bwana Lissu kuvuga ibitari ukuri ko Perezida John Magufuli - umukandida wa CCM - yakoranye inama mu ibanga n’abakuru b’uturere twa Tanzania agamije gushaka kugena ibizava mu matora.

Bwana Lissu anashinjwa guhamagarira abaturage kutemera uburiganya ubwo ari bwo bwose bwo mu matora, akanabashishikariza kwigaragambya mu mihanda, nkuko bivugwa n’umunyamakuru wa BBC Aboubakar Famau.

Bwana Lissu ahakana ibyo ashinjwa, ndetse afite uburenganzira bwo kujurira ku kuba ibikorwa bye byo kwiyamamaza byabaye bihagaritswe.

Tundu Lissu, aherutse kuvuga ko nta cyizere afitiye komisiyo ishinzwe gutegura no guhagarikira amatora muri iki aho yiteze ko uwo bahanganye Perezida John Magufuli ashobora kwibirwa amajwi

Bwana Lissu watahutse mu kwezi kwa Nyakanga avuye mu Bubirigi aho yari amaze imyaka itatu yaragiye kwivuza nyuma y’aho asimbutse urupfu rw’abashakaga kumwicira mu murwa mukuru, Dodoma.

Kuwa 10 Kanama 2020, yabwiye Lissu yabwiye radiyo yo muri Kenya, Radio Citizen, ko Komisiyo ishinzwe gutegura no guhagarikira amatora uiora ku nyungu za Perezida Magufuli.

Bwana Lissu yagize ati: "Umukuru hamwe n’umunyamabanga nshingwabikorwa bayo bashyizweho na Perezida Magufuli. Bamaze imyaka yose berekana ko bakora nta kwigenga".

Avuga ko n’ubwo bimeze uko, ishyaka rye Chadema rizitabira amatora, ariko ko uzakorresha uburyo bwose bushoboka kugira ngo ibizava muri ayo matora bizabe koko ari ukuri.

Bwana Lissu yavuze ko kuva yagaruka mu gihugu nta radiyo cangwa televiziyo n’imwe yo muri Tanzania irigera imuha ikiganiro kubera gutinya itotezwa.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Donald Trump yivuze ibigwi karahava ubwo yasezeraga Abanyamerika

Perezida wa Amerika Donald Trump yavuze ijambo rye ryo gusezera mbere yo...
20 January 2021 Yasuwe: 4391 0

Bizagenda bite ubwo Joe Biden na Kamala Harris bazaba barahira?

Perezida watowe Joe Biden ku munsi w’irahira rye azahita ajya muri White...
19 January 2021 Yasuwe: 4244 0

Bobi Wine yahishuye ko ubuzima bwe buri mu kaga

Bobi Wine watsinzwe amatora y’umukuru w’igihugu muri Uganda, afite ubwoba ko...
17 January 2021 Yasuwe: 5118 0

Bidasubirwaho Perezida Museveni yatorewe kuyobora Uganda ku nshuro ya...

Komisiyo ishinzwe gutegura amatora muri Uganda yemeje ko Perezida Yoweri...
16 January 2021 Yasuwe: 6052 0

Uganda: Museveni yongeye kwanikira Bobi Wine mu majwi

Ku munsi wa kabiri ibyavuye mu matora yo ku wa kane birimo kubarurwa muri...
16 January 2021 Yasuwe: 4461 0

Bobi Wine yatangiye kwamagana ibyavuye mu matora rugikubita

Robert Kyagulanyi, umukandida utavuga rumwe n’ubutegetsi yamaganye ibyavuye...
15 January 2021 Yasuwe: 4384 1